قصتي وهي واقعيه

[شمسuae]

السلام عليكم ورحمة الله وبركاته



أكيد كل شخص تمر عليه قصص ما يصدقها ولا حتى عقل يقدر يفسرها

هذي مرة من المرات قديما تقريبا من أربع سنوات صار لي موقف لين اليوم موب لاقيه له تفسير المهم من اربع سنوات تعرفت على وحده من الكويت وكانت تكبرني تقريبا بثمان سنين
تعرفت عليها من احد المنتديات وأضفتها على الماسنجر عندي بعد ما صرنا نعرف بعض


المهم بعد فتره كبيره قياسيا من تعارفنا اعترفت لي بشي قالت لي ما دام انج رفيجتي لازم اقولج سر

قلتلها وش هو السر؟؟ (للمعلوميه البنت متزوجه)



قالت انا عندي صديق جني انا ضحكت وبستخفاف قلتلها والله كيف عرفتيه قالت هو الى وصل لي

وكان يعرف احد من اهلها على ما اعتقد

المهم قالت هو جني عارف ربه وهو يمر بين حين وحين واحيانا لما انام ولا افيق للصلاه هو يجي يصحيني يلاعب بنتي بعض الاحيان لما اكون مشغوله بالطبخ
(قلت انا عاد خلنا نتبع الجذاب لين باب بيته)

قلتلها وش اسمه

قالت تبين تكلمينه عادي يستلبسني ويكتب (قلت في خاطري ياسلام ومثقف)

قلتلها طيب خليه يكلمني (كتابيا) قالت هو جني طيب ولا تخافين واذا انتي خايفه كثير لا تقولين اسم امج (من قالت لي ها الكلام حسيت بخوف وان الموضوع جدي)

المهم سلم او سلمت مدري صاير لي لبس موب عارفه قلت خليني وياها اشوف شو راح تسوي
رديت السلام قلتله شو اسمك قال....(سيف) في خاطري اقول لا واسم حلو بعد

المهم قلت كم عمرك قالي 270 سنه قلتله متزوج قال لي نعم قلتله سنك هذا كبير قال لي لا هذا عز الشباب عندكم مثل العشرينات

قلت خليني اصعب اسئلتي واشوف قلت انت مسلم قال اكيد دام اسمي سيف يعني مسلم قلت كيف حياتكم وين تعيشون قال نعيش مثلكم بس بعضنا يعيش في الصحاري و البعض في البحار والبعض في بيوتكم قلتله تصير معاكم حروب مع الكفار يعني
قال اكيد تصير وبعض الاحيان تتدخل الملائكه وتوقف معانا(هنيه انا ما صدقته)

قلتله دامك مسلمين وجن كثير مسلمين ليش ما تساعدونا في تحرير القدس قالي هذي من مهامكم ومال الجن خص فيها قلتله تموتون في الحروب قال اكيد ويدفنونا بعد
...............

اشوف في تفاعل او لا وبكمل لكم قصتي الواقعيه وهي واقعيه والله على ما اقول شهيد

[أحـلام السـنيـن]

بسم الله الرحمن الرحيم

هههههههه

الله يسعدكـ
يعني كتابي مو صوتي والا كان وضحت السالفه ..ماودي استعجل بردي

كملي ياقمر

[طموحي نظره عيونه]

كملي بليييييييييييييييييييييييز

[ريانكو]

[العندليب]

أقوووووووووول كملي يالشامسيه ..


بسررررررررررررررررعه



مافي وقت ..




أحوووول باقي ماكملتي ..





يالله بسرررعة وش طلع الجني هههههههههه



بعدين أبغى اكلمه ..

