(( السلسبيل )) نهجٌ جاهليّ ب

[عبدالرحمن العمري]

بسم الله وحدهـ

أعود بـ/ قصيدهـ .. قديمه جدا ً بالنسبه لي ..
مني إلى الأخ / محمد بن سعد بن ناصر بن عقـيّـل الصندلي السبيعي ..
و هيَ على النهج الجاهليّ الذي أحبه كثيرا ً .. و أساسها المديـح !!
أربع أو خمس سنوات / تزيد أو تقلّ .. إنما هي الدنيا .. و هذا حالها !!
أتمنى أن تصله و هوَ بأحسن حال ..

قلت 00

[align=center][rams]http://www.alsh3r.com/files/3bdAlr7mn_al3mry/(20).ram[/rams][/align]
[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وش بقى نرجيه دام انا رقينا (للوصيل) = وانتهى حدّ النظر بين (الخوانق و الطوال)
كنّها خدّ الكحيل اللي تعجّل بالغسيل =كنّ من يغسل جمال الارض من بعد الجمال !!

انشد (المسراب) عنها و اشتكي (لمّ الحقيل) = و آترقب علّ (غبرا) تدري انّ الحول حال


كنت احسْب ان الموادع بالدموع و بالعويل = واثرها قد ودعتني يوم قالت لي تعال

كل مَ الشمس اشرقت قلت احسبي يم المقيل = كلّ ما غاب القمر قلت احتسبنا يا هلال

و الله اني من بعدها لا خفيف و لا ثقيل = غافل ٍ في ثوب نابه قد وصل حدّ الهبال
منوتي ليت التمني فادني لو بالقليل = و الله اني ما اتمنى غير تحقيق المحال

مسرج ٍ طلق البنادق و اطرب لصوت الصهيل = مخرج الما من تحت مآطاه قطاع البتال

كنه الليل ادهم بجبهته رسم ٍ للصقيل = كنه السيل اوهم بثبّته مفكوك العقال

لاقبل البراق يحدى مشيته فوق المخيل = لين ما تدري عن البرّاق هو و الا المخال

كنّ عينه عين حر ٍ فوق رجم ٍ يستميل = وين ما شاف الطريده ما هوى لين استمال

كنّ جيده جيد ظبي ٍ لا التفت ماهوب خيل = مَ افزعه ضرب السيوف اليا سمع صوت النصال

كنّ ساقه من عِتِم و الفخذ منهل للصميل = مَ اشتكى طول المسافه هاوي ٍ حمل الثقال

كنّ في حافره وشم ٍ يتبعه عابر سبيل = كلّ درب ٍ شاف وشمه فيه عدّه طيب فال

كنه اليا غار قرم ٍ ينتخيه اهل القتيل = كنّه اليا حار موج ٍ يلتطم يوم النزال

عدّة ٍ عاده عتاد و عادي ٍ عيد العميل = درع ٍ ادرع ما تورّع لو تروعه النبال

راس فخر و باس صخر و ساس ذخر ٍ للنبيل = ما يقدر بالثمن لو سيق فيه آخر ريال

قيمته يوم الرجال تلبّي الصوت النحيل = يوم يرمي غترته من لا توانى و العقال

لامطرت غيث الجماجم و احصدتها جيل جيل = و اغسلت بالدمّ ثوب ٍ ما عرف ويش الخمال

يوم ما يدري عن اللي مكرم ٍ و اللي ذليل = كلهم في عينه ارخص من شسع فرد النعال

من يمينه رمية ٍ و بظهره الطعنات سيل = من شماله ضربة ٍ و بصدره الخوف استحال

يوم ذاك اللي ورَد في راية ٍ بيضا و حيل = ما صدر لين ارتوت حمرا و حيله منه حال
ودّي ( اجهَمْ ) به قبل ترمي (شَعَقها ) للمحيل = و اصبح بْدار الجليله حين تسرح بالحلال
كنها من يوم شفت بْعينها مثل الوبيل = جنة ٍ سور المنايا مقتفيها بالوبال
الله اكبر جت تبختر و الله اكبر جت تسيل = سلسبيل ٍ من سحاب ٍ بالسما و السيل سال
هزّت اركان الثبات و شبّت اطراف الفتيل = و احرقت يوم اشرقت قلبي و شحّت بالوصال
سلّمت من غير تدري بالرموش و بالجديل = و اصطفق في راسي اكثر من ثلاثمية سؤال !!
هي تودّد و الاّ انا من زود مابي مستخيل = قصدها بانّ السكوت ابلغ كثير من المقال ؟
لين لفّت ثمّ قفّت و استخفّت بالجليل = قلت : عفّت و الله اكرم من كرمها ذو الجلال
مرّت الدنيا و قلبي من سقيم ٍ في عليل = بين همّ ٍ قد سرى به بين غمّ و سَمّ حال
و اقبلت من غير وعد ٍ باللقا و الليل ليل = كنّها بدر ٍ تجلّى في دياجير الليال
قرّبتني و اقربَت و العين عيّت لا تميل = شاخصات عيونّا و النطق ماله من مجال
لين راح الليل كلّه ما بقى غير الهجيل = و النجوم تحسّب انّ البدر يمشي بالرمال
قالت : اسمع قلت بسمع و الرجا حبله طويل = بسّ مابي هالسكوت يطول لنّ الليل طال
قالت : اول شي ٍ اسمه يستثيرك قلت : هيل = قالت اللي ما تعدّه مكسب ٍ لك قلت : مال
قالت : اللي من عرفته و انت خايف قلت : ويل = قالت اللي ما تخآف انه يردّك قلت : خال !!
و ابعدت عني مسافه ما تحال و لا تحيل = و ابتعدت ارجي خلاص الروح من قيل ٍ و قال
ادري انّ الموت مقبل يا منزّل يا نزيل = بالسبب و الاّ بدون اسباب مقبل لا محال
لكن النفس و هواها غرّت القلب الهزيل = و الرجاوي من قديم الدهر تغري بالنوال
من حفظ عهده و صانه بشّره بالسلسبيل = و من نقض عهد ٍ قديم ٍ فالمهانه به حلال
الرجال اللي تقدّر ما تنكّر للجميل = والجميل اكبر تجاره في ميادين الرجال
مدّ للمعروف كفّك تبّت ايدين البخيل = و اسق روحك من نمير العزّ تنعم بالظلال
لو عرفك الناس مثلي يا ( محمد ) بالجبيل = و الله انّ الطيب يبرك في حضورك كالجمال

