متاهات الشــِّـعــْر

[عبدالله الطنيني]

أسمحوا لي ، بهذه الأبيات عن شعرنا اليوم

مــتــاهــات الــشــِّـعــْر

[poem=font="Simplified Arabic,5,indigo,bold,normal" bkcolor="transparent" bkimage="" border="double,4,gray" type=1 line=0 align=center use=ex num="0,black""]
من كثـرة الأشعـار ملّيـت لشعـار=في الميـة تسعيـن منهـا خرافـات
محماس يطرق باب صنهات وذعـار=وبجاد يمسك في تلا بيـب صنهـات
في قالـبٍ جمهورهـم يشعـل النـار=وحمود يصرخ هات جيب الحطب هات
والشعر له معنى وميـزان واسـرار=ماهو مجـرّد هرجـةٍ فـي متاهـات
بعض المواقف تجلب اللـوم والعـار=ينغـرّ صاحبهـا بكـثـر الهتـافـات
ويواصل المشوار لو صار مـا صـار=ومحصّلـة لتعـاب شتـم وإهـانـات
يهدر ثمين الوقت فـي كثـر لسفـار=من شان تنشر صورته في القنـاوات
ويصير له بين العـرب دور واخبـار=ويكتبون اسمه علـى موقـع الشـات
باسبابها لو خسـر ميتيـن مشـوار=مايحسـب اتعابـه وبُعْـد المسافـات
ويختلـق للثرثـرة جمـع الاعــذار=ويضيع ماله فـي سبيـل الدعايـات
بيتٍ خراب وْداخله مـا بـه اعمـار=وله مـن الخـارج بريـق الدهانـات
أبنصحََك يا شعر من بعـض لشـوار=من بعدها ياشعـر تبـرى المذمّـات
أطرق على زيـن المعانـي بمقـدار=لا تتبـع الهيّـن وتنـسَ المهـمـات
تر الكـلام الشيـن باقبـال وادبـار=ماهو ينومس من بنى فيـه الابيـات
لو كـان يجنـى فيـه مـالٍ بمـدرار=يبقى صدى لقوال والمـال قـد فـات
من شاعرٍ وان قـال ماهـو بثرثـار=خذها نصيحة مثـل عَـدّ الجنيهـات [/poem]

حقوقنا محفوظة

وسلامتكم يا كرام

[عبدالرحمن الخزمري]

صح لسانك وبيض الله وجهك

مشكوووووور والله يعطيك الف عافيه

[ALRAGI]

اقتباس: المشاركة الأصلية كتبت بواسطة رسباء      صح لسانك وبيض الله وجهك مشكوووووور والله يعطيك الف عافيه

[عبدالله الطنيني]

رسبما الغالي :

آآآسف على التأخير

وأشكرك جزيل الشكر

[عبدالله الطنيني]

الرّاجي الكريم :

أعتذر عن تأخري

وأشكرك جزيل الشكر ، وصح الله بدنك يالحبيب