أأأأأأأأأأأأأأأأأأأوووول أأأوول ووووالححين!!!

[ابو مشاري المجلد]

: أول المائة ريال تكفي العائلة شهر.
وألحين ألف ريال ما تكفي لواحد❗

أول سيارة وحدة في البيت تكفي البيت والجيران.
وألحين في البيت وكالة سيارات والأم يوصلها السواق❗
...
أول في الحارة مسجد واحد وبعيد وكل الناس تصلي.
وألحين في الحارة أكثر من ثلاث مساجد والمسجد صف واحد❗

أول الحريم غير متعلمات وحجابها حتى وهي نايمه في رأسها.
وألحين جامعية ونص شعرها طالع❗

أول تعرف وش متعشي جارك.
وألحين يسافر ويمرض ويروح ويرجع وأنت ما تعرف عنه شىء ❗

أول المعلم قدوة لطلابه.
وألحين يشيش معهم❗

أول تلفزيون واحد في البيت وقناة واحدة وفترة للأطفال وفترة للكبار.
وألحين كل غرفة بتلفزيون وألف قناة ولا مراقب❗

أول تلفون واحد في البيت وما يرد عليه إلا الأب أو الأم.
وألحين كل واحد في البيت عنده جهازين ولا مراقب❗

للأسف واقع نعيشه
ويقولون ليش المجتمع تغير

كافـــــي تلومـون الزّمــــان وعقْـــــرب الســــاعه يدور

نفْس الشّهر .نفْس السنه ..نفْــس الفصول الاربعه

اللي تغيّــــر واختـــلف ..صــدْق المبادي والشعور

طيبــة ملامحــنا تـــوارت ..تحْـــت زيـــف..الأقنـعه


...صرْنا نحب المال مـن حـب المظاهر والظهور

نرْفع مـــقام اللـــي معـه ... ونهمّـــش اللــي مامعه

صرْنا نشوف اكتافنا ..لأهـــــدافنا ..جسْر العبور

ونبيــع حـــــتى ..لـــــو كــرامتـْـنــا عـــشــــــان المنـــفعه

الفقر يمــلانا ..جـزَع ... والمـال يمـــلانا غــــرور

وان مــا خــدم حبـْـل المـــودّه مصلحتـــنا..نقـْطــعه !

كانت صغار بيوتنا بس السّعه وسْط الصدور
واليوم نسْكن فـــي السـْعه ..بصدور مافيها سعه

للأسف الكلام صحيح 100/

[يحيى محمد الزهراني]

مقال جدي ومفيد يحكي عن واقع ملموس
مكانه في غير قسم الاستراحه لكنك اخترت هذا القسم وهذا من طيبك
شكرا لك اخي معيض

[ابو مشاري المجلد]

منور ياشيخ يحيى

[جمعان مفرح (ابو طلال)]

والله صادق يا أبا مشاري نسأل الله الهداية للجميع

[ابو مشاري المجلد]

امين يابوطلال

حياك الله وووالله يعين ع هذه الحياة