يا كريم الساس قلبي ما يحطّ الا يشيل =و انت بالقلب و خفاه ادرى و تحكم بالعدال

لك على صاحبك حق ٍ ما جحده الا الهبيل = ساطع ٍ و الحق نوره ما يُوارى بالجدال

انت الاوّل في (سبيع) و مالكم فْ (سبيع) ذيل = لنّكم مثل النجوم اللي تشاف و لا تطال

طيبكم من طيب رنيه قبل الاملح و النخيل = دار ٍ ادناها تعلّى فوق هامات الطوال

كفّ ٍ اجزل بالعطا من كفّ (حاتم) و (الطفيل) = مدّة ايمان الخلايق ما تساوي لك شمال

بين قلبك و المراجل خوّة ٍ ما هي تزيل = لو تقطّع كلّ خوّه ف البشر هي لا تزال

يا محمّد ما يشحّ الطيب دامك له مسيل = و الوفا ماهوب مجدب وانت للوافين جال

ما لقيت من الخلايق لك شبيه و لا مثيل = كود هاذيك السحايب لا نشت فوق الجبال

ظلّها ما طاف ظلّك للزبون و للنزيل = و انت الاولى من عليّات السحايب بالظلال

غيث كفّك و المهابه و الرعد قول ٍ ثقيل = و البروق افعالك اللي شقّت ْثياب الضلال

و الله انّ المدح يقصر عن وصوفك يآلاصيل = و القصايد ما توفّي لو تسيل و لو تكال

ما على الدنيا حسافه لانذرتنا بالرحيل = مكسب ٍ ضايع و قبله قد فقدنا راس مال

لكن الحسره على اللي مثلكم ماله بديل = ما ملى غيره مكانه لا عمام و لا خوال !![/poem]

ما بين الأقواس .. أعلامـ
و
سلامتكمـ

[علي الحسني الزهراني]

الله يعطيك العافية ياعبدالرحمن

ماشاء الله عليك نفسك طويل

باقي أقراها واسمعها وارجع لك

وفقك الله

[شوق الفهد]

[align=center][align=center]ماشاء الله تبارك الله
صح لساانك اخوي عبدالرحمن
بالفعل هنا سلسبيل
راق لنا مذاقه
لاعدمنا روعة تواجدك
كل التحايا لشخصك الكريم [/align][/align]

[ابو عادل العدواني]

صح لسانك
والله يعطيك العافيه

[الهيثم 07]

الرجـال اللـي تقـدّر مـا تنكّـر للجمـيـل .................والجميل اكبـر تجـاره فـي مياديـن الرجـال
مـدّ للمعـروف كفّـك تبّـت ايديـن البخيـل.............. و اسق روحك من نمير العـزّ تنعـم بالظـلال
لو عرفك الناس مثلي يـا ( محمـد ) بالجبيـل .......و الله انّ الطيب يبرك في حضـورك كالجمـال
يا كريم السـاس قلبـي مـا يحـطّ الا يشيـل ............و انت بالقلب و خفـاه ادرى و تحكـم بالعـدال

تسلم أناملك .. وصح لسان الشاعر
بارك الله فيك تقبل تواجدي

[محمد الحـريري]

صح لسانك ولسانهـ

والنعم يالذيب والله قصيده جزلهـ وفيها من الجماليه
الشي الكثير باركـ الله فيكـ

[نايف العمر]

صح لسـانـك يا عبدالرحمن ..

بعدد هذه الروائـع ..

لله درّك .. ما شاء الله تبارك الله


وافـي ومن صلب شيخ ما ينكر العشره



دمت يا غالي بـ الف خير

[سليمان الشدوي]

هلا عبدالرحمن


ماشاء الله

الشعر يجري على لسانك


مثلك يعكس اتجاه البوصله


ويستحق المتابعه

والاحتفاء

دمت بخير ياعبدالرحمن