|
|
|
|
|
 |
 |
 |
|
#1
31-10-2008, 12:43 PM
|
|||
|
|||
عرف الهوى والحب والنظره
ماكنت أعرف الهوى والحب والنظره *** عايش بدنيا الفرح خـارج أراضيهـا
كنت اسمع الحب جمره تصطلي جمره *** دنيا ومـن عاشهـا قايـس بلاويهـا كلن يسب الهوى والحب من حسـره *** يقول ما كل عيـن اتشـوف غاليهـا كلن على ماحصل له يشتكـي قهـره *** وكلن على ما جرى له جـاب تاليهـا احدن شكى من جفى غندورتن حـره *** واحدن بكى مـن مفارقهـا ويشكيهـا واحدن طلب بس نظره ينجبر كسـره *** واحدن دعاهـا ولاهـي يـم داعيهـا وقلبي من الحب لا سره و لا ضـره *** خالي ولا فيه بنتـن جـاب طاريهـا عايش وادآري قلـوب العالـم المـره *** أشارك الناس فـي أصغـر بلاويهـا أواسي أفلان ما ضرك تـرى سـره *** راحت عسـى الله يهنيـك و يهنيهـا هذي ظروف الزمن والعالـم بأسـره *** مافـرح أفــلان أفـلانـه يبكيـهـا عايش بدور المثالي نافخـن صـدره *** كنـه فهـم دنيتـه بأشمـل معانيهـا مايدري أن الهوى له دور في عمـره *** فتره مـن العمـر لازم لـه يقضيهـا مريت صدفه ولكـن صدفتـن قشـره *** من صوب مكحولة العينيـن زاهيهـا ناظرت رمشه وكن في رمشها سكره *** العيـن حـورا وواسعتـن عراويهـا امدعجه سود مهره من بطـن مهـره *** البرقع اللي كسـت لـه مـا يغطيهـا تستأذن الشمس لامنـه سنـى بـدره *** والليل يكسي متونـن جـت تماريهـا متستره بس وين الستـر فـي ستـره *** شيء ٍ فضح مشيهـا للـي حواليهـا خطواتها خطـوه وخطـوه وتتشـره *** الخطوه اللـي بعدهـا مـا تخطيهـا ماني مزود بوصف المهـره السمـره *** أوصافهـا كلهـا بالقـلـب كانيـهـا مير البلا نارهـا بالجـوف مستعـره *** (( والنار ماتحرق إلا رجل واطيها )) حبيتها والهـوى لـه حكمـه وأمـره *** عشت الليالي نكدهـا مـع مصافيهـا جربت وشلون مر الحب مـن مـره *** وعرفت قيمة عيونـي يـوم الاقيهـا اغراني الوقت وطبع البنـت مغتـره *** في حسنها ماخلـق بنتـن تضاهيهـا يانعنبو القلب لأرخى بـأول النظـره ***لـو رفعـه صاحبـه لازم يوطيهـا والدمعه اللي بوسط العيـن منحسـره *** بهلهـا يــوم فرقـاهـا وبعميـهـا 
|
 |
 |
 |
|
|
|
|
|
31-10-2008, 09:05 PM
|
#2 |
|
عضو متميز
 |
رد: عرف الهوى والحب والنظره
صح لسان قائلها
وسلمت يد ناقلها والله يعطيك العافيه |
|
|
|
|
|
|
|
|
|
|
|
31-10-2008, 11:21 PM
|
#3 |
|
إداري أول 
|
رد: عرف الهوى والحب والنظره
[glow=#0A0A01][glow=#FFFF00]ابن القحم
شكراً لك على الاختيار الراقي اختيار أكثر من رائع قصيده اكثر من رائعه صح لسان قائلها وسلمت يد ناقلها والله يعطيك العافيه[/glow][/glow] |
|
|
|
|
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه للموضوع : عرف الهوى والحب والنظره
|
||||
| الموضوع | كاتب الموضوع | المنتدى | مشاركات | آخر مشاركة |
| وفاة والدة علي سعيد | صقر العروبة 30 | مجلس دوس بني علي | 23 | 05-08-2008 01:21 AM |
| الحيوانات والحب | شمسuae | المنتدى العام | 13 | 17-04-2008 09:27 AM |
| ما هو الفرق بين الصداقة والحب | أحساس خالد | المنتدى العام | 6 | 28-03-2008 05:14 PM |
| الحياة بين الهوى والحب | نور الكويت | المنتدى الأدبي | 4 | 13-12-2007 05:19 AM |
| الفلاسفه والحب | نور الكويت | المنتدى الأدبي | 2 | 11-12-2007 08:03 PM |
