[خبر] مشكلة تعليق شا شة الآيباد والآيفون

[سعد الحبيطه]

مشكلة تعليق شا شة الآيباد والآيفون

تكفون يا جماعة الربع والربعات

لا أحد يقول اني قلت لكممن شان ما يقتصون مني عصابة سوق الجوالات بجميع أجناسها وأروح ضحيه إي باد

ايه هين بس .. ما يخسى الاهم !! <<– بدأ الهياط

قبل فترة بسيطة كنت في سوق الإتصالات , أوما يسمى بـ ( سوق المرسلات ) .. وكنت أتكلم مع واحد من أصحابالمحلات وأتفاوض معه .. أو أكاسره أن صح القول.. فدخلت علينا حرمه باين عليها كبيره في السن شوي ومعهاآي باد باين عليه أن حق عيالها وبالأصح بنوتتها (يركدون وش فيك اركد عاد شطحت ؟صاير المحقق كونان !! على غفله

المهم قالت الحرمه لصاحب المحل ( واللي أحب اتحفظ على جنسيته دراً للعنصرية) : شف هالجهاز مدري وشفيهما طاع يشتغل - !! على فكره وش معنى طاع وقصدها رافض يشتغل

المهم .. أخذ اليمني الآي باد - - ترى للحين وأنا متحفظ على الجنسيه وقاللها : هذا المذربورد فيه خربان .. للأسف ما راح تحصلين أحد يصلحه هنا !! .. لكن مومشكلة انا بحاول لك وترى صعبة الشغلة وحساسة وبتكلفك 800 ريال .. ولو بتلفين السوق كله ما راح تحصلين أحد يسويه لك بأرخص من كذا

انا بلقافتي وركادتي المعهوده قربت شوي على بالي اشوف الطاولة .. ثم قربت شوي زيادة على بالي أشوف جوال محطوط على الطاولة .. ثم قربت أكثر على بالي أشوف الشاحن حق الجوال المحطوط وكمان على الطاولة.. لين ما صار خلاص ما بقى الا شوي واطيح في حضني اليمني من الحماس .. فـا شفت الشاشة مكتوب عليهاهالكلام

انقهرت وقمت من حضن راعي المحل - لاتصدقون عاد اني كنت بحضنه - وقلت للحرمة : لو سمحتي يا أختي ترى الجهاز مو خربان ولا حاجة .. الـجهاز كان في مكان حار أو أن انه كان مكتوم والشغل عليه كان طويل - شكل ولدها يشتغل على Whoshere مدري البنت تلعب لعبة Angry Birds - لعبتي المفضله - أقول أركد وبطل شحطاتك السخيفه يا يركدون -

وقلتلها من شان كذا وصل لدرجة حرارة معينة وقفل النظامعشان يحمي ( المذربور ) على قولة بعض الناس<<– أقولها وانا أناظر اليمني بطرف عيني

وبكل بساطة يا أمي هم كاتبين لك علىالشاشة , الجهاز الآن محتر وقفل لأجل الحماية ويحتاج بس يبرد شوي وبعدها بيشتغل .. وفعلاً اخذته الحرمه وعطته السواق وحطوه عند المكيف حق السيارة وبعد كذا دقيقةاشتغل .. وعاد الله يعافيها ما قصرت رجعت وشكرتني المسكينة ثم راحت وقبل ما تروح مسكتها وقلت : هاها ..وين الثمان ميه يا أم الشباب؟! <<– العن من راعي المحلتراني أمزح الصراحة هي راحت بدون ماأخذ منها شيء.. فقال لي راعيالمحل وهو معصب : أنت تخسرني وتخرب علي زبايني..

ونصيحتي يااااااااااااااليت الواحد قبل لا يروح لذاالنصابين يقرأ المكتوب عالشاشه ويترجمها إذا ثقافته موش خوش ويبحث في النت عن مشكلته أو يدخل موقع تكنو ويريح نفسه مدري بوك فلوسه

رسالتي لكل النصابين بجميع أجناسهم انا وراكم وراكم لين تصفون النيه وتضبطون وضعكم

__,_._,___

[أبوعدي]

مشكوووووور والله يعطيك الف عافيه

[منبع الطيب]

كفوووو والله يابو يزن
كثر الله من امثالك

يعني جيت الرياض ياولد ولا علمتنا

[عبدالرحمن الخزمري]

شكراً اخي الكريم



تحيتي و تقديري ,,,

[ابو احمد الحريري]

الف شكر وصادك منبع الطيب ههههههههههه