اللهي

[عبدالمجيد العدواني]

الهي

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الهي ولو كبرت وضاق الفضا والبيت=فرحمتك ما ضاقت ولو طال صبري طال
اسبحك واستغفرك واتوب لا زليت=واعوذ بك من نفسي ومن سيئ الافعال
فسبحانك الأول تباركت وتعاليت=وسبحانك الأخر لك الملك والأجلال
وسبحانك المعطي فكم سائل ٍ لبيت=وسبحانك المانع فكم جف من منهال
تفردت بصفاتك عن الخلق وتجليت=فلك تنحني روس الخلايق رجا واذلال
الاقدار في يدك والاعمار والتوقيت=وعندك مفاتيح المغاليق والاقفال
فلا كاشف ٍ للضر غيرك ليا انضريت=ولا فارج ٍ للهم غيرك ولا الأهوال
ولا غيرك انت اللي ليا ضقت له ناديت=يا فتاح يا وهاب يا البر ذو الجلال
عليك اتكالي والأمل فيك ما مليت=وفيك الرجا ما ينقطع يا عليم الحال
اوجه لك أيماني ووجهي ليا صليت=وارتل لك الاحزاب والكهف والانفال
وافوض لك امري واترجاك لا ضليت=واناجيك باسمائك يا رحمان يا متعال
لك الحمد ولك الشكر والفضل ما اعطيت=ولك الحمد ولك الشكر يا واهب الأفضال
ولك الحمد ولك الشكر في كل ما رديت=ولك الحمد ولك الشكر لو شانت الأحوال
عساني ليا جا الموت وانا له اعتديت=عتاد ٍ من الطاعه ومن خيّر الأعمال
الاقيك به في يوم ما فيه لوّ وليت=ولا تنفع الجاهه ولا تنفع الأموال
بيوم ٍ حسابي فيه وش خذت وش خليت=تصيح الأوادم فيه وتشيّب الأطفال
فيا رب تنجيني معا ضمن من نجيت=وتكتب لي برحمتك في جنتك منزال[/poem]

.
.

عبدالمجيد العدواني

.
.
.

[بن غله]

صح لسانك ياعبدالمجيد
ابداع والحقيقة من افضل ما قرأت سلمت اناملك

تقديري ..

[احمد صعمود]

بيض الله وجهك ياعبد المجيد

مناجاه رائعه ومدح لله جل جلاله

استمتعت كثيرا بحروفك الحالمه

لله درك وكفى

[الشاعره شمايل]

صحيت
نص رمضاني

[علي بن الحبين اليحمدي]

صح لسانك ..

[ال يتيم العلي الدوسي]

صح لسانك