قالوا ان العيد بكره رد قلبي عيد مين

[اميرة الذوق]

قالوا إن العيد بكره!! .. رد قلبي عيد ميّـن؟!!
عيد منهو فاقـد امـه .. ماتوقـع يـا فـلان


فاقـد امٍ حنوونـه .. فاقـد شــيٍ ثمـيّـن
و أنت عارف من بعدها .. يعتبر كل شي فـان


ايه عارف يا قليـبـي بـس حزنـي لا يـبـيّـن
أطلبك مابغى أذكـر والـدي فـي شـي كـان


قلت نامي يا عيوني ليـن مـا بكـره يحيـّن
ريّحي دمعات عينك عيدهـم مـا بعـد حـان


قمت من صوت ينادي .. صوت يجذبني بحنيّـن
يا وليدّي قوم صل .. و أدع لي ادخـل جنـان


فز قلبي .. هذي امي صوتهـا أعرفـه زيـن
أيه أمي ..أيه أمي .. بصوتهـا عـاد الحنـان


قلت يمه انتـي حيّـه فرّحـي قلبـي الحزيـن
قولي أنـي كنـت أحلـم حسسينّـي بالامـان


قالت بسم الله عليـك .. هـذا كابـوسٍ لعيّـن
روح ألبس ياوليدي .. فيك أحلـى اللبّـس زّان


قلت يمه أنتي عيدي .. جعلـك مـن العايديـن
يا بعد كل الخلايق .. يا فـرح هـذا الزمـان


.
.
.


يمه لحظه وين رحتي ؟؟ لحظه يمه رحلتي وين
يعني أنا اتخيّـل ؟؟.. صـاب عقلـي الجنّـان


قمت امشي و أتلفت .. من يسار ومـن يميّـن
لين صار الامر واضح .. أمي ماتت من زمااان

بعدها ماصرت أقدر.. أحبـس الدمعـه بعيـن
والفرح لو جاء يمّي .. مالـه بقلبـي مكـان

أعرفوا يا ناس حاجه حتـى بأعيـاد السنيـن
مافرح من ماتت أمه ليـن يذكـر بعـد كـان



وسلامتكم


اللهم أرحم جميع موتى المسلمين

أتمنى أن تنــال على أعجـابكم ...

>>>بسكم دمووع عااد اذكرووا الله

[احمد صعمود]

لااله الا الله اللهم ارحم المسلمين

سلمت الانامل وكلك ذوق ياميرة الذوق

تقديري

[اميرة الذوق]

اقتباس: المشاركة الأصلية كتبت بواسطة احمد صعمود      لااله الا الله اللهم ارحم المسلمين سلمت الانامل وكلك ذوق ياميرة الذوق تقديري

هلا وغلا فيك استاذي

وجودك في مواضيعي يفرحني كثيرا [ ...

تحياتي

[تراتيل الصبا]

والله مآ آبآلغ ..~

إن دمعت عيني ..
لـ هـ ( القصيدهـ ) ...~

يآ جعل يومي قبل يومك يآ يمـآ ..~

من لـي غيرك يستآهل إن آعيش عشآنه ..~
يآضوى عيني .. الله لا يخليني منك .. يآ بعدهم كلهم ..~

لا حرمني جديدك ..~


ودي ..~

[اميرة الذوق]

اقتباس: المشاركة الأصلية كتبت بواسطة تراتيل الصبا      والله مآ آبآلغ ..~ إن دمعت عيني .. لـ هـ ( القصيدهـ ) ...~ يآ جعل يومي قبل يومك يآ يمـآ ..~ من لـي غيرك يستآهل إن آعيش عشآنه ..~ يآضوى عيني .. الله لا يخليني منك .. يآ بعدهم كلهم ..~ لا حرمني جديدك ..~ ودي ..~

هلا وغ ـلا فيك منوور الصفحه

والله لايحرمك من امكـ

ولا يحرمها منكـ ..

تحيااتي لك

[بدرالسهلي]

يا الله ليتني اول من عطرالصفحه لكن فيهم الخيرالي اسبقوني كل الشكرلك ياميرةالذوق والرقه تحياتي الشغيبي