مجزرة ( ساهر ) القابضة !!!!!!!!!!!!!!!

[د.محمد حمدان المالكي]

مجزرة (ساهر) القابضة !!!!

حسبي الله على (ساهر) ونعم الوكيل

ما ترك لي في الراتب ريال اذخره
سامني بالعذاب وشال كل الحصيل
ما عطى فرصةٍ لجلي عشان احذره
واختطف لقمة اولادي بعذرٍ هزيل
واتقن الدور والتمثيل والسمسره
طحت في عنبر الجزار (ساهر) نزيل
واصبحت لي عنابر (ساهر) المقبره
صرت في نومي احلم به واعود عليل
واصبح الصبح وآنا مثل جذع اشجره
كل ما لاح برّاق السما والمخيل
فرملت رجلي الموتر وطاح انحره
حط في كل شارع كاميرا بالقليل
قصده ( استار اكاديمي ) بكل اخبره
وإن نويت اخرع اصحابي بشيٍ ثقيل
قلت : (ساهر) !! ، ولا بتشوف غير اغبره
في قواميس (ساهر) لا تجد مستحيل
حتى وإن كنت واقف وقفه مصوره
ربما لك قسيمه وانت ماشي بفيل
وان بغيت اعتراض .. البحر دوك اعبره
وان توانيت في التسديد جالك بديل
دبولها ومثلك جاه كسر اظهره
راتبي راح في تسديد (ساهر) سبيل
واستلف لجل اسدد كل شهر اشهره
بعدها قلت احول راتبي للعميل
عللي ارتاح مالتحويل والمشوره
كن مَدة قسايم (ساهر) ادقال سيل
كل ما صوروا واحد عطوه اعشره
مدةٍ ما هي بمدة غلامٍ بخيل
تجعل الطفل شايب في بياض اشعره
كنت احب السهر واسري بذكرى الخليل
بين لوله وجمرات الشفا وازهره
واعشق البدر واسهر في ضياه الجميل
واسري الليل واناجي سهاد اقمره
لين جا (ساهر) الجزار في وسط ليل
وانتهى عشقي الاول وجاه اقدره
واصبح العيش معْ (ساهر) لنا مستحيل
ما ترك في جيوب الناس حبة ذره
عند مين اشتكي (ساهر) وليلي طويل
بعد ما حط لي في راتبي مجزره

محمد بن حمدان المالكي
15 / 1 / 1432هـ - الـرياض

[سعيد بن عبدالله الزهراني]

دكتورنا الفاضل :
ابدعت في الوصف في هذا العدو الغاشم وكأنه سيصلح ما افسده الدهر والإنسان في ما يخص حقوق المواطن و الإنسان .
أتمنى في الميزانية القادمة أن يتم إدراج إرادات ( نظام ساهر ) حتى يعرف المواطن قيمته في رفع إيرادات الدولة ومن ثم يعطى لصاحب الفكرة وسام الترشيد وإرجاع ولو النذر اليسير مما أستوفاه المواطن من رواتب لقاء مخالفته لنظام ساهر المحترم الذي يختار ضحيته بعناية .
تقبل مروري , ودمت في رعاية الله وحفظه .

[د 0 مــشــاكــس]

صح لسانك يادكتورنا الغالي

[احمد صعمود]

صح نبضك يادكتور محمد

وكنت دكتور في الوصف والتجسيد

يعطيك العافيه نص فخم وواقعي
تقديري

[فهد سعود الزهراني]

ههههههههه

هلابك يابوبدر

نطقت حقا في حق الجزار وقد اجدت فيه هذا الوصف

نحن لا نعترض على النظام كنظام فهو مطبق في كل دول العالم ولكن الطريقة اللي عندنا هي طريقة السرقة ليس الا

باصات تتخفى كل يوم في شجره
وسرعات تصل اليها وانت على سيكل فما بالكم بسيارة

شوارع متهالهة لا فيها لوحات ولافيها خطوط مشاة
تربينا مئة عام على الهمجية ثم يريدون ان تتعدل في ضرف ساعة

والتحدي القادم مع المرحلة الثانية وسيكون امامك خيارين احلاهم مر

اما توقف عند الاشارة اذا نويت الالتفاف يمنيا وبالتالي تتحمل الصدمة اللي بتجيك من اللي وراك
ولا تلف بدون توقف وتسدد 300 ريال عند كل اشارة

حسبنا الله ونعم الوكيل خير ما استفتحت به قصيدتك الرائعة


لاهنت ابابدر

[د.محمد حمدان المالكي]

هلا وغلا
وما قلتوه صحيح
وما قلته إن شاء الله صحيح
حسبنا الله

[حسين المعنى]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حي من هو وضع دله على زنجبيل=بالعلوم الصحيحه صبت امبهره

يامحمد ترانا اليوم في خس جيل=الرجل يامحمد كنه اصبح مره

مامعه غير لهمومه وحزنه يشيل=علم ماهو مقدم له ولامخره

ماحصل لك حصل لغير جاه السبيل=غير وش في يدينا نطلعه نندره
لا معانا كثر ولا معانا قليل=مامعانا سوى دمع الغبن ننثره
اسمع العلم ماهو هرج قالن وقيل=من معه موترن ساهر يجي بخبره
اعتقد كل واحد يكرهه والحصيل=شجرت الهرج فالواقع بدون اثمره
من رضي ماغبن واللي غبن قد يميل=لطريق الذي ينهيه ويفجره
ارضنا طيبه منتوج بنن وهيل=غير فيها بلا التقليد والمفخره
صاير الذيب فيها مالهوايل ذليل=لو تصفق بيدينك ترى تذعره
ماتضيق الحقيقه رجل واعي واصيل=ماتضايق يكون اللي به المحقره
خطنا خطنا بعد السعد صار ويل=من وقوع اليالي صابنا هستره
بشتري جيب واجي مثل وادي مليل=واستعيد الصحاري والزفلت اهجره
والمقاضي على رجلي وضهري يشيل=دام شين حرام ولاحدن كفره
ويش يحلل لمال انسان مافيه حيل=طاحه الوقت والحض الردي كسره
لله اشكي بوقت اليل والا المقيل=واسأله بالعفو والستر والمغفره[/poem]

[سعيد بن سالم]

رائع يا دكتور

صح لسانك وجاد بيانك

نتمنى ان ينام ساهـــــــــر بامر سامي / ونصبح على خبر : القبض على الحرامي

شكراً يابو حمدان

لا فض فوك

[حسين المعنى]

صح الله لسانك يابو بدر

قصيده كايفه والمعذره جاريناها على السريع
على العموم اشكرك على ماقدمت وعلى تواجدك في منتداك

لك تحياتي واحترامي

[عبدالله العلي]

[frame="1 80"]

اقتباس: المشاركة الأصلية كتبت بواسطة sam      دكتورنا الفاضل : ابدعت في الوصف في هذا العدو الغاشم وكأنه سيصلح ما افسده الدهر والإنسان في ما يخص حقوق المواطن و الإنسان . أتمنى في الميزانية القادمة أن يتم إدراج إرادات ( نظام ساهر ) حتى يعرف المواطن قيمته في رفع إيرادات الدولة ومن ثم يعطى لصاحب الفكرة وسام الترشيد وإرجاع ولو النذر اليسير مما أستوفاه المواطن من رواتب لقاء مخالفته لنظام ساهر المحترم الذي يختار ضحيته بعناية . تقبل مروري , ودمت في رعاية الله وحفظه .

[/frame]