عهـــود الغـــرام ..

[عبدالله الحديبي]

الهنوف اللي معاها ضاع صيت العامرية
والعذارى حقّرتهم واعتلت عرش الصدارة

الحلا منها وفيها .. ما تجد فالناس زيه
فاتنة والشاهد الله / ساكنه فكري وداره

الدلع والذوق فيها من عطايا الله عطية
ما تصنع فـ الدلع والذوق ما هو بـ استعاره

عقلها يوزن بلاد .. وفي فهاوتها مزية
ااه يا لبيه يا كل الفهاوة والشطاره

همسها لذة قصيد / ولمسة ايديها اذية
ذوبتني .. بهذلتني .. واشعلت جسمي حراره

من حكاها ما بقى لي من بشوت النرجسية
وعضة شفاها تحيل العود عن قصة وقاره

جمرتين ان جات تتطابق على بعض بـ روية
ارتعد قلب المعنّى والحشا قد شب ناره

يا هنيّ الحرف لا عانق شفاها يا هنيّه
خص حرف الرا ليامنّه خرج .. اخر اثاره

الكرز والتوت طاحت وسط وجناةٍ نديّه
وارتسم خدٍ صبوحٍ ما ذبحني الا احمراره

اكتب حْروف الغزل وتْعمق بـْ وصفي شويه
لاجل اذوق مْن الكرز والتوت والحالي (عصارة)

والخصر. للحين تايه .. هات لي حل القضية
كيف غصن البان والرمان هو احدى ثماره ؟؟

كيف نابت ؟؟ صنع ربي / مالي الا اصفق يديّه
جلّ من سواه .. من قمة علوّه لـ انحداره

قصرها قصة شموخ يْغار منها الفيصلية
ولاجل توصل مستواها / طاحت ابراج التجاره

شوفها عندي يساوي كيف دله شاذلية
وش يساوي ؟؟ الا يطغى لين ما يمدي حصاره

كل اوامرها مجابه . دام نار الحب حيّه
حبها جيشٍ اسرني .. ثم رفرف بـ انتصاره

ااه يا ذيك البنيه .. جابت ام العيد فيّه
صرت <مجنون فـْ غلاها؛ بكل ما تعني العبارة

غير شفت الوقت ضدي .. ثم سماها ( قضية )
ااه يا كلمة ( خطية ) زادت فـْ كبدي مراره

اكتب ^ عهود الغرام * بصدق حب وصدق نيّه
لكن الوقت الردي يمسح .. ويضربني جداره


يا قصيدي طف نارك / روّحت ذيك البنيّه

الحظوظ البيض ضده والقدر صدر قراره

شفتها بيدين غيري زوجةٍ له يا هنيّه
الله يجمعهم بخير ويلطف بقلبي وناره

لـ / عبدالله الحديبي

[بدرالسهلي]

يا قصيدي طف نارك / روّحت ذيك البنيّه

الحظوظ البيض ضده والقدر صدر قراره

الله الله ابداع وجزل وشاعريه تفرض محلها
مايشرف على الشعر الا شاعر وانت شاعر
وفالك التوفيق تحياتي لشخصك الكريم

[زهور الشوق]

قصيده رائعه معاني جزله وصف خيالي
من أروع ماقرأت من القصائد الغزليه

[ALRAGI]

بارك الله فيك ياغالي
لك الشكر والتقدير

[محمد الساهر]

صح لسان الشاعر

[بن حكمان]

صح لسانك يا مبدع