سر ودك تبوح فيه ,,

[منتهى]

السلام عليكم ورحمة الله وبركاته

كل منا يحمل بين طيات ذاكرته بعض الأسرار التي لم يتحدث عنها قط ولم يتشاركها مع أحد لذلك أود ان أبوح بسر لطفله في مرحلة الابتدائية ...

طبعا كان من عادة الجيران زمان انهم اذا طبخوا يرسلون للجيران .. في يوم جميل مشمس الوالده طبخت الغدا وحطت لجيراننا بصحن وارسلتني عشان أوديه طبعا البيت مقابل البيت تماما وانا في قمة بسطتي اني باروح للجيران
قابلني أبوهم في الدرج وهاوشني وهزأني بدون سبب وانا مسكينه شايله الصحن بيدي طبعا رجعت للبيت حزينه وزعلانه كيف يكلمني كذا فقررت الإنتقام

لما رجعت البيت رحت لغرفة امي بسرعة وفتحت شنطة الوالد الخاصة كانت فيها اوراقه ومن ضمن الأوراق كان فيها مسدس وعلبة رصاص أخذت رصاصه وما احد يشوف الا غباري شردت لغرفتي وبعد ما تباحثت مع الشيطان عن خطتي الانتقاميه قررت أنفذها ... رحت عند سيارة جارنا وحطيت الرصاصه تحت الكفر الخلفي ياحزركم ليييييييييييش ؟
عشان اول ما تمشي السياره والكفر يجي فوق الرصاصه تنفجر السياره وتتطاير اشلائها في الهواء وبكذا اكون اخذت حقي ( الاخت متأثر بأفلام الاكشن ومقايفر اللي ودانا ورا الشمس )

المهم استنيت الناس الين تغدوا وناموا ونفذت خطتي المحششه اللي ما ادري ايش كنت شاربه يومها ورجعت للبيت بسرعه وانتظرت عند الشباك أنتظر اسمع صوت الانفجار المصيبه اني مقتنعه انها بتنفجر وانتظر وانتظر وانتظر يوم فتحت الشباك الا السياره مو فيه رحت اشوف ايش اللي حصل شكله صار عطل فني في القنبله يوم وصلت لقيت الرصاصه متساويه بالارض وخطتي فشلت ورجعت للبيت وأنا اجر اذيال الهزيمه

الأكيد في الموضوع ان الوالد ما دري بالموضوع والا كان شفت النجوم والكواكب والمجرات والنيازك بعز الظهر

بس أحس يومها كان تفكيري خارج نطاق التغطيه تماما والا هذي الافعال الارهابيه ما تصدر من بنت في الابتدائي والا ايش رايكم ؟؟؟ هههههههههههههههههه

هذا هو سري اللي الى الان ما احد يدري عنه بس ابشركم حالتي مستقره الان وما مني خوف او خطر

يالله كل واحد يتحفنا بسر ما عمره خبره لأحد والا باحط تحت كفرة كل واحد رصاصه

[الوفاء]

أنا مره وأنا بأول ابتدائي كنت اسمع كثير من البيوت ان فيه حراميه يهجمون عليها وكنت احسب انه شي زين وكنت اقول ليه احنا لا فلما أهلي راحوا على بيت جدي وكان ابويه بالمجلس رحت واخذت ذهب أمي ونثرته باﻷرض وعلى السرير ورحت أنادي أمي وخوالي وقلت لهم حرامي ببيتنا وانه لما شافني نقز من على الجدار ونادوا ابوي واستغربوا ايش هذا الحرامي اللي يدخل علشان يسرق ويهرب من بنت صغيرة ومايأخذ شيء المهم قالوا بيبلغون الشرطة وساعتها كنت بأموت من الخوف ويومها خوالي اقنعوا ابوي انه ماله لزوم مدامه ماأخذ شيء وانا كنت حاسه انهم كان شاكين فيني بس الحمدلله انتهى الموضوع على خير والى اليوم مانكشف سري

..دراما صح

[ابو مشاري المجلد]

