بنت زهران (ونسيم القصيد)...

[القـــــناص]

حنّا بنات الجنوب وشمـوع ديكوره
وحناّ بنات زهران وأحلـى سعوديـه
منابت المجد وأصل المجد والصورة
مرابـط العـز ومسبوق المداوية
منابت الملح وأصل الـورد وزهـوره
مكا سـر العـود والنفحة سمـاويـه
عذبات الأنفاس وأغلى المسك وعطوره
نفحات الأشجان والنسمة ربيعيـه
فوح الخزامى بروض ٍ قيل ممطـوره
قدِ علّها مـع بكـور الوسـم وسميـه
حنّا بنـات الوطـن سكنـاه وخـدوره
حنّـا بنـات الوطـن والثقـل ماريّـه
ياللي تعذر بنـا يمنـاك مكـسـوره
ما كـن فينـا لـك أم وبنـت وأخيـه
أفكـارك السـود مشبوهة ومبتورة
وعلومـك العـوج ملفوفة وملوية
تلـف وإلا تزيـد اللـف لــك دوره
العلـم با لهـون والحاجـات مقضيـه
خذها على نـور والرايـات منشـوره
بالعـدل والميـز مكتوبة ومقـريـه
خذها وباقـي بهـا وقفـات مذكورة
تجيك مـن فـوق وإن حبيّـت رديـه
بنت الوطن يا ضعيف الرأي مذكورة
بالخيـر والطيـب مذكورة سنافيـه
من أول الوقـت يا لمسكيـن مشهورة
بالفكر وأحلـى التواصيـف النسائيـه
بنت الوطن يا قصير الشوف معمـوره
بالعطـف والليـن وتزيـده بحنـيـه
إن كان بالكون قالـوا عينـه وحـوره
بنت الوطن من عظيم الشـان حوريـه
بنت الوطن من جمال الخلق مستـوره
الطبـع هـادي ووقـت الجـد جديّـه
ممكن تقـوّم بوجـه المعتـدي ثـوره
والأصـل تكوينهـا ثابـت حيـاويـه
شيهانة اللحظ بنـت الريـح منثـوره
ملمومة الخصر بنـت الذيـب ريميـه
يعنـي جنوبية العينيـن مخـبـوره
نجديـة الخصـر واللمحـه زهرانية
ريحانة الفل بـأرض الفـل مبـذوره
يضيق صدر الزمـن تبقـى جنوبية
تكتب حروف الوفا وتسّـن دستـوره
بحروفها إخلاص وإن حبّت هواويـه
يعني هي الجو مـع بيـداك وبحـوره
مـن رأسهـا للقـدم بالزيـن مكسيـه
سمعت ياللي حسبتـه لعبـة الكـوره
بعض السواليـف لا سقتـه عماويـه
لا ضيّع الدرب مثلك وأخلف شعـوره
ندلّـه الـدرب والأعمال بالنية
ياخـاوي الفكـر والعـدلات مقبورة
في صدرك اللي لبس بلـواه صدريـه
مغرور مغرور مثلك نـاس مغـروره
بمركـب النقـص والاوهـام مبليـه
منادميـن الخطـا ملفـاه وطـيـوره
الفكـر خيـاّل والسـاحـه خيالـيـه
من الحماقه لبسـك الكبـر وشـروره
والحمق رمح الردى وحـدود هنديـه
تسكن زواياك والطرقـات مهجـوره
ياغراب خل الحمام إنسـى خطاويـه
لو تفرد الريـش يالطـاووس مأثـوره
عواقـب الكبـر يالمغـرور سلبـيـه
ياسيّـد الغطرسـه ياقاصـر شبـوره
ياعاشق الذات عشـق الـذات نفسيـه
سمعت رد الاصيله وأفهم سطـوره
بسيـط منـسـاب والأوزان شعبـيـه
وأسلك طريق الهداة وأحفظ السورة
السورة اللي علـى المعنـى ومكيـه
وإن كان نفسك على الشينات مجبـوره
والنـار ياميّـت النـيـران مطفـيـه
أجيك أنـا بنـت هالديـره ومأجـوره
وتشوف بنت الجنوب والجمـره الحيـه
أجيك وتشوف بنت السبـع مسعـوره
وأخرك معروف والدعـوى طبيعيـه
الوقت معروف فـي زنـات دبـوره
يخرّب العـش وهـو العـش راعيّـه
ماهي بشرَبه من الغـوري وشابـوره
بعض الحكاوي وفيه حـدود محميـه
خذها ولا أقـول لا رديّـت مشكـوره
من واجبي لا دفعـت الشـر والسيّـه
بأول خطوط الدفـاع ورأس طابـوره
أصــد وأرد والـصـدّه هجومـيـه
خذها وأنا بنت قوم المجد وحضـوره
مني وأنا مـن بنـات الـدار زهرانيه
من زهران ماجيت أنا المغرب وناطـوره
وماجيت حد اليمن ما كنـت مصريـه
خذها وأنا ماعرف الحمراء ولا شتوره
ولا جيت عمـاّن وإلا كنـت شاميـه
ولا نيب من بابل النهريـن وآشوريه
وإلا بعد من بنـات الشـرق شرقيـه
خذها وأنا من عظيم الشأن منصورة
من زهران ما قول أنـا شقـراء وغربيـه
أعيّـد العيـد مـا عوشـر بعا شـوره
الديـن الاسلام والمنهـاج سنـيـه
خذها ونفسي على المس فـار مأمـوره
والنفس معـروف مأمـوره ومنهيـه
ما قلتها من غضب بالوقـت مقهورة
على الملا وإن بغيـت السلـم سلميـه
خذها وأنا بنت روس الطيب وصقوره
الجـد زهران والمنشـأ جنوبيه
من بريدي

[ابو وســام]

اباموت واحيا مذكر الا بنات الجنوبيــــــة
هن الي حرق(ن) القلب وخلو جمرتي حيه
لكن انا هواوي ولا اعشق الا هواويــــــــة

مشكور على القصيدة الجملية

[يحيى محمد الزهراني]

القناص
كلام جميل تشكر عليه

[ناحت الصخر]

مشكور اخونا القناص

[الوسم]

مشكووور يالقناص على النشر
=========
وبلغ صاحب القصيدة
=======
يابنت وش هالخبر وانتي جنوبيه
تقطع يمين العدو والبنت مستورة
ابليس ملعون والحكمة يمانيه
نبدي البيارق على الاعلام منشوره
تمشين مثل الوضح ذيه ورى ذيه
واللي غلط يحتديه الصوت والصوره
مادام راسك مع الاحلام ورديه
سيوف ربعك بعون الله منصوره
يابنت مانقبل المشروه والديه
ناخذ عميل الردى والحفر محفوره
في موقفن نجعل الغبات ورديه
على رقابن تركها الموت منثوره
وترفعين البيارق ياجنوبيه
وضحكت البرق يوم النفس مسروره
==========
الوسم

[ابو لبدة]

مشكوووووور والله يعطيك الف عافيه

[الصمت كبرياء]

الطبـع هـادي ووقـت الجـد جديّـه
ممكن تقـوّم بوجـه المعتـدي ثـوره
القناص
صح لسانك وفالك البيرق
قصيده اكثر من رائعه
تقبل مروري