ضحى العيـــد

[عبدالله الحديبي]

( كتبت هذه القصيدة على لسان حال اخي وزميلي اسامة الشيخي واخوه الصغير عبدالله وهي تحكي معاناة ذكرى وفاة والدتهم رحمها الله ورحم جميع اموات المسلمين )

يشرق ضحى العيد والعالم على يمـة // وانا على بحر جده (حال يرثى له)
اكتب على الرمل وتعاندني الجمة // تمسح حروفي – كرهت البحر ورماله
غريب في ديرتي !! وآصيح يا ( يمه ) // قريب للحزن من عمه ومن خاله
رحتي وجتني هموم الوقت ملتمه // حزين والضحـك ماهو لي ولا انا لـه
فاقد وجودك وضحكة ثغرك وشمه // شمة تجاعيد كفٍ ندرة ا خصاله
اروح دارك والاقي ثوب وآضمــه // عساني القى الفــرح وارجع وانا داله
ما غير زاد العنــا وشربت من سمه // والا الفــرح مبطــيٍ ما ذقـت فنجاله
القى بقية شعـــر راسك على كمه // و يــزيد فيني شعـور " الضيق خياله "
ويضيق بالي وهمي يآصــل القمــه // لاشفت اخوي الصغير: ا يجر مواله
عبدالله \\ يمه عقب موتك فقد دمه // براءته صارت ا دمــــوعٍ برت حاله
لامر ذكرك بكى - وتصيبه الغمه // من صابه الشـــوق خلّـى حالته حاله
\ذكرى وفاتك \ عثت فينا بلا ذمه // من طاب صبحه كره ليلـه وغرباله
ماعد لنا الا نقول : الله يا يمـــــه // يدخلك جنــةة عــدن في ظل وظلاله

[محمد الساهر]

جزاك الله كل خير والف شكر الله يعطيك الف عافيه

[عبدالله الحديبي]

وياك .. ولاهنت على مرورك

[بن حكمان]

صح لسانك شاعر متمكن والله يوفقك