سعد رجع البيت لقى زوجته....................

[غرور أنثى]

سعد رجع البيت لقى زوجتة.......؟تعال وشوف شلون لقاها؟


السلام عليكم ورحمـه الله وبركاته






اليوم جايب لكم قصصه قالها لي واحد صارت لصديقه قصصه تخوف وحزينه وحلوه




سعد شاب سعودي يبلغ من العمر 25 سنه موظف في القوات البحرية السعودية



متوظف له ثلاث سنوات في منطقه جازان سعد يريد الزواج ولكن يقول انا انسان اروح العمل


وأستلم يومين وصعبه اخذ الحرمه معاي جازان واخليها في البيت يومين


المهم بعد مألحت عليه والدته تزوج الرجال واخذ زوجته معاه إلى جازان


وعاشو احلى سته اشهر مع بعض طبعآ زوجه سعد طيبه ولطيفه ولكـنها حقت مقالب < زي يداعبها

الخجل يوم خوفت ابوها ههههههههههههههههه


>نكمل



سعد كان مستلم يومين وبعد ماطلع من العمل الساعه 12 في الليل اتصل بزوجته وقالها


اجيب عشاء معاي قالت له ايه جيب



زوجه سعد الحين تفكر تقول وش المقلب الي اسويه في سعد الله لا يوريكم سوت فيه مقلب


>اقرو وبدون صوت عشان نعرف وش المقلب


طبعآ عندهم شرشرف لونه ابيض قديم ومايبونه وفيه فيمتو


قالت ابي اسوي فلم على سعد تبي تسوي يعنها مقتوله جابت سكين وخرقت الشرشف

وجابت زجاجه الفيمتو وصبت على الشرشر مكان غزه السكين واخذت شفطه من الفيمتو


في فمها وتفلت على شفاتها كأن الدم خارج من فمها

وراحت انسدحت على السرير وتلحفت بالشرشرف وحطـت السكين بين يدها وصدرها والسكين


للي يجي داخل على الغرفه يشوفها كأنها ثابته في قلبها يقول طبعآ هي ممثله جيده


جاء سعد دخل البيت متعود انها دايم تجيه وهو داخل مع الباب


المره هذي ماجاء سعد يناديها >ماترد عليه سعد ماسك العشاء بيده جاي يبي يرتاح


دخل غرفه النوم شافها



صابته حاله هستيريه ومايدري وش يسوي يقولون يقولهم بعدين ماكان تفكيري الا انها


قبل عشر دقايق مكلمته جوال والباب مغلق ومفتاح الباب فيه يعني الي قتلها في الشقه سعد

عنده سلاح مسدس اخذ المسدس من الدرج وراح يحرك زوجته وهي ماتتحرك راح يدور في الشقه

مالقي احد طلع واتصل بالاسعاف والاسعاف بينهم وبين البحث الجنائي تنسيق

طبعآ رجع الشقه يبي يشوف زوجه وهو في حاله يرثى لها حاله هستيريه

ودخل عليها في الغرفه وهي على الفراش وقامت وتناظر فيه وتضحك


تقوله مقلب مقلب هههههههههههههههههههههههههههههههه



طبعآ سعد من الفرحه والمقلب الغبي جاها واعطاها كف بأقوى ماعطاه ربي من حيل

وهي تنصرع ههههههههههههههههههههههههههههههههه



ويجيب مويا ويرشها عليها ههههههههههههههههههههههههههههههه وهي تصحي



وشوي جوال سعد يدق وينك حنى الاسعاف يالله عشان نلحق زوجتك


قال لا هي طيبه ولا فيها شي >طبعآ الاسعاف وصل هالمعلومه للبحث الجنائي


والساعه 2 في الليل الباب حق شقه سعد يدق ههههههههههههههه


راح وهو تعبان ومرهق وطفشان وفتح الباب ويناظر ولا 4 رجال وحرمتين


الرجال 2 لابسين رياضه وثنين لابسين ثياب وحرمتين قالهم خير ؟


قالو معاك البحث الجنائي ومعانا امر بتفتيش البيت ؟ قالهم خير إن شاء الله

قالو جاء بلاغ بوجود وحده مقتوله هنـا قال انا الي مبلغ وزوجتي طلعت مسويه فيني مقلب

وقالهم السالفه بالتفيصل وقالو السجانات الحريم الثنتين هذول يدخلون ويفتشون البيت

وشافو زوجته وقالو لها انتي سويتي كذا قالت لهم ايه ماشفتو الكف الي على وجهي ههههههههههه


واقتنعو البحث الجنائي بالشي هذا وقالهم سعد بسسس انتو شلون عرفتو بيتي > قالو اخذنا رقم

جوالك وحددنا مكانك عن طريق الاحداثيات من قبل الاتصالات هههههههههههههههههه


ومن يومها سعد يقول زوجتي بطلت مقالب وصارت حرمه ممتازه >ايه بعد الكف



< طبعآ ماكتبت القصه هذي الا بعد ماخليت صديقي يتصل في سعد<اسم مستعار بسسس هو ماسمه سعد


خليته يتصل في صاحب القصه وقاله واحد عندي يبي يكتبها في الانتر نت قال خله ياخذ راحته

يمكن يتعضون البنات الدلوخ الي يسون مقالب مالها داعي









>في انتظار تعليقكم على قصصصه سعد وزوجته

[طيب القلب]

قصة جميلة أشوى ما قتلها بالمسدس .ههههههههههههههههههههههه

أشكرك أختي غرور أنثى .

