(على نياتكم ترزقون) الزعيم وموقفه مع خالد الرشيد والنصر وموقفه مع علي يزيد.شوفو الفرق

[نوافوو]

السلام عليكم ورحمة الله وبركاته

بسم الله الرحمن الرحيم

يعني موقف الزعيم مع الكبتن( خالد الرشيد )وجمع تبرع له ومحاولت مساعدته

حتى نجوم الزعيم يساعدون بعضهم بعض هذا دليل ايش ؟

اكيد دليل الجو الصحي وان نجوم الزعيم ورجاله ناس فيهم خير

ودليل على النيه الطيبه الموجوده داخل اسوار الزعيم وعشان كذا ربي موفق الزعيم

وقاعد يحقق انجازات يعني (على نياتكم ترزقون )

لقاء لاعبي نادي الهلال خالد الرشيد

والله مجهود يشكر عليه النادي الهلالي ... هذه هي الرياضة
ولم نسمع بهذه البادرة من قبل .. إرتقاء فوق العاده ..

لاكن تعالو نشوف النادي الاخر نادي النصر الله شوفو وش مسوين

في الضعيف (علي يزيد) اكلين حقه ومشردينه والضعيف عنده التزامات عائليه

حتى لعيبتهم محد يسال عن احد.. لاوبعد ويدعون على ناديهم في الحرم

الله لايبلانا بس . عشان كذا فقرانين وماعندهم انجازات

ويحلمون يحققون شي مدام يظلمون وياكلون حقوق لعيبتهم

فعلا( على نياتكم ترزقون)

خالد السويلم لاعب النصر يبكي ويشكي حقوقه

هذا سبب انخفاظ مستوى النصر''
بسبب دعاء هؤلاء الضعوف,,

[ابواحمداليزيدي]

انا هلالي صميم بل واعشق الزعيم حتى الثماله لاكن لنكن واقعيين ومنصفين

حتى الهلال ضلم لاعبينه كثير مو بس النصر
المشكله مو بالانحيازيه لنادي او عشاني هلالي لازم ابحث عن عيوب ومهاترات ضد نادي النصر
الفساد الاداري في الكوره السعوديه بشكل كامل مو على نادي
كل الانديه ضلمت الكثير من لاعبينها .

شكرا لك

[فيصل بن فهد]

لاحول ولا قوه الا بالله العلي العظيم الله لايوفق الي كان السبب في حالتك هاذي

مشكور اخوي على الموضوع

[ناحت الصخر]

اتمنى ان يكتمل الجميل من قبل الجمهور الهلالي
لان الدخل بأكمله للاعب الذي لايملك اي مرتب اوبيت
فهو قدم الكثير للهلال وبقي الاهم جمهور الهلال بالحضور

[* كاتلوني *]

الإدآره الهلآليه فعلت هذآ هل من أجل الأجر

أو من أجل شي آخر كلنآ يعلم مآهو هذآ الشي !!


هنآ السؤآل فقط !!!!

حآل ريآضتنآ السعوديه في إنحدآر مخيف من جميع النوآحي .


مشكور

[tiger of zahran]

الغشيان لمن طلع يصرح ويطالب بحقوقه اتهمه الهلاليين بالجنون وبانه بحاله غير طبيعية.!
وعلي يزيد وجد من يتبناه ويواسيه من الظلم الجائر بحقه.!

وحصل العكس قبل كم شهر بين مشجعي النصر والهلال

الان لن يكون اللاعبين لقمة سائغة لمثل تلك الادارات الاستغلالية
فـ اصبح لكل لاعب مدير اعمال يطالب بحقه قبل استحقاقه والا......!!

[سيف الجفا]

احب اشيد واقف احتراما لرد ابو احمد اليزيدي واقول له بارك الله فيك

عادل عبد الرحيم ( هلالي )
عبد الله سليمان ( هلالي )
صالح النعيمة ( هلالي )
علي يزيد ( نصراوي )
الغشيان ( نصراوي )
السويلم نصراوي
خالد مسعد الاتحاد
خالد قهوجي الاتحاد
الفردوس نصراوي
ولا ندري من التالي
غير عن اللعيبة اللي تحفظ عنهم يزيد
لاعبي النصر الاجانب والمدربين مشاكلهم تكثر مع النصر وهذا واقع مؤسف للأسف

بالنسبة للموضوع

لا اقول الا شفاك الله ياالرشيد
وبادرة طيبة قام بها الدايل ورفاقة


مشكور نوافوووووووو

[السلطانة]

أبو أحمد اليزيدي....تســــــــــــــــلم ربي يوفقكـ...
نوافووو...
وماخفي أعظم ...مو نصر وهلالـ...حقوق اللعيبهـ يشملـ جميع الأنديهـ...
يعطيكـ العافيهـ عالموضوع

[نصــــراوي]

اقتباس: المشاركة الأصلية كتبت بواسطة ابواحمداليزيدي      انا هلالي صميم بل واعشق الزعيم حتى الثماله لاكن لنكن واقعيين ومنصفين حتى الهلال ضلم لاعبينه كثير مو بس النصر المشكله مو بالانحيازيه لنادي او عشاني هلالي لازم ابحث عن عيوب ومهاترات ضد نادي النصر الفساد الاداري في الكوره السعوديه بشكل كامل مو على نادي كل الانديه ضلمت الكثير من لاعبينها . شكرا لك

كفيـت ووفيـت

[وحيــ الريــاض ــد]

والله اللاعبين بصراحه واااااااااجد

اللي انتهت مسيرتهم الكروية بصورة سيئة

وتركوا انديتهم واستائت احوالهم بظروف ما ندري عنها

ماهو من نادي واحد او من اندية معينة

من كل الأندية

والواجب الوقوف معهم من قبل انديتهم

وزملائهم اللاعبين واللي كانوا معهم

نتمنى اننا ما نشوفها مستقبلاً

والله ييسر لكل من تعسر

ويشفي امراض المسلمييييين يا رب