ياليتنــي بنت!!!

[عابرسرير]

ياليتـي بنت !!




اول ماجيت للرياض كررت هاذي العبارة كثير



ياليتي بنت عبارة ردّدتها كثيراً ، بيني وبين نفسي طبعاً خوفاً من إساءة الظن بي ، أو وصمي ببعض الصفات والألقاب التي لاتخفى على من به " ذرّة من خُبث " ، ولأننا مجتمع يُحاسب حتى على الأمنيات سأسوق لكم المبررات التي دفعتني لارتكاب هذه " الجريمة البشعة " !!




(1)



ــ الولد يحرُم عليه دخول الكثير من الأماكن المغلقة كالمتنزهات والحدائق والأسواق وغيرها إلا بوجود محرم " إنعكست الدعوى " سواء كان هذا المحرم أمه أو أخته أو حتى " شغالتهم " ،



* البنت كل الأبواب مشرعة لها تدخل وتخرج على مزاجها ، ولا " ابن أمه " يقول ممنوع .

(2)


ــ الولد إذا دخل مكتب حجوز طيران أو غيره " ينطقّ " بالساعات لين يجي دوره وإذا جاء دوره كلمة الموظف " بطرف خشمة " و " بنفس ٍ شينه " بعد !! .


* البنت من يوم تطل مع الباب و " هم منادينها " حتى لو انها داخلة بالغلط حجزوا لها لجنيف ذهاب وإياب " من زود الفزعه فيهم " ، وتقدّم بالطبع على كل " الشنبات " اللي في الصالة وعندما تجلس عند الموظف المختص يشتغل بضمير وإخلاص و" آمري وتدللي " و " يطق " لها ابتسامه " ماتخلي ضرس ٍ من ضروسه مابان " .


(3)


ـ الولد إذا أراد أن يعبر الشارع ينتظر ساعة ما " عبّره " أحد ، بل أن بعض " السواقين " " يشطفه " والبعض الآخر " يعلق البوري عليه " وأكثرهم رأفةً وحناناً هو من يكتفي " بالهوش " .. هذا إذا كان الولد كبير حظ و " ما دعسه أحد " .


* البنت منذ أن تضع طرف إصبع رجلها " الكريمة " على الشارع وما " تسمع الا مصارخ الكفرات " حيث تقف السيارات بكل نظام وإحترام كأنها تقف عند إشارة مرورية " جنبها عشر دوريات " ويتسابق أصحاب السيارات إلى إستعراض " مواهبهم " المكبوته وقدراتهم المدفونه " في الذوق والأخلاق والرقيّ " فهذا يقول " تفضلي " والثاني يعطيها ابتسامة مشرقة " تصلح في دعاية معجون أسنان " والثالث يرفع يديه عالياً إلى السماء ويدعوا " بأن الله يستر عليها " و " يحفظها من كل مكروه " ومن " زود إخلاصه وإلحاحة في الدعاء " تحس إنه في عرَفه " .

(4)


ــ الولد يُصبح عاطلاً لا تجد من يتعاطف معه ، يُفصل من وظيفته " مايفزع معه أحد ، " تُهضم حقوقه " ما أحد يعبّره " ،


* البنت " صخّر ٍ الله لها هالعالم " هذا ترك جميع مشاغله ومسؤولياته وتفرّغ للظهور في الفضائيات والمطالبة " بحقوق المرأة " ، وآخر " يعلن تعاطفة مع النساء غير العاملات و " الشباب العاطل مالين البيوت وماجاب خبرهم أحد " وثالث ماله شغل إلا الكتابة في الصحف والمجلات والمطالبة بعمل المرأة وقيادتها كأنه " محلوف عليه " مايتكلم إلا في هالموضوعين " ولا تستغربوا لو رأيتم من يعارض ويشجب ويستنكر ركوب المرأة في " مرتبه ورى " ويطالب بركوبها " قدّام " !! .


