19 وقراصنة الصومال ؟؟(قصة)

[تسع طعش]

19 وقراصنة الصومال

السلام عليكم
خذو مني ذا السالفة واتركوا الحروب والمشاكل
نبدأ:
كلكم تعرفون قصة الصوماليين اللي سرقو سفينة البترول حقة السعودية
وانا اول ما قريت الخبر في الجرايد قلت ما لها الا رجالها (جت في راسي فكرة اني ارجع السفينة يكمن يعطوني مليون والا شي يستاهل ) المهم الكلام هذا كان يوم الاحد :
قلت يا ولد خله الى يوم الربوع ورح جدة عند اخوك وامشو سوا (سوا والاوموبايلي)حتى لوصار شي والاشي ,,,,,,,
وفعلا يوم الربوع حرّكت على جدة ...
واول ماوصلت جدة واستقبلني الرجال بالترحيب وكيف الحال طيبين.. اقلط
قلت ماني داخل انا جيت جدة عشان تخاويني بنروح نجيب السفينة
رد( ثمنطعش 18) ::{اخوي اللي اصغر مني بواحد 19-1=18 } اي سفينة قلت ما عليك امش واعلمك في الطريق ,,,, المهم ونروح باتجاه الميناء...
ونحصل سفينة توها واصلة من اليابن محملة سيارات (خلوها تصدي هاه لا تنسون),,,
وانتظرنا الين نزلوا السيارات كلها وفي الوقت هذا علمت (ثمنطعش )بالسالفة...
وفي غفلة من العمال ركبتنا السفينة انا( وثمنطعش) واحطها بالاول وافحط وتبدأ الرحلة
...............................
.................فاصل اعلاني ........................








مش حشئدر تغمض عينيك



ومشينا مسافة وشوي ويطلع لنا حوت وصاح (ثمنطعش) "بسم الله الرحمن الرحيم " ....

قلت له والله انك رخمة :::::::::: ,,,,,,,,,,,خللك رجال :ما عليك انا اتفاهم معه ....
والله واسلم على الحوت "سلام عليكم "
رد الحوت :وعليكم السلام
19:لوسمحت طريق الصومال وين
الحوت :ليه .......
19: في نفسي (ياشين اللقافة ) المهم علمته قلت--------
(يمكن يفزع معنا لوصار شي ..خصوصا بعد صحية (ثمنطعش)............عرفت ان ماعندك احد )
الحوت :والله انا حاقد عليهم من اول لانهم قتلوا واحد من اعز اخوياي
19: قلت وش رايك تخاوينا ............
الحوت :اووه ماعليش ..عندي مبارة العصر لكن روحوا وانا بـألحقكم ....
19: والله ما تنفعك الكورة ترى لو رجعنا السفينة يمكن ابو متعب يحطك ملك على الحيتان
الحوت : كل شي الا الكورة ......وان شاء الله مايجي المغرب الا وانا عندكم ...
19 :يالله ,,,,,,ننتظرك
::::::::::::::::::::::::::::::::::::::::: :::::::::::::::::
ونمشي باتجاه الصومال ,,,,,, والبحر فاضي مافيه احد ,,,,,,,الين قربنا من الساحل والا الجوال يدق ,,,,,,,,,, طلع اخوي الصغير (سبعطعش) ......
17: سلام ,,,,,,,,,,,,وينك
19 : وعليكم السلام .....وش تبغى
17 :ابغى مفتاح السيارة باروح اعبي اسطوانة الغاز
19: قلت ياخي انا بعيد عنك دبّر نفسك وشوف لك سيارة,,,,,,,
17 : وين يعني ؟؟؟؟؟؟؟؟؟
19: في الصومال !!!!!!
17: تنكت .......
19 : لا ,,,,,صدق ..
17: سلامات وش وداك الصومال ......
19: رحت اجيب السفينة ..(وانتم ما تقدرون اللي نقوم به ماعندكم غير تبربرون
بـ هالجوالات),,,,,,,,,,,,,,,,
17: هههه .........السفنينة رجعوها الصوماليين بعد ما اعطوهم السعودية كم مليون فدية .....
19: صحيح الكلام هذا ...؟؟؟؟
17: ايه .........
19: طيب سقها ...........ططووووووووووط(سكرت في وجهه) .........
لا والله الا راحت عليك يا تسطعش ........حظك اقشر بعد المشوار هذا كله والتعب ما تحصل شي .. \\\\\\\\\\
وقال ثمنطعش خلنا نرجع ..قلت طيب خلاص بنرجع.......
المهم اول ما لفينا يسار وتقفل الاشارة .........
واطالع في المراية والا ثلاثة قوارب ورانا (القراصنة)"""""""
واقطع الاشارة وامشي (قلت وش تبغى بالمشاكل ؟؟؟؟ السفينة رجعوها والصوماليين ما وراهم
خير )..............
ويطلقون علينا النار .....والله واحط رجلي على البنزين وامشي 300 (سفينه هذي ...)
وهم ورانا وشوي يقربون منا ...... واقتربوا اكثر........
وسبحان الله اثنين من القوارب رجعوا ,,,,,(شافونا اثنين 19 و18),
والثالث لحقنا ::::::وقرب اكثر يعني الصدام في الصدام ,,,,
ومن حسن الحظ ما معهم سلاح( السلاح مع اللي رجعوا )......
المهم جاني 18 قال تراهم ثلاثة اشخاص.....
قلت طيب ارجع لاخر السفينة وحاول تبعدهم عنا بأي وسيلة ....
المهم راح( 18 )زي ما قلت ويرمي عليهم خشب ...وحبال واشياء ثانية كانت في السفينة ..الخ........
..واخر شي طلّع مفك العجل ويرمي الصومالي في راسه .......ويطلع الدم وينسدح محله
:::::::::::::::::::::::::::::::::::::::::::::::::: :::::::::::::::::ناخذ فاصل::::::::::::::::::::::::::::::::::::::::::

