صون ودي والوفا والتضحيات

[ألمحيط]

صون ودي والوفا والتضحيات = الحياة بلا محبه ما تكون
لجل عينك كم حققت امنيات = وكم سهرت الليل فدوة هالعيون
وكم كتبت بخط يدي ذكريات = وكم عطيتك من وفا القلب الحنون
وكم جمعت ايام وسنين وشتات = وقلت لك لبيه يالغالي تمون
ما تجيني منك ياعذب الصفات = ولا تعمق فيك شكي والضنون
كان عهدك لي وفي عهد الثقات = وكنت مثل الغيث من صافي المزون
يوم ساقتها الرياح المرسلات = وانتثر وبله على خضر الغصون
واصبحت بعد المضامي راويات = وبان فيها الزهر من فوق الفنون
كمل المشوار لا بعد الممات = وابشر اني لك حبيبا مايخون

راشد الجمعان ( المحيط )