(5)


ـ الولد عندما يُرسل قصيدة لـ " بعض " الصفحات أو المجلات الشعبية فلا غرابة أن يرموها في سلة المهملات و" إن تجمّلوا معه " وضعوها سفرة لعشاهم ، وإن " كانهم أجاويد وعطوه وجه " وضعوا له رداً في أسفل الصفحة قائلين " الأخ فلان راسلنا بالأجمل " .


* البنت لو أرسلت قصيدة " أي كلام " لأفردت لها الصفحات ولاحتفوا بها ووضعوا لها مقدمةً " أطول منها " !!

(6)


ـ الولد لو كتب موضوعاً في أحد منتديات الانترنت لتراجع للصفحة الثالثة " مارد عليه أحد " وإن جاه ردود فهي بـ " يوزر " آخر له ، أو أنه وأحد ٍ " راحمه " ،


* البنت لو كتبت لها " سطرين " كان تمتلي صفحتها بالردود والثناء والورود " كذلك " .


(7)


ـ الولد لو وضع موضوعاً في المنتدى وكتب أنه " منقووووول " لغصت صفحته بـ " الشرشحة " و " التهزيء "
والتعنيف " الموضوع قديم ,, كل ٍ يعرَف ينقل ، عسى ماتكلفتَ " ،


* البنت لو وضعت موضوعاً وكتبت " منقوووووول " لفاض متصفحها بما يسرّ الخاطر من الثناء العاطر ولأتت الردود الطوال على هذا المنوال " نقل رائع يدل على ثقافتك الهائلة ، رأيت مواضيع منقولة كثيرة ولكني لم أشاهد مثل هذا النقل المتميّز ، لا يستطيع أن ينقل هذا الموضوع إلا من أتاه الله العلم العميق والفكرالأنيق والأسلوب الرشيق ، أسلوبك في النقل لا يضاهى ، الخ "

(8)


ــ الولد عندما يدخل " التشات " مهوب لاقي ٍ أحد " يعبّره " أو " يعطيه وجه " " ولو حاول يفضفض قالوا له " لا تصجنا ياشيخ ما هنا أحدٍ ضايق صدره الا أنت " وحتى لو يسلّم يمكن يردون عليه السلام ويمكن " يعطونه أشكل "


* البنت من يوم تدخل " التشات " و " هالبرايفتات تدّهر " هذا يسلّم وهذا " يمسّي بالخير " وآخر يحبّ أن يطمئن عليها إذ أنه قلق عليها فهي لم تدخل منذ البارحة ! " وتلقونه ماشاف أمه من ثلاثة أيام " وثالث يقول لها " صدقيني أحس إنك نصفي الآخر " ورابع يقول " والله ما أقدر أعيش من دونك " حتى لو أنه " أول مرة يشوفها " !!



بعد كل هذا تلوموني إذا تمنيت إني " أصير بنت " !!



ولا تقولون " الولادة .. وما الولادة " عطوني ربع هذا الاهتمام والدلع والدلال من " مجتمعنا الحنوووووون " و " خلوني أتاوم كل شهر !



--



سبحان الله وبحمده .. سبحان الله العظيم



شوووووية كلمة ملطووووش!!!!



مع تحيات الهيئه العليا للسياحه..عابرسرير..

[cute bo0oy]

خخخخخخخخخخخخخخخخخخخخخخخخخ



ولو انك في ينبع

كان تحمدت الله انك ولد




nomoor comment

[الجنتل]

يعطيك العافية

عليك بمصر ولا بالباحة كلها شباب

[زهرانيه وفتخر]

والبنت تقوول ياليتني ولـــــد

هههههههههههههههههه

يعطيك العافيه

[سعيد بن سالم]

والله ان كلامك صحيح

بس لا تتمنى ان تكون بنت .... خلك على وضعك وأرضى بالي كتبه الله لك ... لا يزيد يمسخك ربي قرد وتقعد بها
تراني امزززح ... امنعني من القباحه !

