من يعــــــــــرف المناسبــــــــــــة ؟؟؟؟

[(( الغريب))]

[align=center]هذه قصيدة رائعة لشاعر الجنوب،نفس ي أعرف مناسبتها،
إعجابي بهذه القصيدة اللا محدود جعلني أضعها بين أيديكم فلربما نالت إعجابكم.

بديت باسم الذي نزّل حـروف الكتـاب
يعلـم دقـاق الامـور ويعلـم جلالهـا
هو الغفور الرحيم هو الشديد العقـاب
لو زلزلت الأرض والسمـوات زلزالهـا
عدل بخلقه خلقهـم كلهـم مـن تـراب
قبضة ثرى بث فيها الروح وأوحى لهـا
أرسل محمد بدين الحق ديـن الصـواب
أعتق رقـاب العبـاد وحطّـم أغلالهـا
اللي على سيرته حتى صخور الهضـاب
تفجِّـر ينابيعهـا وتـصـب شلالـهـا
عليه أصلي عدد ما هـل وبـل الربـاب
مـن مزنـةٍ يبعـث اليبّـاس همّالهـا
سلام تسليمةٍ تلحـق شعـاع الشهـاب
ومن الشهاب أبعد الأبعـاد ترقـى لهـا
وتشق صدر النفود الأوديـة والشعـاب
لا قام غيـم الجنـوب يقبـل رمالهـا
يجرها لين ما توصـل عـزاز الجنـاب

مهـرة سليمـان بـن داوود وعيالهـا
في ليلة يلبس التاريـخ فيهـا الزهـاب
وتحـط فيهـا عقـول العالـم أرحالهـا
وتتوه فيها النجـوم وتفقـد الإنجـذاب

تصهر مية شمس في تقويسـة هلالهـا
والأرض تتخيل اللي صار مثل السـراب
ما كان يطري ولا يخطـر علـى بالهـا
سلام منا علـى شمـر سـلام وجـواب
من طيب صبيان شمر طابـت أفعالهـا
مجالس عطّروهـا بالصـدور الرحـاب
والهيـل والزعفـران يبهـر دلالـهـا

من يوم الأقفال موجودة على كـل بـاب
أبواب شمر بعـد مـا تعـرف أقفالهـا


طلاّبة المستحيـل ومدركيـن الصعـاب
الشمـري كلمتـه لـي قالهـا قالـهـا
شمر وساع الطعون ومسرجين الركـاب
شمر كبار الصحون لمـن تعنـى لهـا
وسلام منا على التميـاط شيـخ مهـاب
يا ولد عم المـدوح ويـا ولـد خالهـا
ما يحجبه عن تسنّام المعالـي حجـاب
ماهي لغيره وهو مـا يصلـح الا لهـا
المرجلة عند ابـو بنـدر تـرز القبـاب
تنزل بساحـة فهـد وتنـوّخ جمالهـا

سلام للموقف اللي غـاب فيـه العتـاب
تعطى لحاهـم ثناهـا والسعـد فالهـا

شمّر وزهران يجمعهم نسـب واقتـراب
أصـل العروبـة وممساهـا ومقيالهـا
قبايل تصنـع الأمجـاد منهـا العجـاب
والكون يوقف دقيقة صمـت لأفضالهـا
حاتم وسلمى واجا مهيب عنـا غـراب
نسمع صدى صوتها في نسخة أشكالهـا
مليون حاتم مثل حاتم شيـوخ وشبـاب
ومية جبل حي لـي زهـران وجبالهـا

زهران يوم الحكم تحت القنا والحـراب
تقضي بخمسين في خمسة من أرجالهـا

زهران عطر الحديث اللي رواه الصحاب
من سيرة المصطفـى مثبوتـة أقوالهـا

زهران لمع السيوف مذهبـات النصـاب
ما زال بخروش يتكـرر فـي أجيالهـا
بيارق ابن الرقوش الناقميـن الغضـاب
تخبرك الأتراك عـن زهـران وأبطالهـا


في ليلة يلبس الإحسـان فيهـا الثيـاب
والروح تسمو وتتحـرر مـن أثقالهـا
ليلة رضا الله وغفرانه بعتـق الرقـاب
طابت حظوظ النشامى والسعـد فالهـا

