يسأل عنه وانا اقول مدري .

[انا السليمي]

بسم الله الرحمن الرحيم ..
السلام عليكم ورحمة الله وبركاته ..

ندخل في الموضوع بدون مقدمات .
جاءني شخص وسلم ورديت السلام قال ممكن من وقتك شوي ابيك بموضوع خاصه ومهم . المهم عرفني على نفسه وقال تعرف فلان .؟ قلت نعم اعرفه واعرف ابوه واخوانه . قال وشرايك فيه .؟ قلت من اي ناحيه .؟ قال الولد جاءني وخطب ابنتي وانا اعرف انه موظف وبس ... قلت ونعم بالولد وابوه لم نسمع عنهم الا كل خير ... قال هل هو يصلي ويصوم وولد صالح .؟ قلت انا اعرفهم واقابلهم وهم من جماعتي ولكن لا اعرف عن اسرارهم وعن اعمالهم ولكن اسال غيري من الناس الذين يعرفون عنهم كل شي . قال تكفى والله ماجيتك الا ابيك تساعدني وهذا مستقبل بنتي .؟
قلت ابشر بسال عنه واتاكد ولكن انا برئي من جوابي لك واسال غيري .

سالت عن الولد عن قرب ووجدته لايصلي ومن هنا اكتفيت عن بعض الاسئله عنه ..

سؤالي :


لو جاءك شخص مثل هذا وسالك عن ولد يقرب لك او من جماعتك وهذا الولد لايصلي .. هل تجاوبه بكل صراحه وتقول له الحقيقه .ام تقول له اسال غيري وتتجنب المشاكل حتى لايزعلون عليك اهل الولد وتصير بينك وبينهم قطيعه .؟

يقولون كلمة ( مدري ترفع قدري ) .. هل تراها مناسبه تجاوب بها والد البنت عندما تعلم عن اسرار الولد .؟

تحياتي للجميع

[يحيى محمد الزهراني]

والله يا اخي السليمي انها مشكله خاصه اذا كان من يسأل عنه قريب لك او من جماعتك ان جيت تقول الحقيقه فأخاف يوصل الكلام له ولأهله وتاخذ منهم موقف وان كتمت الحقيقه فربما ظلمت البنت المسكينه
اذا كلمة مدري هي الافضل خاصه اذا كان اللي يسأل ماله سر ربما يعلم عليك وقد حصل كثير من هذه المواقف
موضوع رائع يستحق النقاش
تقبل تحياتي

[ال يتيم العلي الدوسي]

الحقيقه دوما جميله وهذي عشره وزواج
اما الاخ فيمكن يحصل بنت ثانيه بعد ما يعدل نفسه
ويأخذها درس ويمكن يتوب اذا رفض
والله اعلم مجرد رائي لو وقعت لي نفس
المسأله .
والله يعينك ويستر على كل مسلم

[عذبة الاوصاف]

انا اشوف انه يقول الصدق لانها مسالة زواج وماينبغي كتمان مانعرف انا سؤالنا بصدق النية طبعاا .. عاد المفروض ابو البنت ما ايقول انه سأل افلان وهو قالي انه ولدكم مايصلي تجنبا للمشاكل يعني يخليها طي الكتمان اهم شي انه عرف الحقيقة


وشكرا لك على طرح الموضوع

[MARAM]

-

اقتباس: هل تجاوبه بكل صراحه وتقول له الحقيقه .ام تقول له اسال غيري وتتجنب المشاكل حتى لايزعلون عليك اهل الولد وتصير بينك وبينهم قطيعه .؟

لازم يجاوبه بصراحه و يقول اللي يعرفه ..
حرام تتزوجه البنت وتنصدم بأنه ما يصلي !
حتى لو انه يخسر صديقه , يعني مب شي بسيط علشان يسكت عنه .. صلاه يعتبر كافر الولد

اشكرك ع الطرح الجيد

[منتهى]

تخيل لو انك في مكان هذا الأب ماراح تتمنى انك تلاقي معلومات صادقه عن الشخص المراد السؤال عنه ..

الزواج عشره وليست مجرد يوم او يومين وبنات الناس امانه وهم مسؤولين امام الله في حالة الكذب ..

كن صريح ولا تبالي فقد تدفع عن هذه الفتاة حياة ملؤها البؤس والتعاسه ,,

دمت بخير

[براااق الحـــازم]

.
الا الزواج, يعنى ممكن نداري بعض الاشياء.
اما حكاية ان يبنى على كلامي موقف, يمكن ان يتسبب في تعاسة انسانة.
صعب جدا.

والحمد لله مريت في هذا الموقف.
وكانت الاجابة ان شاء الله, بما يرضي الله ثم ضميري.
ـ الرجال حسب علمي طيب وابن حلال, وماسك حده, واغلب جلساته مع اخوانه وفي بيتهم, بس والله ما نشوفه في المسجد.
بعد كذا الاب يختار اللى يناسبه.
..
.

[ALRAGI]

جميل ياعسل
ولكن لماذا السؤال عن الولد وترك البنت ما يسأل عنها
بالنسبة حول الموضوع فالحقيقة زينه اذا ابداها الشخص
وكما قالوا الاولين من راس البير ولا من قاعتها
شاكرلك

[منبع الطيب]

هذه انا اعتبرها شهادة حق ويستلزم عدم كتمانها .. > الموقف والحاله تتطلب هالشي
وبعدين يفترض من والد البنت ان يسأل عن الخاطب بمكان عمله وجيرانه وجماعته
وان يتحرى الشهادات الصادقه ويتجاهل الشهادات المغرضه او المسيئه بغير حق .

شكرا يالسليمي على الطرح
تحيتي

[الوفاء]

بصراحة أخوي لازم اقوله بالصراحة ﻷن هذي مسألة زواج
انا يوم تزوج اخوي دقت علي قريبتي وبنفس الوقت أخت العروس وقالت بأسألك عن أخوك كيف أخلاقه وتعامله معاكم ومع غيركم قلت لها انا اعلمك بأخلاقه وبتعامله معانا لكن برى البيت الله العالم فيه ماأقدر احكم عليه
تقبل أخوي مروري