دارة أحداث هذه القصة في عطلة الحج قبل سنتين في منطقة الشعيبه وهي منطقه ساحليه بريه على شواطىء البحر الأحمر تقع جنوب جده على طريق الليث,, وتعتبر منطقة تخييم < طلعات > للشباب والعوائل في إجازة الشتاء المهم طلعنا في رحله خمسه شباب وصلنا الصباح و نصبنا خيمتنا على شاطئ البحر وكالعادة ذبحنا الذبيحة ووو الخ أنابصراحة وأعوذ بالله كنت الوحيد بينهم ما أصلي نهائيا يعني وقتها كان عمري 21 ولاأركعها مع أن أبوي إمام مسجد و كنت أطيعه في كل شي يقوله ويامربه ...ألا....الصلاة ولاعمري سمعتة يدعي على الذي كنت اسمعه من والدي كان يقول الله يهديك ويصلحك كان يقومني للصلاة أروح اخذ فره بالسياره وارجع بعد ما يخلصون لأنه هو أول واحد يدخل المسجد وأخر واحد يطلع منه عشان كذا مراح يفقدني يعني كنت عاصي لدرجه موطبيعيه,,,, المهم بعد ما تغدينا جهزوا الشباب عدتهم يبغون ينزلون البحر رحلة غوص طبعا لازم واحد يجلس في الخيمة جلست أنا لأني موقد كذا في الغوص جلست لوحدي في الخيمة وكان جنبنا شباب أذن واحد منهم وطلعت برى شفتهم يتجهزون للصلاة قلت تجنبا للإحراج خلني انزل للبحر اخذ لي شوط سباحه,, المهم لبست ونزلت للبحر .. مشيت مشيت الين جيت في منطقه حلوه للسباحه موعميقه مره ولاقريبه ..... سبحت وسبحت وسبحت ومنطقة الشعيبة معروفه بالأجراف تعرفون الأجراف أكيد,, وهي مواقع منخفضه وعباره عن حفر المهم تعبت شوي وقلت خلني أنام على ظهري وأهمل جسمي على أساس أريح شوي وارجع سويت الحركة و جلست أطفو شوي وفجأه حسيت أن واحد سحبني لتحت ونزلت تحت المويه حاولت أوقف على ارض البحر وادف نفسي فوق على بالي أن المسافة مترين تقريبا اثاريني وأنا أسبح بعدت ونزلت في جرف وأنا ما ادري وطبيت في منطقه عمقها حوالى خمسه أمتار حاولت اطلع حاولت وحاولت مااقدرت حسيت وكان شخص فوقي وماسكني مع راسي ويدفني لتحت احاول بكل الطرق اللي تعلمتها في النادي ماقدرت اطلع كنت في حاله ياشباب لا احسد عليها كنت متلخبط واخبص في المويه حسيت أني ولاشي, حسيت وقتها أني اضعف من الذباب ...... من منكم في يوم حس انه عاجز عن نفسه؟ بدأ النفس يضيع مني بديت احس بالدم يحتقن في راسي.... بالعربي بدأت احس بالموووووت,,,,, بديت احس بنهايتي السيئه وفي سرعه فائقه استرجعت ذاكرتي للخلف وأتذكر أبوي وأمي وإخواني وأقاربي وأصحابي وعيال الحارةوالعامل في البقاله وكــــــــلل شخص مر علي بحياتي تذكرت كل شيء سويته وكلهافي ثواني معدووده,, وبعدها تذكرت نفسي,,,!!! وسئلت نفسي: صليت؟لا, صمت؟لا, حجيت؟لا, تصدقت؟لالالالالالالالالالالالالا أنت في طريقك لربك خلاص مفارق لدنياك مفارق لأصحابك كيف تبي تقابل ربك؟؟؟؟ وفجأة سمعت صوت أبوي وهويناديني باسمي ويقول قوم صلي تكرر الصوت بأذني ثلاث مرات بعدها سمعت صوته وهو.. يأذن حسيت انه قريب بيجي يطلعني صرت أنادي عليه وأصيح باسمه والمويه تدخل في فمي ووتتسرب الى داخلى انها النهايه المولمه أصيح وأصيح مامن مجيب.. يااارب يااارب ارحمنى والطف بي حسيت بالملوحة المويه في أعماق جسمي وبداالنفس يتقطع,,حينها أيقنت بالهلاك,, ياخوان ( والله ,, والله ,, والله ) ياخوان اني احاولت انطق بالشهادة.. ولاكن اماقدرت انطق سوى ثلاثه حروف أشهـ.. أشهـ.. ولااقدر أكملها كأن فيه يد قابضه على حلقي تمنعني من نطقها حسيت أن روحي خلاص بتطلع,,وتوقفت عن الحركه,, وهذ آخر شي كنت أتذكره,, ولاكن بقدرة الواحد الاحد مافقت الا وانا في الخيمه وكان عندي عسكري من خفر السواحل والشباب اللي جنبنا,, أول ما صحيت قالي العسكري حمدلله على السلامة ومشي ؟؟؟ سالت اللي عندي قلت منهو ذا ومتى جاء وكيف قالوا ماندري ... جانا فجأه وطلعك وزي ما تشوف مشي فجأه!!!! سألتهم قلت شفتوني وانا في المويه قالوا مع أننا كنا على الشاطي لأكن قسم بالله ماشفناك ما درينا عنك الاعندما جاء العسكري وطلعك من البحر,,مع العلم أن مركز خفر السواحل يبعد عن خيمتنا تقريبا حوالي 20 كيلو متر طريق بري يعني يبيله تقريبا ثلث ساعة عشان يوصللنا أذا جاه بلاغ.... وحادث الغرق في دقائق معدوده وينتهي الغريق واللي جنبنا وهم اقرب ناس مني وقتها يحلفون انهم ما شافوني....كيف شافني العسكري وجاني؟؟؟وربي اللي خلقني اني الى يومكم هذا ما اعرف كيف وصل هذا العسكري وانقذني ..!! ودق جوالي مسكته ألا وهو أبوي بدت الأمورتتلخبط عندي بدا التشويش قبل شوي سمعت صوته والحين يتصل؟؟ رديت عليه كيفك وش اخبارك سألني قالي أنت بخير وكررها كذا مره طبعا ما ابي اعلمه عشان مايقلق سايست الأمور وكان لاشي حصل انهيت المكالمه وقفلت.. واول عمل اعملها في حياتي الجديده قمت وتوضيت للصلاه وصليت ركعتين في حياتي ماصليت مثلها ركعيتين جلست اصلي في هـذه الركعين نص ساعه..ركعتين صليتها والله ياخوان من قلب صادق.. وبكيت في صلاتى هذي الين انبح صوتي.. بكيت نادما على مافات من عمري بكيت لو اني مت وقابلت ربي وهذا حالتي قبل ان اصلى الركعتين ولاكن الحمدلله وفي نفس اليوم يوم رجعوا الشباب من رحلت الغوص و قلت لهم أنا ماشي ورجعت للبيت و كان ابوي موجود اول ما فتحت الباب الا وهو في وجهي قال تعال .. ابيك.. جيت معاه قال امنتك بالله وش صار معاك اليوم العصر؟؟ تفاجأت واندهشت وتلعثمت في الكلام ما قدرت اتكلم... حسيت كأن عنده خبر!! كرر السؤال مرتين... المهم حكيت له بالتفصيل الممل .. قالي والله اني سامعك تناديني وانا ساجد السجود الثاني في آخر ركعه وكانك في مصيبه مابعدها مصيبه انت تناديني بصياح واحس قلبي يبي يتقطع وانا اسمع صوتك وما دريت عن نفسي الا وانا ادعيك بأعلى صوتي والناس تسمع,, ولا.. ادري الاعندما احد المصلين كب علي مويه بااااارده,وطلعت من المسجد بعدالصلاه واتصلت عليك على طول مباشره والحمد لله رديت علي وحسيت اني ارتحت اكثر,, لكن ياولدي الصلاة انت مفرط فيها وعلى بالك الدنيا بتدوم لك ماتدري أن ربك يقدر يقلب حالك في ثواني وهذا شي بسيط من اللي يقدر ربك يسويه فيك,, ربك كتب لك عمر جديد...... حينها عرفت أن اللي أنقذني من الموقف كان برحمة الله اول شي ثم دعوةابوي لي,, وهذه لمسه بسيطة من لمسات الموت لكي يرينا الخالق عز وجل أن الإنسان مهما بلغت قوته وبطشه يصبح اضعف مخلوق أمام بطش الله وجبروته عز وجل ومن يومها ماغابت عن بالي الصلاة ولله الحمد ..,,, ويا شباب عليكم بطاعة الخالق اولا وطاعةالوالدين,,,,, صدقوني من بر والديه مراح يخيب ابد,, برهم أساس سعادتك في الدنياوتوفيقك وحمايتك من الشرور بعد طاعة الله عز وجل,,, الصلاه الصلاه ياخوان بادرو والحقو نفوسكم قبل ان تغيب عليكم ويصعب الحاق بها تقبلو نقل اخوكم الجاهل عدو نفسه
17-05-2007, 10:03 AM
إمام مسجد يسمع نداء ابنه وهو ساجد
المواضيع المتشابهه للموضوع : إمام مسجد يسمع نداء ابنه وهو ساجد
