هدية رمضان - من وصايا حاكم الشـِّـعـْر-

[عبدالله الطنيني]

(من وصايا حاكم الشــّـعــْــر)

[poem=font="Simplified Arabic,5,green,bold,normal" bkcolor="transparent" bkimage="backgrounds/15.gif" border="double,4,gray" type=1 line=0 align=center use=ex num="0,black""]
خذ من وصايا حاكم الشعر ما طاب=أرجوك تسمح لي وتحسن سماعـي
أبيات شعري يوم يأتي لها اسبـاب=أرسم عليهـا فكرتـي وانطباعـي
مثل الجواهر سامهـا كـل جـلاّب=وكـل يـوم سعـرهـا بارتـفـاعِ
الحكمة اكسبها معى اصحاب الالباب=تحصد فوايدهـا مـع كـل واعـي
وادرس معه لفكار اذا كنت مرتـاب=ولا تعـارض فكـرتـه بانـدفـاعِ
خلّك مع ربع الكرامـة والاشبـاب=دايم يـد الرحمـن فـي الاجتمـاعِ
ولا تسايـر كـل نـذلٍ وكــذّاب=وتواصل المشوار من دون داعـي
واحذر مصاحب خاين العهد نصّاب=وتجنّب الواشيـن واهـل الخـداعِ
الحرّ منزالـه علـى راس مرقـاب=احذر يغرّونـك خبـاث المساعـي
وينزلونـك مِ العلالـي للاعـتـاب=تبقى العلالي فوق والقـاع : قـاعِ
احذر من الشرهة ولومات الأصحاب=يظهر خفاهـا لـو عليهـا قنـاعِ
واحذر تضيم الجار وتضيم الاقراب=بئس الذي في ضيم الاقراب ساعي
أقوى على الجيران من لدغة الداب=وعلى القرايب مثل سِـمّ الأفاعـي
وارسل حريصٍ يوم تختار نجّـاب=يقضي مطاليبـك بحـال السّـراعِ
تطول يالرجـال بطـوال الاشنـاب=وطـوال لشبـار وطـوال الـذراعِ
لا تعتمد عَ اللاّش لو يلبس الكـاب=واركن على الدندون لو كان راعـي
واظفر بذات الدين لا جيت خطّـاب=لا تنخدع باهـل العيـون الوسـاعِ
إيّاك يغرونك تـرَ العـرق جـذّاب=ويوهمونـك بالجمـال الصناعـي
تنصا بيوت العزّ لا خترت الانساب=بنت الشرف والعز فيهـا الطّمـاعِ
ولا تحسّـب للغـلا كثـر الاتعـاب=تُشْرى الجميلـة والبخالـة تُبـاعِ
خذ من وصايا حاكم الشعر ما طاب=واهديك غالي الطيب قبـل الـوداعِ [/poem]

الحقوق محفوظة

وسلامتكم يا كرام

[Mansour Al-zahrani]

صح لسانك
والله يعطيك الف العافيه

[فواز المالحي]

اسلمت يا ابو رشاد .. دائماً باقاتك زاهية وعبيرها فائح ..

جمل ذهبية و تسطير مختلف .. تحياتي لك وشكرا من القلب على كل كلمة كتبتها لنا .

تحياتي

[احمد صعمود]

خذ من وصايا حاكم الشعر ما طاب
.......................واهديك غالي الطيب قبـل الـوداعِ

غاليه من غالي وماتجيب الا الفريده والنفيسه يابو رشاد

قمة المتعه والعذوبه في شعرك واسلوبك وطابعك المميز

حضور بهيج واطلاله جميله دائما

تقديري
.

[عبدالله الطنيني]

زهران للمجد عنوان :
أكرمك الله وبارك فيك

[عبدالله الطنيني]

أخي الوفي دائماً : فوّاز الــمــالحي

حياك الله ، وشكر الله لك طيب وفاك ، ونبل أخلاقك ، وحسن ردودك وإشاداتك ، ولكنه من طيب معدنك

[عبدالله الطنيني]

اقتباس: المشاركة الأصلية كتبت بواسطة احمد صعمود      خذ من وصايا حاكم الشعر ما طاب .......................واهديك غالي الطيب قبـل الـوداعِ غاليه من غالي وماتجيب الا الفريده والنفيسه يابو رشاد قمة المتعه والعذوبه في شعرك واسلوبك وطابعك المميز حضور بهيج واطلاله جميله دائما تقديري .

*******************
أخي لشاعر : أحمد بن صعمود

وقمــّة الشرف هو في تكرمك بالحضور هنا

دام لي هذا الوفاء الغالي

[آل صرار السعدي]

بارك الله فيك


نص رئع


كلمات معبره

تقبل اجمل تحيه

ننتظر جديدك

[عبدالله الطنيني]

آل صرار السعدي :

لقد سعدت بتواجدك الطيب هنا


أكرمك الله وبارك فيك وشكر لك ذلك

[زهرانيه والنعم]

لافض فوك ولاعاش من يجفوك على هذه الحكم