اسرار خطيرة


ووفقكم الله




لكن الاولى اخطر


ووالثانية اقل

[منتهى]

اقتباس: المشاركة الأصلية كتبت بواسطة الوفاء      أنا مره وأنا بأول ابتدائي كنت اسمع كثير من البيوت ان فيه حراميه يهجمون عليها وكنت احسب انه شي زين وكنت اقول ليه احنا لا فلما أهلي راحوا على بيت جدي وكان ابويه بالمجلس رحت واخذت ذهب أمي ونثرته باﻷرض وعلى السرير ورحت أنادي أمي وخوالي وقلت لهم حرامي ببيتنا وانه لما شافني نقز من على الجدار ونادوا ابوي واستغربوا ايش هذا الحرامي اللي يدخل علشان يسرق ويهرب من بنت صغيرة ومايأخذ شيء المهم قالوا بيبلغون الشرطة وساعتها كنت بأموت من الخوف ويومها خوالي اقنعوا ابوي انه ماله لزوم مدامه ماأخذ شيء وانا كنت حاسه انهم كان شاكين فيني بس الحمدلله انتهى الموضوع على خير والى اليوم مانكشف سري ..دراما صح

تصدقين ياوفاء ما ادري ايش الصنف اللي كنا نستخدمه بالإبتدائي
تفكيرنا كان يرتقى لمستوى المافيا هههههههههه

أسعدتني الدراما أسعد الله قلبك

دمتي بخير

[منتهى]

اقتباس: المشاركة الأصلية كتبت بواسطة معيض المجلد ابومشاري      اسرار خطيرة ووفقكم الله لكن الاولى اخطر ووالثانية اقل

أسعدني تواجدك أخي معيض ,,, سلمت يداك
ودمت بخير

[براااق الحـــازم]

.
ايام الجامعة, اخذت مشوار من مكه.

واحده عجوز راحت تشوف خطيبة لولدها عند عائلة في الطائف.

المهم اني دخلت منطقة عسكرية اللى فيها العائلة .. طبعا الدخول للمدينة العسكرية بالبطاقة المدنية.
.
.
دخلت العجوز فله من الفلل, وانا في انتظارها.. ولم اكن اعرف ماهي الفلة التي دخلتها لان الفلل متقاربة..

وكان الاتفاق بيني وبينها انها لن تغيب اكثر من ربع ساعة.

انتظرت العجوز.. ممكن ثلاث ساعات.. متواصلة.

كدت ان اختنق واغادر.. لكن الشيمة منعتني من المغادرة..

بعد ثلاث ساعات... اذا بدورية المدينة العسكرية.. تقف بجانبي, وقد ترجل منها احد الجنود..

ثم سألني :.. هل تعرف هذه العجوز؟

تملكني خوف شديد... ولكن سرعان ما تداركت الموقف, ثم الهمني الله ان اقول نعم ... انها امي.!

فقال العسكري: لقد وجدناها ضائعة منذ اكثر من ثلاث ساعات ونحن نبحث عنك...

وهي تقول؟ ان ولدي ينتظرني... اريد ولدي... اريد ان ارجع مع ولدي.

كيف يطاوعك قلبك تضيع امك يا خايب.... خذ بطاقتك.. وامك وغادر.

المهم رحت قدام العسكري.. وانزلت العجوز من الجيب وسلمت على راسها, وهي تنظر للي ببتسامة صفراء.

وركبتها معي في المقعد الامامي .

قلت للعسكري: طلعني من هنا..

وفعلا سار امامي حتي خرجت من المدينة العسكرية..

يوم عرفت اني في امان... قلت للعجوز: هاه بشري خطبتي لولدك؟

قالت: والله يا ولدي, طردوني شر طرده, وخرجت ابكي من عندهم, حتى اني ضيعت مكانك.

قلت في نفسي تستاهلين اكثر..

والله اني بغيت اسيبها في طريق السيل, لكن خفت من الله..

وتبت بعد كذا من أي مشور.. مع أي عجوز لأي مدينة عسكريه ... خاصة اذا كان في الموضوع خطبة.

