ريح المطر

[حسين المعنى]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
على ريح المطر قامت هجوسي تنثر الابيـات=علـى دار المحبـه هاجسـي ودتنـي ابياتـه
شوي افرح على ماصار واشوي اطلق العبرات=وطرفي ماقدرت املك من اللي شفت عبراتـه
بكيت امن الفرح والله يعلـم ماسكـن بالـذات=ولا غيـر الله المعبـود مثلـي يعلـم ابذاتـه
حييت روحي وهي قدام ماهبت من الامـوات=مثل زرعن حياه الغيث من بعد الدهـر ماتـه
يسوق القلب رجلي بتجاهه واسرق النضـرات=خياله ماذبحني غيـر ساعـة هـل بسكاتـه
بلا رعد وبلا برق امطرت وانا على الحسرات=عليـه القلـب يتقطـع بتعباتـه وحسـراتـه
ظلام اليل موحش ماقدرت ارتاح بـه وابـات=الا يالله تسامـح ليلـي اللـي منـه مابـاتـه
اجر الصوت من مابي ومنـه اتابـع الونـات=سمع مدري فوادي ماسمـع صاحبـه وناتـه
تعبت اكابد ايامي بدونـه واطفـي اللوعـات=صرم حالي غيابه وابتلـي جوفـي بلوعاتـه
يبي ياجي واضنه الخوف في قلبه من الجيـات=وهو ماضتيـي يعلـم بسعـدي عنـد جياتـه
لانه لو درى ماعـاد يتاخـر ولـو لحضـات=يقضي عمره البادي معـي فالحـب لحضاتـه
انا اشوفه ولا اشوفه وهو مثلي مـع الاوقـات=احس اوقاتي اللي روحت مـن عقبـه اوقاتـه
وصوله عندنا عودت فرحنا وابرك الساعـات=عسى ساعات عمري تنقضي قـدام ساعاتـه
يقولون الغنايم جابهـا مـن طـول الغيبـات=ولا ادري صاحبي وش عاد ياجي بعد غيباتـه
أحبه واعشقه واهـواه واقـدره مهمـا جـات=ضروف الوقت ماجتني حبيبي قبـل ماجاتـه
مدام انه بخير انا بخيـر ولـو عليـه آهـات=مهي والله خساره لو قضا حالـي مـع اهاتـه
حبيبي يانضر عيني ترى الحسنه ورى السيات=كثير الناس تذهـب حسنتـه بالفـور سياتـه
انا ماني من اللي يحسب الـزلات والغلطـات=على صاحبه حتى لـو تعمـد فيـه غلطاتـه
لاني أحب من قلبـي وقلبـي يدمـح الـزلات=اقول انا الـذي زليـت ليـن تمـوت زلاتـه
وانا ماني من اللي ياحبيبي يخلـف الهقـوات=وانا اللي صاحبي دايم يجدبي خيـر هقواتـه
وانا عفوي وانا صادق وانا عايش على النيات=ورب الكون عبده مرزقه مـن ضمـن نياتـه
تعال ان كان في وجهي تبيها ترجع البسمـات=ترى وجهي شحب ماعد يرون الناس بسماتـه
تذكر عشرتي واتذكـر الجلسـات والوقفـات=حبيبـك ماتغيـر ويـن مـاوجـه بوقفـاتـه
انا مشتاق لك بالحيـل واللـي نـزل الايـات=نسيتك مانسيتـك ياحـزن عمـري وفرحاتـه
اقول ان كان تبغي العلم جاك العلم عبر ابيات=حشى يامن يحبـك ماتغيـر فيـك نضراتـه
تعال اقولها وان كان ماجيـت انتهـا مافـات=مدام الروح حيـه مـاورى الانسـان مافاتـه [/poem]

[احمد صعمود]

اقول ان كان تبغي العلم جاك العلم عبر ابيات >>حــشـــى يــامـــن يـحــبــك مـاتـغـيــر فـــيـــك نــضــراتــه
تـعــال اقـولـهـا وان كــــان مـاجـيــت انـتـهــا مــافــات >>مـــــدام الـــــروح حــيـــه مـــــاورى الانـــســـان مــافــاتــه


صح لسانك شاعرنا القدير ابداع مستمر

تقديري
.

[دخيلك]

قصيدة غاية في الروعة .. كل بيت احلى من الثاني
صح لسانك مليون لاهنت ..

[جمعان مفرح (ابو طلال)]

قصيدة رائعة شكرا لقائلها والله لايحرمنا منك ودمت في حفظ الله

[الفقير الي ربه]

كلمات رائعة بارك الله فيك