خلاص

[حسين المعنى]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
خلاص يازين مالي بك ولا حاجه=مادامتك منت لي يازين محتاجي
مافيه مرضان مايبحث عن اعلاجه=دور علاجك وانا بادور اعلاجي
اول تمنيت انا وياك نتواجه=واليوم ماني لشوفك يالغضي راجي
نورك طفى وانحرق مالبعد وهاجه=واصبحت ضلمه عقب ماكنت وهاجي
قلبي معك كنه الا وسط ثلاجه=ماعد لك فيه نار ولا تخلاجي
بادور اللي تونس فلة احجاجه=ناسيك لا عاد تفكرني بيوم اجي
صحيح كنت العمر والكون وسراجه=منكر محبتك ياشمسي ويسراجي
لكن تسببت للي حبك اخراجه=من دار حبك فلا تندم على اخراجي
غرك زمانك وحسنك كان منهاجه=يعذب العاشقين ابكل من هاجي
الله ياما ذبحني الشوق واخلاجه=لجلك دمرني وبسمك ليلي اناجي
حاسبك بسمة زماني واثرك احراجه=ماغيرك اللي سبب ضيقي ولاحراجي
حنا انتهينا وسجنك قرب افراجه=ايام لابد ماتسمع عن افراجي
ماتمسك الدرب الاصلح روح منعاجه=ولا يمسك الدرب العوج غير منعاجي
انتي حدى امرين بين الجن هجاجه=والا ان قلبك بضلع العشق هجاجي
الناس بفعالها تحكم وهراجه=وانا اسال الله يقينا كل هراجي[/poem]

[احساس القصيد]

مافيه مرضان مايبحث عن اعلاجـه
""""""""""""""دور علاجك وانا بـادور اعلاجـي

رااائع يالغالي ووافي

صح لسانك واعتلا شانك

لا خلا ولا عدم ياارب

تقبل مرووري وفائق احترامي

[عبدالرحمن الخزمري]

صــــــــح لسانــــــــــــــــــك .

بيض الله وجهك ولاهنـت .
يعطيـــــك الف عافيـــــــة .
ابداع مستمر من شاعرنا .
دمت ودامت قصــــــائدك .




تحياتــــــي وتقديــــــري ,,,

[حسين المعنى]

اقتباس: المشاركة الأصلية كتبت بواسطة احساس القصيد      مافيه مرضان مايبحث عن اعلاجـه """"""""""""""دور علاجك وانا بـادور اعلاجـي رااائع يالغالي ووافي صح لسانك واعتلا شانك لا خلا ولا عدم ياارب تقبل مرووري وفائق احترامي

صح بدنك

تشرفت بمرورك الكريم

تحياتي