عز نفسك .. تجدها !

[صالح بن فارس]

بسم الله الرحمن الرحيم

[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=1 align=center use=ex num="0,#400000"]
استثرتي حرفي الغافي وجا يصهل قصيدة = باتهاماتك وقولك : وين حبك والحنين ؟!
وش بقا فيني أمانه ما فهمتي لجل اعيده ؟!= وش بقا بي شي غامض لجل أوضحه .. ويبين؟!
كم تشكّيتي وقلتي قفّل الأبواب بيده = وانا لجلك كم شرعت أبواب عمري والسنين
ما طلبت اللي طلبته ـ رغمي اْدري بك عنيده ـ = إلا لجل آحسسك بالشوق والحب الدفين
قلت آجرب بالنهايه أسألك مرة جديدة = يمكن اْن قلبك يحن وتركضي يمي تجين
يمكن اني املك الدنيا ولو إنها بعيده = والغنا ما هو بجمع أْموال والشي الثمين
الغنا بالروح لامنها غدت جدا سعيده = وانتيْ لا منك خسرتي الروح كيف ابتغتنين ؟!
لو تبين اضحك ترا بضحك لجل قلبك يريده = وان تبين ابكي أبتباكى ما دام انك تبين !
باتقمص لجلك الدور البطولي وراح اجيده = باتقن الإخراج والسيناريو في مشهدين
دام ماتت بك مشاعر وانكر لقلبك وريده = مو غريبه لو من الشريان جالك طعنتين
عز نفسك ثم تجدها قالها ابوي ابنشيده = واْنا كيف آعز نفسي لا غديت إلها اهين ؟!
ولا تنشّد عاللذي ما ينتشد عنك .. وتعِيده = قالها جدي رحمه الله رب العالمين
بمشي ابنفس الطريق ولا ابد يمكن احيده = ومن يشابه بوه في ممشاه مو مالظالمين
اعتذر لك ما انحنى قلبي لجل عينك بجيده = صدق شايب بس روحه عمر زهرة ياسمين
اعتذر لك هذا انا راحل وابترك لك قصيدة = واْن رحلت اصحك تقولي: وين حبك والحنين ؟![/poem]

[خالد القرشي]

ما أقول الا من طول الغيبات جاب الغنائم

صح الله لسانك على القصيدة الرائعة كروعتك أيها الجبل الشامخ

[نايف العمر]

صح الله لسـانـك يابو شـادن


ابيات بـ قمّــة الروعه والشاعريـه والعذوبــه



بعدد ما تحوي ابياتك من شعر .. صح الله لسانك



ودمت بـ الف خير وانا اخوك

[محمد الخضر]

الله الله

هنا الجمال والابدااااع

ظمئنا لإبداعاتك وها انت تروينا من زلال الحرف ونبع القصيدة

اخي صح لسااانك ..

تقبل تحياتي ..

اخووك // محمد الزهراني //

[عبدالرحمن العمري]

بن فاارس


هذا النصّ للآعلى ،، بعد القراءهـ


صح لساانك مليون و لآ هنت ،،

أخوك ـ