اليوم شفت بالسماء حاجه غريبة

[طوق الياسمين]

اقتباس: المشاركة الأصلية كتبت بواسطة مجودينتش      اسمعيني طوق إذا الوضع كذا حاولي تصوريها او تقطبينها المهم وصليها للمسؤولين قبل شهر تقريبا إسرائيل ارسلت جهاز تجسس مربوط بطائر غريب جدا ومسكوه في حائل واخاف هاللي شفتيه جهاز تجسس او شيء ويمكن يكون هلشيء داخله كنز ثمين جدا بس لو مسكتيه وطلع فيه كنز ثمين قسم بالله لتهبين لي منه ولا باعلم عليك واخلي الحكومه تآخذهــ

منت صحيحن لا والله
كيف اقطب طيارة مثيل امسي واليوم !
بعدين أنا اعاني من متلازمة "اللخمة" كامرتي والا جوالي جاهزين لتصوير الاحداث الغريبة وبس أنلخم ماعاد اتصرف
انذهل بالموقف ولا اصورة ماصورتها بقعا



المهم لا تصير طماع لأني اذكى مما تتخيل باصورها وارسل الصورة لقناة الجزيرة يفرحون بيوم الصايح
قسما ما ابيع لهم الصورة بأقل من مليون

[طوق الياسمين]

اقتباس: المشاركة الأصلية كتبت بواسطة * كاتلوني *      شوفي يآ طوق :: كل شي جآيز بالوقت هذآ حتى سوريآ والأردن صآروآ يفوزون علينآ . يعني مآفي شي مستحيل . ومثل مآ قآل مجودينتش انتي حآولي تقطبينهآ وخلي البآقي علينآ . أنآ بآخذ السوآق حق الطآيره وبغدي آبيعه في حرآج بن قآسم . مخلوق فضآئي أكيد بـ يجيب قيمه .

<< مقهور من الرياضة


ههههههههههه بتبيع المخلوق الفضائي والله فكرة أنا اقول لو تبيعه على هوليود بيجيب لك مبلغ محترم يخليك اغنى من جوني دييب احسن لك من حراج بن قاسم
وإن كان أنه ينوكل بعد أحسن تجارة رابحه

[العندليب]

بسم الله علينا

والله ياطوق إني أسمع أصوات طائرات تالي الليالي صوتها مختلفن عن بقية الطايرات بس مافيه من بدا

..
انا أقول الأتي ..
أولا يُفتح محضر تحقيق في إحد مراكز الشرطه في الرياض ويتم الحقيق معك في الحادثه
رسم مُبسط يُبين فيه لون وشكل الطائره
الأسئلة المتوقع
هل أنتي ضد مايحصل في مصر
ماموقفة من الحرف مع الحوثيين
ماذا يعني لك مقر الإمريكان وهل وجودهم بالقرب من بيتك يضاقيك
أي القنوات تتابعين بإستمرار
أي برنامج في قناة الإخبارية يشد أنتباهك
هل ماحصل في جده سبب الفساد الإداري الحاصل أم أنتي مؤمنه بالقضاء والقدر
هل لك أي تعليق على صوت الطائره وهل مرورها من فوق سطح البيت أثر عليك أو أزعجك
وأخيراً ..
نبذه مُختصره عنك في ملف علاقي
مع إحضار شنطة تحمل جميع أغراضك من البيت قبل التوجه إلى مقر المباحث العامة

أهاااا ياطوق طلعتي سياسية من ورانا تترقبين كل صبح في الطايرات
قبل توجية إلى مقر المباحث العامه

[مُخْ ـتَلِفْ..14]

[ALIGN=CENTER][TABLETEXT="width:70%;"][CELL="filter:;"][ALIGN=center]
السالفه فيها إنا ليه انتي بالذات تشوفينها 3 مرات وغيرك ماشافها
هي وحده من ثلاثه ياحظك حلو ياحظك تعيس
ويمكن انه حسني مبارك جا يدور شقه زين العابدين يبي يرقد معه
[/ALIGN][/CELL][/TABLETEXT][/ALIGN]

[ابو عبد الرحمن]

والله ماهو منك ياطوق من التسمر عند التلفزيون
مرة الجزيرة ومرة العربية ما عليك شرهه حتي السي أن أن

وزي ما قالت نسيم سمي بالرحمن و تكعفلي جوف البطانية وأرقدي
لاعاد تتابعين هذه القنوات وتروح عند هذي الوساوس
ههههههههههههه

[صـقـر الـمـهـاوي]

[ALIGN=CENTER][TABLETEXT="width:70%;"][CELL="filter:;"][ALIGN=center]
مو منك من القعده عند العربيه و الجزيره هع

..

لعلمك سمعت ان في مبآحث قآعدين يتفرجون ف الموضوع .. ’آكيد ورآك شي

..
[/ALIGN][/CELL][/TABLETEXT][/ALIGN]

[طوق الياسمين]

اقتباس: المشاركة الأصلية كتبت بواسطة الزهراني حسام      اختي ممكن صح شفتي تيه الطايره لكن اما انها طايره اسرايليه في سما العاصمه الرياض وين نصرفها تيه اويه ماعد شي حكومه يادافع البلا

والله شفتها صدق مو يمكن
من جاب طاري الحكومة الله يهديك اخوي حسام كلنا فداء للحكومة
لو قلنا أنها صدق طائرة اسرائلية فلنلتمس لها العذر يمكن هي رايحه اليمن وتعرف يعني لازم تمر من فوق سماء الرياض
تاخذ لها شوية بريك يعني ماهي زينة بحقها تمر فوق البحر الاحمر عشان لا يقال لها مرت من فوق سماء السعودية !

[طوق الياسمين]

اقتباس: المشاركة الأصلية كتبت بواسطة ADWANI2020      شرهتي عالسواق والله المفروض انه ينتبه وياك بس الشكوى لله وش نقول مصدقك ياطووووق

ينتبه وياي للطيارة قصدك !
مدري وش بغيت تقول بس مرورك تشكر عليه

[طوق الياسمين]

اقتباس: المشاركة الأصلية كتبت بواسطة رسباء      يانااااااااااااااااااااااس خوفتوني هههه

بسم الله علينا وعليك

اقتباس: المشاركة الأصلية كتبت بواسطة رسباء      في مصطلحات في المشاركات تضحك الواحد

[طوق الياسمين]

اقتباس: المشاركة الأصلية كتبت بواسطة نور الجنوب      ذيا قمرن صناعين مر من فوق سطحكم ملا برقن بارقن كان بيبرقبك غير ربك سلم عليك لاكن خذي سبع حباتن سنوتن وحبتن سوده فوقها وافحسي وافحسيها ثم ثم سفيها على الريق .واشربي فوقها لبن واكرعي تكيايا التكريعه معد يزيد يعود .وكان وادعيلي

>> كانت معكم من قلب الحدث أم دحيّم للطب الشعبي
وشمعك يانور اقول لك ماكنت فوق سطحنا كنت في السيارة وابتعدنا عن البيت بحوالي 5 كيلو (كروكي البيت مرفق مع المشاركة) على فكرة كلمة افحسيها أول مره اعرف بأنها مرادفة لكلمة اسحقيها عندنا ، زريفة واللهي الكلمة