لا المخرج يقول مافيه وقت ...

وانشغلوا الصوماليين بخويهم ......وانا مشيت وابتعدت عنهم ,,
وربي فكنام ن شرهم,,,,,,,,,,,,
واتذكر الحوت الكذا ب ما شفناه ............
قلت 18 وش رايك نروح للحوت ونهزأه ؟؟؟؟؟؟؟؟؟
قال لا اتركه حركات المبزة هذي يا كثرها ذا الايام
وتركته \\\\\\\\\
ونمشي ونمشي راجعين للسعودية .........وتعبت وانا اسوق ......(لا تنسون جاي من الديرة ,,,)
19: بصوت عالي( 18) ,,,,,تعااال سوق,,,انا ماعاد اشوف شي من التعب ,,,,,,,,قال ابشر بعزك ...
قلت طيب لاتسرع ................ورحت انام......\\\\\\\\
اخذت لي غفوة \\\\حدود نص سلعة\\\\\والا 18 يصحيني ........19 قوم .......,,قوم
19:هاه خير وش فيك ......
18 :السفينة بنشرت ,,,,,,,,,,,
19 : الله لا يبارك فيك ,,,,,,,,,,كلها,,,من سواقتك يالغشيم شكلك دعست مسمار والا شي حاد..!!!!!!!
وقف خلنا نصلح البنشر ,,,,,,,,,,,,
18 : باقولك شي بس لا تزعل ؟؟؟؟؟؟؟؟؟ مفك العجل رميت به الصوماليين !!!!!!!!!!!
19 :والله انك غبي (بحقد)......
18 :ياخي وش دراني ان السفين بتنبشر؟؟؟؟؟؟؟
19 :طيب كيف تبغينا نرجع ؟؟؟؟؟؟؟؟؟
وقلت والله مالك (الامالك)حل الا تمشي وهي مبنشرة
وتكلنا على الله ومشينا طبعا انا اللي اسوق الحين .......ويعد 10 كيلو تقريبا والا السفينة تهتز
واطالع والا الكفرة تقطعت والسفينة تمشي على الجنط؟؟؟؟؟؟؟؟؟؟
ويطلع شرار اذا اسرعت ,,,,,,,,,,,,,,واهدي وصرت امشي 40 الين وصلنا ......
{والقصة اطول ....من كذا .....ولكن نكتفي بهذا القدر}