[زهراني من الرياض]

والله مو قاهرني الا الاعلانات اللي مخربه الموضوع هاذي مدري وش تحس فيه <<< الا انت اللي وش تحس فيه..

[سفيرهـ الحنانـ]

هههههههههههه

توقـعـت يطعنهــا بالسكيــن ^_*

بس حلـو انتهـت على هذي ..

مشكـورهـ يالغـلآآ ...

[صقرالوفاء]

ههههههههههههههههههه هذي منسمه قسم

ذا وقت استهبال والا وقت تستقبل فيه زوجها بافضل حا يومين والساعه 12 بالليل

وربي قهر

لو انا مكانة كف ما يبرد حرتي والله

[جسد بلا قلب]

كف بس

لالالالالالا مو كف هذي يبيلها

تعلقها بالمروحة وهاتكـ يا ...

وبعدين يقولها آسف حياتي أمزح ..

الا تصدقوا مو أخذ مسدسه وراح يدور اللي بالشقة ، تخيلوا لو رجع وشافها تمشي وطخها بين عيونها ..

كان مزحة صح هههه

عاد تصدقون مقلب حلو ..

[لغة العيون]

ههههههههههههههههههه
الصدفة احيانا تؤدب من غير شيئ
جنت على نفسها
عموما بعض المزح اقشر
الله يعطيك العافية غرور انثى

[نسيم السروات]

وشفيكم يارجال ما أحد يقدر يمزح معكم مزح ثقيل كذا

لكن أما هذه بصراحة جابت العيد مقتولة مرة واحدة ؟!!!!

والله قد صارت معي مرة تهاوشت أنا وزوجي قبل ما ننام وأنا سكت

وهو مستمر يهاوش والبنت كانت نايمة في سريرها صحت من صوته

قام هو يناديني خذي البنت نوميها ، قومي البنت قامت ، سكتي البنت ، ونا ما رد عليه سويت نفسي ميته

ناداني لين تعب مافيه فائده ، نهض الرجال بأقوى ما عنده وأخذ يتحسس لنفسي فكتمت نفسي وتمالكت نفسي ما ضحكت

لأن فيني زعل وهذا أعطاني دفعة تحمل لكن يوم حط يده على وجهي وقام يفتح في عيوني ويناديني وهو خائف ماقدرت

أتمالك نفسي كرررريت بالضحكة ، عندها قرصني قرصة كهيل جلست شهرين سحرة زرقا في ذراعي وطلق طلاق لو

عدتها مرة ثانية لأسحبك برجلك سحب وأجلدك بالعقال .

وسبحان الله ربي نصرة علي في نفس الليلة دخلت الحمام الله يكرمكم وبعدما قفلت الباب وأطالع في البانيو وأشوف

فار يطالع فيني بعيون تخرع وما عرفت أفتح الباب من الخرعة وأصيح في زوجي أفتح لي الباب أفتح لي بسرعة

قاللي يامجنونه أفتحي الباب من عندك وشفيك قلت فار في الحمام .

المهم دخل الرجال مع الفار وما أسمع إلا طاخ طيخ مضاربة بالمكانس والمساحات حتى أرداه قتيلا .

الله لايعيدها كنا ساكنين في عمارة كلها فيران .

غاليتي غرور أنثى موقف حلو لكنه ثقيل حبتين أثقل بكثير من موقفي .>>> قاطه معك في الموضوع

الف شكر لك وياليت كل من مر يرد يتحفنا بموقف حلو مر عليه محتاجين نضحك ونتسلى .

[محمد الساهر]

اقتباس: المشاركة الأصلية كتبت بواسطة جسد بلا قلب      كف بس لالالالالالا مو كف هذي يبيلها تعلقها بالمروحة وهاتكـ يا ... وبعدين يقولها آسف حياتي أمزح .. الا تصدقوا مو أخذ مسدسه وراح يدور اللي بالشقة ، تخيلوا لو رجع وشافها تمشي وطخها بين عيونها .. كان مزحة صح هههه عاد تصدقون مقلب حلو ..

الف شكر قصه جيده

[ابو محمد 1382]

قصه جميله جدا مشكور