خله بكيفه

[حسين المعنى]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياصاحبي ماني سعيدن ومحضوض=لا لا تقل لاواهنيه وحضه



متشوف صوتي عود اليوم مغضوض=تدري وش اللي هد قلبي وغضه



هذا وليفن كل مطلبه مرفوض=وانا حشى مقدر لرده ورفضه

حتى كلام الحب ماهو بملفوض=طبعه يعجزني لنطقه ولفضه

امره عليه صار واجب ومفروض=وانا ورب البيت ماحب فرضه

كتبت انا ورسلت لزين معروض=ورفض حبيب الروح شرحه وعرضه

والقلب لا تحسبه مالخوف مخضوض=انت اتخبر قلبي من الناس خضه

احس جسمي بالحصى صار مرضوض=ولاغير محبوبي من الخلق رضه

خله بكيفه يلعب اليوم ويخوض=انا سما محبوب قلبي وانا ارضه

خيال عشقي ياعسى برقه اينوض=ويسقي فوادي لين ماترتوي ارضه[/poem]

[سعيد الكناني]

حسين المعنى
تغيب ولا تأتي الا بما يروي الذائقه
نص عاطفي مميز ويستحق التقييم والإشاده
صح فكرك وبوحك ونبض قلبك وروحك
تقبل ودي قبل إبداء ردي
مع فائق التحية
والتقدير

[جمعان مفرح (ابو طلال)]

صح لسانك وفقك الله ورعاك