[شمسuae]

اممممممممممممممممممممممممممممممممم

ما اشوف اي تفاعل مع القصه

بحتفظ بالبقيه اذا ما زادت الردود

[The Angel]

تخـــــوووف وربي

ما شاء الله عليكـ وكلمتيه بــــــعد >> لومكانكـ مدري اش كان بيصير فيني

بس تكـــفين كملي لازم نعرف النهايه

[ابو عادل العدواني]

[شمسuae]

السلام عليكم ورحمة الله وبركاته


نكمل البقيه

ونحن ما زلنا نتكلم كتابيا على المسنجر (وانا ما زلت احسبها تكذب على او انها تبا تخوفني)

قلتله من اذكى نحن والا انتوا
قال نحن طبعا
قلتله نحن اخترعنا الذره
قال نحن نسوي عمليات بدون فتح الجسم

بعدها قلتله يوم انت عمرك فوق 200 سنه من 100 اكيد كنت تعرف حد من البشر وماتوا انت كنت تعرف من رد علي بقوة وانتي شو دخلك هذا شي يعنيني

قلتله بس فضول
قال كنت عند حرمه اسمهااااااااااااااااااااااااااااااا............... ...........( احتفظ الاسم لنفسي) وانا على نياتي الخبله قلتله والله نفس اسم امي فجاة انقطع الاتصال وترد على البنت تقول شو صار قلتلها وين راح ربيعج قالت مدري فجاة اختفى صابني خوف وقلتلها نسييييييييييييييييييييت وقلت اسم امي شو اسوي ناديه قالت لحظه اشوف شو صار بينكم في الماسنجر طبعا كله مكتوب
قالت لي لا تخافين هو طيب ومقدر اناديه لانه هو يجي متى ما يبي

قمت من على الكرسي وكان وقت الصبح وكانت معاي خدامه تنظف الغرفه قمت ومن خوفي صرت اقرا ايه الكرسي والخدامه وقفت مسطوله تقول شو فيه شوفيه وانا من الخوف ما قدرت ارد
الوالده طالعه مشوار والوالد محد والاخوان في اشغالهم ودراستهم محد غيري في البيت خفت وايد اول مره اخاف بها الطريقه
عقب ربع ساعه تقريبا رجعت وكان الكمبيوتر مفتوح طبعا
الا والاقي رجع على الماسنجر
قلت تشجعي هذي كله كذب في كذب وخوف على الفاضي

قلتله وين روحت قال بيتكم باستنكار قلتله وشو لقيت
قالي لقيتج بالغرفه مع وحده اضن هي الخادمه
انصعقت وسكت عقب قلت لا هذي صدفه

قال شو خايفه قلتله لا ليش اخاف
قال طيب انتي كنت لابسه كذا وكذا ولونه كذا وكذا ورافعه شعرج ولونه اسود
كانت بتيني جلطه صح انا كنت لابسه الى قال عنه ونفس اللون ورافعه شعري
رجع قال منتى مصدقه

وصف لي غرفتي بدقه صابني ذعر وما عرفت شو اسوي قال انا اصلا الحين اقدر اشوفج وانا اكلمج
قلتله وتقول انك مسلم وتدخل علينا وتشوفني وانا مش لابسه غطا على راسي
قلتله عطني فلانه بس ما اريد اتكلم وياك
الا وشوي ردت على البنت تقول لا تخافين منه والله هو طيب
قلتلها اذا السالفه صح حلفيه(خليه يحلف) انه ما يرجع لبيتنا مره ثانيه
قالت خلاص انا بقوله هو طلع الحين وقبل لا يروح قال ...........

صابني ذعر قلتلها يالله باي انا الحين بروح الجامعه

سكرت الكمبيوتر وكانت امي واصله ركضت لها وقلتلها امي شفت جني قالت وهي تشوفني بخوف ليش احد دخل عليكي البيت قلتلها لا قالت عيل تحلمين وانا كنت خايفه قلبي بيطلع من مكانه

ما قدرت اقول لاي احد بالي صار
والكمبيوتر ما فتحته انتظر اختي الكبيرة تزورنا عشان افضفض


لاني ارتاح لها وهي قلبها كبير وفاهمتني

يوم جت قلتلها الى صار قالت هذا ايحاء وتكذب عليج
قلتلها وصفتني ووصفت الغرفه وقالت من الى عندي قالت لا تخافين وتحاشيها لان ناس تلعب بعقول غيرها
ويمكن تكون ساحرة وتكلم قرينج

المهم من ذاك اليوم لا دخلت المسن الى نسيته وصار خبر كان ولا المنتدى دخلته والي اضن بعد صار خبر كان


هاه شو رايكم القصه تتصدق والا لا واذا احد عنده تعليل بالي صار لي وش يكون؟ يقولي

[طموحي نظره عيونه]

<<<<<<<<مادخلت راسها