القرار الصعب

[عاشق الاحزان]

تقابلنا وفاجأني حبيبي بالقرار الصعب
لقيته احمل أشواقي وقال انه يبي فرقاي
توقعته زعل من شي ماضي يحمله بالقلب
وفكرت ولقيت الزين ماشاف الخطا وياي
سألته قال من ذا الوقت انا معلن عليك الحرب
خلاص ارحل مع الماضي تراك اليوم ضمن اعداي
وقال اني جرحته جرح ماله بالمحبه طب
اجل وشلون لو هو شاف جرحً سببه باقصاي
صغير السن مايعرف على دار المحبه درب
ولاجرب عذاب الحب يوم تزايدت بلواي
وضعته داخل أعماقي وعليته بقصر الحب
جفيت اهلي علشانه حسبته غايتي ومناي
رحل وانا بقيت ابكي عذابً شب فيني شب
بقيت صورته ترسم معاناتي على ذكراي
وجا فصل الشتا واعصاره القاسي عليه هب
ومات الورد باغصاني وحبه ثابت بمرساي
وراحوا بي على الدكتور واعطاني شراب وعشب
وهو مايدري ان الزين عنده علتي ودواي
عبيد ارجوك لو روحي خذاها من حشاي الرب
ابي تبقى الين تراب قبري يحتوي مثواي
وتكتب قصة آلامي على صفحة جدار النصب
عسى لاشافها عينه على قبري تهل الماي
ويندم ويتذكرني إلا من شاف حوم السرب
يعيش العمر يتعذب على لحظة ألم فرقاي

[جسد بلا قلب]

ولا جرب عذاب الحب يوم تزايدت بلواي 💔

إحساس مرهف وحباً متلف للروح
جروح بلسمها لمسة من أناملهم فكيف تبرى إذا هم قد رحلوا