يالبن آخي من سواتي في الهوى ذاق المراره

[الشغموم]

السلام عليكم
هذي قصيدة من نظمي اتمنى ان تحوز على اعجابكم
يالبن آخي من سواتي في الهوى ذاق المرارة
والحبيب اللي عشقته بيني وبينه فيافي
لي ثلاث سنين واكثر من خسارة لي خسارة
كم عايشت السمان و كم عايشت العجافي
والغزال اللي خذاني من جماله..من وقاره
لاهبه سوى سواته ما تمالكه المطافي
شوف حالي عزتالي ليت يسمح بالزيارة
مانفعت فيه العزاوي والقصايد والقوافي
الله اعلم في التوالي والله اعلم في قراره
وان تمادى خبروه اني على العهود وافي
وافي(ن) له دام ماحد(ن) غير شخصي في اعتباره
وافي(ن) له دام معدنه الذهب اصلي وصافي
والهموم اللي كستني والدموع اللي غزاره
تكشف اسرار المحبة في الضماير والخوافي
وان صفق طير المحبة ناصي المعشوق داره
اندب وْياه التحية واسئله ليه التجافي
وان لفا بردوده آقف واطفي الخفاق ناره
وآتباشر واحتفل حفل (ن) كما حفل الزفافي
وان لفا طير المحبة لا جواب ولا عباره
تشتعل نار الحجيم ويصرخ الخفاق كافي
عيب خلي لا بنى لي شي يسعى في دماره
نوب يسري في الصواب ونوب ياخذ له عسافي
وعيبي افرح للبنا وانسى النهاية وانهياره
وانصدم لامن تهدّم واطلب الحكم النصافي
وان تلفّت نون عيني عن يمينه وعن يساره
ما لقى الا نور خدّه والضحى وعْصير طافي
يلعب بْحبل التواضع والتكبر والطهاره
يعشق البيت القديم اللي تغشته السوافي
يرتع الذود ابفلاه ويشبع الطرش ابخضاره
يم وصفه والجمال آخذ مع الدرب انعطافي
عود بان وليل عين و لول منضود بْوجاره
عنق ريم وشعر خيل وسيف من فوق الصخافي
ويا حبيب الروح منكم تكفي تلوح الاشارة
معك احس ابراحتي والقى عجاج الجو صافي
وادمل طعون الخناجر وابتسم وانسى المراره(ادمل أشفي)
والقي غزار الجروح الها معك يا زين شافي،،،

[وردة الجنوب]

كلمات رائعه ولها معاني جداً جميله
يسلموووو اتمنى لك التوفيق

[احمد صعمود]

الرائع الشغموم

لك مستقبل شعري مبهر وانت مشروع شاعر

بانتظار جديدك

تقديري

[الشغموم]

تسلمون جميع كلكم ذوق ويعطيكم العافية

[* برآزيلي *]

رآئع أخي

ننتظر جديدك