والله لو كشفوا امري... كان يمديني لين الحين اكتب قصتي من السجن السياسي... باعتبار اني ممكن اكون جاسوس.

..
.

[منتهى]

اقتباس: المشاركة الأصلية كتبت بواسطة براااق الحـــازم      . ايام الجامعة, اخذت مشوار من مكه. واحده عجوز راحت تشوف خطيبة لولدها عند عائلة في الطائف. المهم اني دخلت منطقة عسكرية اللى فيها العائلة .. طبعا الدخول للمدينة العسكرية بالبطاقة المدنية. . . دخلت العجوز فله من الفلل, وانا في انتظارها.. ولم اكن اعرف ماهي الفلة التي دخلتها لان الفلل متقاربة.. وكان الاتفاق بيني وبينها انها لن تغيب اكثر من ربع ساعة. انتظرت العجوز.. ممكن ثلاث ساعات.. متواصلة. كدت ان اختنق واغادر.. لكن الشيمة منعتني من المغادرة.. بعد ثلاث ساعات... اذا بدورية المدينة العسكرية.. تقف بجانبي, وقد ترجل منها احد الجنود.. ثم سألني :.. هل تعرف هذه العجوز؟ تملكني خوف شديد... ولكن سرعان ما تداركت الموقف, ثم الهمني الله ان اقول نعم ... انها امي.! فقال العسكري: لقد وجدناها ضائعة منذ اكثر من ثلاث ساعات ونحن نبحث عنك... وهي تقول؟ ان ولدي ينتظرني... اريد ولدي... اريد ان ارجع مع ولدي. كيف يطاوعك قلبك تضيع امك يا خايب.... خذ بطاقتك.. وامك وغادر. المهم رحت قدام العسكري.. وانزلت العجوز من الجيب وسلمت على راسها, وهي تنظر للي ببتسامة صفراء. وركبتها معي في المقعد الامامي . قلت للعسكري: طلعني من هنا.. وفعلا سار امامي حتي خرجت من المدينة العسكرية.. يوم عرفت اني في امان... قلت للعجوز: هاه بشري خطبتي لولدك؟ قالت: والله يا ولدي, طردوني شر طرده, وخرجت ابكي من عندهم, حتى اني ضيعت مكانك. قلت في نفسي تستاهلين اكثر.. والله اني بغيت اسيبها في طريق السيل, لكن خفت من الله.. وتبت بعد كذا من أي مشور.. مع أي عجوز لأي مدينة عسكريه ... خاصة اذا كان في الموضوع خطبة. والله لو كشفوا امري... كان يمديني لين الحين اكتب قصتي من السجن السياسي... باعتبار اني ممكن اكون جاسوس. .. .

طلاب الجامعه ما يبطلون حركاتهم اجل مشوار من مكه للطائف
طيب تخيل انها مو في كامل قواها العقليه كان رحت في خبر كان
بس الحمدلله انك طلعت سليم والا كان الحين نزورك ومعانا جبنه وحلاوه

اسعدني تواجدك ,,,
دمت بخير

[ابو مشاري المجلد]

برق نيتك طيبه


ووالله عطاك ع نيتك





لكن موووقف محرج


















ووفقك الله


الاخت منتهى شكلهااا بتجيب العيد


هههه

[الراس الصغير]

موضوع رائع اخت منتهى
وقصة ظريفه بكل مافيها من مغامرات
وزادها روعه قصة الاخت الوفاء
وكملها رونقاَ وبهجتا َ قصة الاخ براق والعجوز

لي عوده هنا ان شاء الله واسر لكم قصص الماضي ومافيها من مغامرات ..

[البارود والبيردآن]

مواقف خطيره. نكم
وتفكيركم مع الشيطان اخطر
ولكن قلوبكم البيظاء لأتحمل الحقد
فسرعان ماتحو ل الموضوع الى ذكريات
ولكن يجب اخذ الحيطه والحذر لان كيدكن عظيم يا بنات حواء
تقبلوا تحياتي وفي أمان الكريم