حرامي يقع في الفخ من شاب ذكي..

[أبو مراد الزهراني]

سلام عليكم : يااخوان انا صارت لي سالفه من شهرين عرضت جوالي ايفون 4 وجاني واحد عالخاص وطلب شرائه بمبلغ 900 اتفقت انا وياه يحول لي 200 وارسله له زاجل واذا وصله يحول لي قيمته الباقيه لانه يقول انا مااضمن ترسله وجلس يحلف لي بالله واهله وانا حسنت النيه ووافقت وشحنته له ( لااحد يقول غلطان لاني عارف ان الغلط علي ) .. الزبده يااخوان وصله الجهاز وكلمته وقال وصلني وبطلع احول لك 700 بعدها بساعه تباطيته وكلمته مايرد وطول اليوم ماحول والجوال مقفل انتظرت لمدة اسبوعين وماحولك احد لاكلمني ولا فتح جواله رحت للشرطه رفعت بلاغ وجلست شهر لااتصال ولا شي .. قلت ماينفع الا اجيبه انا بيديني لانه قهرني وايضا ماسويت بلاغ بالموقع عشان ماينحاش مني ( غيرت اسمي بحراج وعرضت ايفون 5 بسعر مغري وجلست اتصيده طبعا العالم تراسلني وماارد على احد انتظره لانه هو شكله يطقطق في الاجهزه فلابد انه بيجي لاعلاني وسبحان الله جابه الله ويراسلني بالخاص قال انا شراي ب 1500 خخخخخخ قلت بعتك واعطيه رقمي الثاني ويتصل علي طبعا خنقت عمري عشان يتغير صوتي واكلمه قلت حول لي واشحنه لك قال لا مااضمن بالبدايه وجلس يحاول يسوي زي ماسوا فيني قبل ورفضت وهو مطفي النور يبي الجهاز لانه ب 1500 الزبده جابه لي الله وحول لي 1500 البارح هههههه وارسلت له تسلم عالفلوس والله يعوضك .. ارسل لي رساله نصها ( والله حرام عليك تاكل فلوس الناس بالباطل خاف ربك وين بتروح من الله يمكن هالفلوس تحطها في علاج لك ههههههههههههههههه انا انسدحت من الضحك قلت لاوالله زين الحرامي عنده ذمه الله لايضره الزبده يااخوان انا ارسلت له من جوالي الاول انا اخذت حقي منك وزياده يالخسيس لكن تراني اخاف ربي وابيك ترسل رقم حسابك احول لك الزود لاني ماحب اكل حرام من ورا واحد كلب ونذل زيك لارحم الله هالوجه وجه العنز ههههههه الرجال شكله عقب الرساله توفى ماارسل لي ولا شي وانا ابي اعطيه حقه وش الحل يااخوان ؟؟؟؟ اكلمه اراسله جوال مايرد من قوة الصدمه شكله جته جلطه ههههههههههههه وجاء حذف اسمه بموقع حراج لاتحرمونا من ارائكم يارجال وبالتوفيق..


منقول من مصدره.. وهذا ما وقع على أحد الأخوة في موقع حراج.. وهذا للعضة..

[الوفاء]

والله يستاهل أكثر من كذا
لو أنا بدل الرجال اتصدق بالباقي على نيته وما اردها له عسى ربي يغفر له
مشكور ابو مراد على النقل

[الراس الصغير]

هههههههه والله اقدا فيه
وزين انه رجع له واخذ حقه منه وزياده فوقها
وسبحان الله الحلال مايضيع ..

ياخي ماني عارف ليه بعض البشر وياكثرهم وخاصة في معارض السيارات والحراج
تستغل خلق الله وماهما الا الحصول على المال باي وسيلة حتى لو يسرق ؟؟
هل هوا فقر او طمع ؟؟
المشكله ان اغلبهم يسوي نفسه ذكي على الاخرين ومايدري ان فيه اذكى منها ..

قصة ظريفه ومنها فائده وعبره كي نحتاط من بعض الاستغلاليين والمرتزقه ههههه
والفائض اللي حصل عليه من الشخص المرتزق يقدر يرجعه له او يتصدق به عنه
والا يشتري بها كيس قمح او شعير وينثرها للطيور صدقه والله اعلم
اسعدك الله ابو مراد ..

[نور الجنوب]

ههههههههههههههههه ماشاء الله عليك وربي يستاهل

[انا السليمي]

اذا كان في نفس المدينه اللي انت فيها حاول تسوي له كمين وتبلغ الشرطه حتى يتم القبض عليه ويمكن هو نصب على غيرك .
اما انت ماشاء الله عليك اخذت حقك منه هههههههههه
تحياتي ابو مراد

[منتهى]

استخدم نفس السلاح لكن بطريقه عكسيه الاول استخدمه لاخذ شي مو من حقه والثاني استخدمه لاسترجاع حقه

تفكيره سليم ويمكن تكون قرصه محترمه للاول عشان ما يرجع يلعب على الناس والله الهادي ,,,

[منبع الطيب]

وداوها باللتي كان هي الداء ..
طباخ السم لازم يذوقه ..
كما تدين .. تدان

شكرا ابا مراد

[أبو مراد الزهراني]

الف شكر لحضوركم جميعاً..
لكم فائق الاحترام والتقدير..

[محمد الساهر]

بالطبع يتم رد المبلغ الزائد عن طريق رقم الحساب الأول الذي منه 200 يتم أخذ الرقم من البنك ويعاد المبلغ بهذه الطريقه إن كان بأسمه شخصياً...

قصه تقهر

[ابو احمد العدواني]

لا حول ولا قوة إلا بالله
للأسف يوجد ناس نفوسهم ضعيفة وما يخافون الله
لكن فعلا كما تدين تدان !!
شكرا لك على النقل والاعلام