وضحك احمد وضحك الجميع (كتاب المطالعة ابتدائي)!!!!!!!!!!
وسلامتكم ........
كتبتها والله من الطفش وتعرفون الفترة هذي اختبارات والنفسيات قشرى
اتمنى كل من قرى القصة يدعي لي بالتوفيق والنجاح والى القاء
اخوكم \\\ 19 تسع طعش19


الحقوق محفوفة والحافظ الله
llllllllllllllllllllllllllllllllllllll

[كاتم الاحزان]

هههههههههههههههههههه
والله لك مستقبل في كتابت القصص
وكمان مخرج مسوي دعايات
أبداااااع أخي تسع طعش
أسأل الله رب العرش العظيم
أن ينجحك وينجح أخواني الاعضاء





أقول ياليت وقت أختبار الرياضيات أو الانجليزي
تكتب لنا قصه تعرف الطلاب يجيهم ألهام في الكتابه خخخخخخ
تقبل مروري

[صغيــر الســن]

\\

آخوي وآللخـ آمكن آنآ آسوي مسلسل بس نبغآكـ

تعطينآ قصص من قصصكـ < منزينكـ بغيت آنكـ كآتب

..

لآهنت ع آلقصهـ

\\

[تسع طعش]

كاتم الاحزان

صغير السن


ثنـــــــــــكيــــــــــو
ولى عودة اخر الليل ان شاء الله ....

[الأميرة]

ههههههههههههههههههههههههههههه
ههههههههههههههههههههههههههههه
والله رهيبه مره
بصراحة من جد عجبتني
يالله بالتوفيق بالامتحانات وسلم على اختك ست طعش وثلاثة تعش

موضوع رائع ويهبل

[آمـيرهـ بآح ــساسي]

ههههههههههههههههههه
ترى تسع طعش انسان متواضع،،،
انا اقولكم عنه هو من اكبر المؤلفين في هوليود
ههههههههههههههه
اقول اختك خمس طعش زعلانه عشان مااوردت اسمها
القصه،،،
الله يعطيك العافيه بصراااحه استمتعت بقراءة قصتك
ههههههههههههههههه

[تسع طعش]

اقتباس: المشاركة الأصلية كتبت بواسطة الأميرة      ههههههههههههههههههههههههههههه ههههههههههههههههههههههههههههه والله رهيبه مره بصراحة من جد عجبتني يالله بالتوفيق بالامتحانات وسلم على اختك ست طعش وثلاثة تعش موضوع رائع ويهبل

اقول لاتعلمين باسماء خواتي قدام الناس هاه

[تسع طعش]

اقتباس: المشاركة الأصلية كتبت بواسطة بنت الوادي      ههههههههههههههههههه ترى تسع طعش انسان متواضع،،، انا اقولكم عنه هو من اكبر المؤلفين في هوليود ههههههههههههههه اقول اختك خمس طعش زعلانه عشان مااوردت اسمها القصه،،، الله يعطيك العافيه بصراااحه استمتعت بقراءة قصتك ههههههههههههههههه

شوف الناس اللي تقدر المواهب

[بعيدة المدى]

تسع طعش ليه ماكملت واحد على اسمك ويصير عشرين ...


المهم قصتك جنان بس ما ادرى هاذي المواهب ماتطلع الا ايام الاختبارات كل هاذا عشان تتهرب من المذاكرة ؟؟(كاشفتك )

الله يوفقك في اختباراتك ..

[تسع طعش]

اقتباس: المشاركة الأصلية كتبت بواسطة بعيدة المدى      تسع طعش ليه ماكملت واحد على اسمك ويصير عشرين ... المهم قصتك جنان بس ما ادرى هاذي المواهب ماتطلع الا ايام الاختبارات كل هاذا عشان تتهرب من المذاكرة ؟؟(كاشفتك ) الله يوفقك في اختباراتك ..

بالظبط

هههه