احسب الوقت

[حسين المعنى]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يالله اني دخيلك ياعضيم الخلايق=روف في حالتي يارب كل الخليقه
والله ماني مع العربان والصدر ضايق=غايب العقل واشعر كل الاوقات ضيقه
ماني رايق ورب البيت ماني برايق=لو ضحكنا نجامل والخوافي عميقه
اتسلا وهم والوهم مصبح حقايق=ان فرحنا تصنع وان بكينا حقيقه
انا والضيق والاحزان والهم شقايق=كيف يترك شقيقن في حياته شقيقه
احسب الوقت واعد الثواني دقايق=يوم غيري يعد الساعه مثل الدقيقه
آه واحسرتي بيبان سعدي غلايق=كل ماجيتها ماشوفها الا غليقه
الزرافيل بالاقفال بعد العوايق=خطوتي كل مافكرت فيها عويقه
حجتي واضحه لو ماعليها وثايق=كم شهادات تقدح فالصكوك الوثيقه
حملوني ولاني للحمل عاد طايق=حملنا اللي علينا يالله انا نطيقه
شي لايق علي وشي ماهو بلايق=واقع الحال لرجال غصين يليقه
الشرارات ماتخر يكون الحرايق=انطفي ياحريقه واشعلي ياحريقه[/poem]

[احمد صعمود]

حـجـتــي واضــحــه لــــو ماعـلـيـهـا وثــايــق
كــم شـهـادات تـقــدح فالـصـكـوك الوثـيـقـه

صح لسانك ونجدد الاعجاب ونكرر الاشاده

تقديري

[جارت القمر]

سطرت لنا أجمل معانى الحب
بتلك الكلمات الشيقة التي تاخذنا
إلى أعماق البحار دون خوف
بل بلذة غريبة ورائعة
دمت لنا ودام قلمك

[جمعان مفرح (ابو طلال)]

شكرا لك قصيدة رائعة جدا

[عبدالله الحديبي]

لله درك يالمعنـــى

رائعه شعــريه .. ولاهي غريبه عليـــك

صح لسانك

[محمد الساهر]

صح لسان الشاعر