بس صراحه موضوعك جميل

.....وبالفعل تلقى الشباب يعلقون على مواضيع البنات حتى ولو كانت تافهه بإستثناء مواضيع ( واحد في بالي يعرف نفسه)
... اذكر اني علقت على موضوع لبنت ... وكان بعنوان اذكار وادعية جميله ... انا ما قريت الموضوع رحت علقت طوالي ( قصيده جميله .. صح لسانك وسلم بنانك وعلاء شانك ) بعدها تلقيت رساله على الخاص واتضحت لي الصورة وطاح وجهي .. ومن يومها تبت ولله الحمد .

تحياتي ومودتي

[العتمه]

اقتباس: الولد إذا أراد أن يعبر الشارع ينتظر ساعة ما " عبّره " أحد ، بل أن بعض " السواقين " " يشطفه " والبعض الآخر " يعلق البوري عليه " وأكثرهم رأفةً وحناناً هو من يكتفي " بالهوش " .. هذا إذا كان الولد كبير حظ و " ما دعسه أحد " .

خخخخخخخخخخخخخخ



تحصل كثيرررررر


يعطييك العافيه

[البرنسيسة]

[QUOTE=سعيد بن سالم]والله ان كلامك صحيح

بس لا تتمنى ان تكون بنت .... خلك على وضعك وأرضى بالي كتبه الله لك ... لا يزيد يمسخك ربي قرد وتقعد بها
تراني امزززح ... امنعني من القباحه !

بس صراحه موضوعك جميل





ههههههههههههههههههههههههه

وربي ياعابر سرير ان كلام ابن سالم %%%
احمد ربك ياشيخ انك ولد مو بنت
وربي الولد حر طليييق يقدر يروح
ويجي على كيفه حتى لو في أنصاص الليالي
ماأحد يحاسبه!!
وربي عطاكم تتزوجون (4)حريم فوق بعض<<<زي الغنم خخخخخ
بس احنا البنات ماعندنا غير (1) بيكون علة زماني ياخير ياشر!!
ماكو فكة مثل (لصقة جنسون)<<<<ههههههههههه
مااتخلص منه الا اذا مات<<<خخخخخخخخخ وحدة نذلة

عالعموم احمد الله دائما وابدا وربي لو فكرت أكثر
بتلقى أمنيتك غلط×غلط
تقبل مروووووووووري***

[سيف العرب]

اقتباس: * البنت منذ أن تضع طرف إصبع رجلها " الكريمة " على الشارع وما " تسمع الا مصارخ الكفرات " حيث تقف السيارات بكل نظام وإحترام كأنها تقف عند إشارة مرورية " جنبها عشر دوريات " ويتسابق أصحاب السيارات إلى إستعراض " مواهبهم " المكبوته وقدراتهم المدفونه " في الذوق والأخلاق والرقيّ " فهذا يقول " تفضلي " والثاني يعطيها ابتسامة مشرقة " تصلح في دعاية معجون أسنان " والثالث يرفع يديه عالياً إلى السماء ويدعوا " بأن الله يستر عليها " و " يحفظها من كل مكروه " ومن " زود إخلاصه وإلحاحة في الدعاء " تحس إنه في عرَفه "

تحصل كثيرررررررررر على قولة اخوي العتمه

وخاصه في سوق العتيبيه

يسلمو عابر

تقبل مروري

[الغزال العارضيه]

تذكرت معلمه الله يذكرها بالخير وانا في المتوسط كانت تقول المفروض تصلين فرض زيادة فقط لانكــــــــــــ
انثـــــــــــــــــــــــــــــــــــــــــــــــ ــــــــــــــــى .... في وقتها ضحكنا ببراءه لاننا مافهمنا اي شي من كلامها.

لابد لللنفس البشريه ان تتخيل نفسها بأي وضع بالنسبه لي تمنيت اكون ولد لشئ واحد فقط.....

لأحقـــــــــــــــــــــــــــــق ماعجز اخواني عن تحقيقـــــــــــــــــه .....

[العرنين]

نقل جميل وهادف
يعطيك العافيه