خلف الحجاب ولايراك انسانيه

[فلاح بن منشار]

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالله عفوك ياعظيم وياحليم=يارب وارفق في الحياه الفانيه
يامن بفظلك كلمك موسى الكليم =خلف الحجاب ولا يراك انسانيه
وقال موسى دعني انظر ياكريم=لنور وجهك قال خذ برهانيه
صعق نبي الله من الطود القديم=يومه تجلى له غدى دكانيه
يامن يشوف الذره في الليل العتيم=ويدرك ابصار البشر بالثانيه
انته علمت السر واخفى ياعليم =ياعالم الغيب ودبيب الوانيه
ارسلت للفرعون واصحاب الرقيم =ولليهود ارسلت بالوحدانيه
الدين دينك رغم شيطانٍ رجيم =دين الهدى الاسلام والعمدانيه
محفوظ في القرآن والشرع القويم=ماتاه عنه الا العقول السانيه
تبارك الرحمن ذو الطول العظيم=القاهر الي صور الاكوانيه
ارسل محمد بالهدى وهو الرحيم =وانجاه من كيد العدى العميانيه
وانزل عليه الوحي بالذكر الحكيم=وقال جاهد واقتل الكفرانيه
هاجر على يثرب وابو بكر الفهيم=صاحبه في طرقه بها نورانيه
قصو الاثر بعده قريش وتحت غيم=غاصت حوافر خيلهم بركانيه
حل المدينه نور واسلم كل شيم =الا اليهود وعصبة الشيطانيه
من بعدها في بدر بالنصر المريم=طاحت عروش الكفر والشركانيه
واصحابه الغر الذي زكو النسيم=اقامو العدل وسقو العطشانيه
عهد الخلافه لو عرفه اهل النعيم=شاهت وجوه اهل العلوم الخانيه
وبني اميه قامو الدين السليم = ودولة بني العباس دوله بانيه
واذكر صلاح الدين ياصحاب الركيم=يومه كسر بالقدس للصلبانيه
ونعم بدولة تركيا رغم الهشيم =والفرس ماجا منهم الا الشانيه
اشوف للعربان فوق الارض ضيم=ونفوسهم تشرد ورى الضلعانيه
مارزو البيرق ولا ردو خصيم= ماهمهم ياكود كاس وغانيه
اغراهم الشيطان لادراك الجحيم =لاجل الرزايا غرد العلمانيه
نطرب لبتهوفن وفي لندن نهيم=مانستمع زغلول والزندانيه
نلهث ورى الدنياء وما فينا فطيم=كلن برضاعه معه ولعانيه
فوق المعارج قاعدين مع الحريم=نستجدي اليابان والالمانيه
ماتذرف الدمعه لنا فوق الحطيم=ماتت قلوب بطونها شبعانيه
ياناس ماذا حال بالليل البهيم =كلن على ليلى غدى ولهانيه
والله لقد اسمعت لو فاد النظيم=لكن مابه حي رد الحانيه
مانزرع ولانصنع الحبه وسيم=ماظن يرقى للعلى الكسلانيه
هذا من الهاجوس جزله والهشيم=وجهة نظر ماخالفت ميزانيه
والخاتمه صلو على النور الرحيم =محمد الي بين القرأنيه[/poem]

[احمد صعمود]

روحاني وانساني وخطير يابن منشار

حروف نديه متوهجه وبحر شيق واسلوب بديع

لله درك وصح لسانك وسلم راسك

تقديري

[بــرهـــم]

شكرا على المعلومات وتقبل مروري

[فلاح بن منشار]

اقتباس: المشاركة الأصلية كتبت بواسطة احمد صعمود      روحاني وانساني وخطير يابن منشار حروف نديه متوهجه وبحر شيق واسلوب بديع لله درك وصح لسانك وسلم راسك تقديري

تسلم اخوي احمد

صح بدنك وجزيل الشكر لمرورك المشرف

لاعدمتك

[جمعان مفرح (ابو طلال)]

شكرا فلاح قصيدتك رائعه لاعدمناك

[الفقير الي ربه]

لله درك وصح لسانك من شاعر فاق وصف الخيال سلمت ينشمي
اعتمد انتظار كل جديد منك في هذا القسم حفظك الرحمن

[محمد الساهر]

لك منـي أجمـل تحيـة.






موضوعــك أعجبني نتمنى منك المزيد .,,

وفقك الله لكل خير وكثر الله من أمثالك..

ـــــــــــــــــــــــــــــــــــــ

[فلاح بن منشار]

اقتباس: المشاركة الأصلية كتبت بواسطة بــرهـــم      شكرا على المعلومات وتقبل مروري

ارحب يابرهم

شرفني مرورك

لاعدمتك

[ابو نضال الدوسي]

رائع كعادتك
ولكن هذه المرة الاختيار كان اروع
فالمناجاة محكمة وساحرة البيان
اعطر تحيه