الليلة أهل البنوك مضخمـات الحسـاب
رصيد عبد العزيز أكبـر مـن اموالهـا

منزلته اللي نزلها عند منشي السحـاب
كم من تقـي طلبهـا ميـر مـا نالهـا
وبني حسن كل ابوهم حاضرين وغيـاب
يستاهلون الف شكر وعشـرة امثالهـا
والختم صلوا على الهادي فصيح الخطاب
أطهر من استقبل القبلـة وصلـى لهـا

عبدالواحد سعود الزهراني...
________________________________________[/align]

[سعيد بن سالم]

[frame="8 80"]قصيده رائعه وغنيه عن التعريف . فقد قالها الشاعر / عبدالواحد بن سعود وعلى ما اظن أنها قيلة بمناسبة الصلح الذي جراء بين قبيلة زهران وشمر وانتهى بعتق رقبة ، حيث تنازل (ابناء الزهراني ) عن دم ابيهم لوجه الله. اسأل الله ان يكتب لهم الاجر والثواب .

تقبل اجمل تحياتي[/frame]

[صقر قريش]

تحيه طيبه لك اخي ........ سعيد بن سالم
طيب ياليت تشرح القصه اخوي وسبب المشكله

اول مره اسمع السالفه

ولك مني جزيل الشكر

وكم عمر المقتول عليه رحمه الله

[سعيد بن سالم]

اقتباس: المشاركة الأصلية كتبت بواسطة صقر قريش      تحيه طيبه لك اخي ........ سعيد بن سالم طيب ياليت تشرح القصه اخوي وسبب المشكله اول مره اسمع السالفه ولك مني جزيل الشكر وكم عمر المقتول عليه رحمه الله

اهلا / صقر قريش

اقراء هذا الخبر والذي نشر في جريدة الرياض بتاريخ 8/2/1428هـ وراح تعرف كل التفاصيل مع اجمل تحياتي لك .


تنازل أبناء عبدالرحمن بن علي الزهراني عن حقهم في القصاص من بدر عواد الشمري قاتل أبيهم - لوجه الله ودون مقابل بعد أن صدر حكم المحكمة العامة بالدمام الشهر الماضي بقصاص الأخير.وكانت القضية التي استمرت سنتين قد شهدت تطورات عديدة خلال جلسات المحاكمة قبل ان يعلن ذوو القتيل وهو أحد كبار السن من سكان الدمام عن تنازلهم عن حقهم في القصاص من (بدر الشمري) (17) سنة الذي تسبب في مقتل والدهم بعد أن دهسه خلال ممارسته للتفحيط ومحاولته الهرب من سكان الحي مقابل ثانوية الجهاد التي يدرس فيها وادخل على اثرها القتيل إلى احد مستشفيات المنطقة ومضى عدة اسابيع قبل وفاته.
عواد الشمري والد (بدر) رفع عبر "الرياض" عميق شكره لأبناء وأشقاء القتيل عبدالرحمن الزهراني على تنازلهم لوجه الله تعالى ابتغاء للأجر دون مقابل، مؤكداً ان هذا الموقف النبيل والشهم ليس غريباً على الزهراني الذين فاجأونا بتسجيل تنازلهم بمحكمة الدمام وليس هذا وحسب بل كانوا مصرين على خروج ابني وإنهاء القضية بأسرع وقت.

وسأل الشمري الله ان يغفر للمتوفى ويرحمه وان يجزي ابناءه وأعمامهم وذويهم جميعاً الأجر والمثوبة وأن يجعل ذلك في موازين حسناتهم مشيراً إلى ان مثل هذه الشهامة والمواقف الإنسانية النبيلة تعود عليها أبناء هذا الوطن فيما بينهم دائماً.

[صقر قريش]

هذي رساله الي سناعيس شمر

شفتو الكرم الطاي


الله يبعد عنا كل المصايب يارب


والله يهدي شباب المسلمين

[قلم ناشف]

[align=center]

رحم الله ميتهم وجزاهم الله خير على هالفعل الطيب.
صح لسان ابو متعب...
وتسلم إيدك اخي فارس السيف على هالقصيده.
قصيده رائعه يكفي انها من ابو متعب....
بعد ماقريت القصيده
تخيلت لو انها كانت من شاعر شمري!!
كيف سيكون الشعور؟!!

[/align]