الى محمد عيضة (راعي العظــــــــيمه )

[سليمان الشدوي]

مجرد ضيقة خاطر .. والباقي عند ابوثامر

*****************

العظيمه/ يامحمد/ ماتثمــنـــــهـا البرايا
العظيمه طول عمر احساسها/ تبقى عظيمه

العظيمه / ترتكي لليل /واحلام الزوايا
تسري بموج الفكر / للنور/ والفجر ونسيمه

لونها/ يلمع مع الفيروز/ باعناق الصبايا
ترسم الفرحه / بسحر اللون /في ثغر اليتيمه

اذهلت /من لاقدر يخفي بحضرتها/ خفايا
واثقلت /كاهل (ضعيف النفس) منقوص العزيمه

ماعليك / ان جارت الاثقــال / بظهور المطايا
وماعليك /ان قالو( خطوط الدواير) مستقيمه

الخلايا /اللي يطول بها العمر/ تنتج خلايا
تاخذ الجينات طبعاً....من خلاياها القديمه

لاتخاف / على (الطموح )اللي لها عرق/ ومزايا
لو حداها الغدر/ واهل الغدر/ في لحظه اليمه

يامحمد وانت شاعر كفو / وكفوفك رهايا
واصغر احلامك قصيده في (هجير الصيف) ديمه

ارجف بصوت ً ليا منّه رجّف سوى سوايا
واحلم بسيفً /يرد الظالمين /عن الظليمه

لو نعدّل /كفة الميزان/ ميزان النوايا
ما اصطبح /وجه الغشيم/ الا على وجه الغشيمه

ولو.. نطق عبقر / ولد عبقر / على روس البرايا
قال روحي ياعظيمه / واغنمي كل الغنيمه

لكن الجغرافيا /والجبر/ جبّار العطايا
جبر قلب / وجبر كسر / وجبرعقل /وجبر قيمه

قاضي التحقيق/ لو نعرض عليه اربع قضايا
ماقدر ينصف خصيمـً / ضاع حقه / من خصيمه

اختلف / مابين مفهوم العداله / والوصايا
الوصيه بالعداله / والعداله بالجريمه

ويامحمد/ لو يموت الشعر/ من كبر الخطايا
ماتسلسل من (ربيع البحتري) لحظه حميمه

ولا تشكل من من( جنود الشعر) للعاشق سرايا
ينتخي فيها بلا صوت /وتجيه بلا وليمه

العظيمه /ياطويل العمر /خانتها المرايا
والمرايا/ حدّبتها/ شهوة النفس السقيمه

والامل في هاجسً / يقدح من احساسه شـظايا
والبقا في راس (راس الِشعر) ماهو في نظيمه

[عبدالرحمن الخزمري]

صح لسانك .. وبيض الله وجهك .. ولا هنت .
مبدع دائما بقصائدك .
شـكــ وبارك الله فيك ـــرا لك ... لك مني أجمل تحية .

[أبوعدي]

صح لسانك

[سعيد الكناني]

الشاعر الرائع
سليمان الشدوي
صح الله السانك مدد بلا عدد
حضور جميل ومميز بهذه الرائعه
أسجل حضوري وشديد اعجابي
دمت بود

[احمد صعمود]

صح لسانك متوهج دائما

وننتظر ابو ثامر في صفحتك

تقديري .

[ALRAGI]

صح لسانكـ

[فهد الكناني]

تــــالله وقســــماً بالله

إنها قصيدة عظيمة بالفعل ورائعة ونادرة من النوادر

صح لساااااااااانك أخي سليمان

هـــذي القصــــايد وإلا بـــــــــــلاش

[الهجيــــر]

في العظيمه يا سليمان انكتب عدة وصايا
راسها ان الشعر في هذا الزمن مدفوع قيمه

والله ثم والله ان هالقصيده يا سليمان تساوي كل قصائد الذمم الوسيعه
صح لسااااااااااانك ملايين
وابو ثامر جبل
ان نزلو عليه ما حركو فيه شي
وان نزل عليهم سحقهم

عزائي ان مثلك ومثل ابو ثامر يكتبون شعر حقيقي طاهر اقل درجاته الجمال

[ابو نواف السعدي]

الله الله

رااائعه من روائعك ياسليمان
والاخ الشاعر الرااائع ابوثامر يتربع على عرش عظمة الشعر
شرفنا يوم الخميس الماضي واتحفنا بأحدى روااائعه

تقبل تحيتي

[فهد سعود الزهراني]

هلا بك يالغالي

والموضوع لا يستاهل ضيقة الخاطر وانتم لستم الوحيدين الذين شكوا مما حدث ..

وعزاءنا الوحيد انك انت وبوثامر وثلة من المبدعين لازال الشعر يباهي بكم

ولازلنا نتذوق ابداعاتكم ..

ولازال اهل الشعر يحفظون لكم مكانتكم ..

قصيدة تكفي لتعريفنا بسليمان
وتعريفنا بالشعر

هنيئا لنا بكم بعيدا عن محاكم المرقاب ..الغير عادلة

تحياتي لكـ