رحبوا معي بضيف الاستراحة الكبير الراس الصغير

[الراس الصغير]

اقتباس: المشاركة الأصلية كتبت بواسطة سالم الدوسي      مرحبا اخي ابوخالد شكراً لك اخي ابن روزه على اختيار ابوخالد حقيقه انه من الشخصيات التي تفرض على الاخرين احترامها من خلال التعامل الراقي والرائع ............ س ........... نعلم جميعا انه سبق وان عرض عليكم الاشراف على عدد من الاقسام ومنها الاستراحه لكنك تعتذر .. مع انك قادر على ذلك خاصه في هذا القسم . ومتأكدين من نجاحك لماذا لاتخوض التجربه .... لك شكري وحبي وتقديري

هلا بيك ابو خالد شرفتنا في جونا

حقيقتا يابو خالد انك احرجتني بكلامك فانت صاحب اخلاق عاليه

والدليل كلامك هذا

الله يسعد ايامك ولياليك

وماكسبنا من هذا المنتدى الا معرفتك ومعرفت الرجال الطيبن مثلك وشرواك

وجواب سوالك لهذه الليله

نعم اعترف انه سبق ان جاني العرض

بس والله اعتذرت

ليس عجز مني والا غيره

ولكن يعلم الله ابي ادخل المنتدى مشارك واطلع والمسؤلية ملينا فيها يارجال عندنا في العمل

متابعه ومراقبه مالي فيها خاطر حاليا

يبغالها شخص متفرغ لانها امانه وما اقولها عشان انك او غيرك متفرغ يمكن حتى انت عندك اشغال

هذا قصدي وبعدين راسي غير ياخي مايتحمل الكرف هذا
في الدوام كرف وفي البيت جيب مقاضي وفي المنتدى تبغاني اقعد اراقب لا والله اكتملت

عشان تجون وتلاقوني كما الكعموره ناشفه في حرا احد يشختّها بعطيفن

اي منتدى لازم يكون فيه مراقبين يعززون ويتابعون كل صغيره وكبيره

فمن هذا انا انسان جوي اشارك وسبب اخر دوام شفت واحيانا 12 ساعه يعني بلله كيف اتفرغ

ولكن ان شاء الله اذا جت فرصه مناسبه سوف اعرض نفسي للاشراف باي قسم محبب لي وليش لا

والله انه شرف لي ان اكون مشرف في اي قسم من المنتدى

منها اخدم قبيلتي واساهم في انجاحه مثل مايفعله غيري من المشرفين والاعضاء بشكل عام


هذا علمي وسلامتك يا طويل العمر <<

قلت يا طويل العمر لانك مراقب عام

عشان اذا كتبت موضوع والا هذا تثبته

[الراس الصغير]

اقتباس: المشاركة الأصلية كتبت بواسطة السلطانة      يالله حــــــــيّهـ ياهلاآ وغلاآ... بغيتـ أنشد وأحسبكـ أفلحتـ بلاآ عودهـ بس بما إنكـ عودتـ هاكـ ذا السؤالـ.. لو فجأهـ تحلمتـ بواحد منـ الأعضاآء وش بتسوي ياأبو خالد بتغدي تعلمهـ وإلا بتهجد وماتنطقـ وإلا وش بتعملـ ؟؟

اختي السلطانه الله لايحرمك غالي لانك قلتي هلا وغلا

لا انشدي باقي ما افلحت

جواب السوال حقك يا ايتها الفتاة التي شكلك تحلمين كثيرا

اذكر اني حلمت بواحد في المنتدى قبل ما اقابله
في الحلم اردد اسمه بس ماشفته
طلع بن سعدي المشرف العام
بس كان حلم ملخبط

ويوم قابلته في اجتماع الشرقيه الاول شفته وماقلت له على الحلم

وبعدما تلاقينا مره ثانيه في الهاف مون وصرنا نسولف ونمون على بعض قلت له سالفة الحلم

وهذا اللي تذكرته

شكرا لوجودك هنا اختي الفاضله

[الراس الصغير]

اقتباس: المشاركة الأصلية كتبت بواسطة ماجد علي      حياك الله اخي الراس الصغير ابو عقل كبير نتمنى ذالك لك تحياتي

مشكور يا الغالي

مقبوله تحياتك ولو

[الراس الصغير]

اقتباس: المشاركة الأصلية كتبت بواسطة ياسرالزهراني      مساء الخير طال عمرك طبعا الراس قابلت قبل فتره في اجتماع الشرقيه انا والصغير والعندليب بس بصراحه مافيه اي وجه شبه بين شخصك برا المنتدى وداخل المنتدى عموما ماعندي اي اسئله بس حبيت اشارك واقووول ربي يسسعدك وكل بخير يايخه ...

مساء الانوار يا الغالي

ياسر الله يسعدك شخصيتي برا المنتدى شخصيه صامته نوعاَ ما
اعترف لك اني احب الصمت
وهذي عاده عندي منذ الصغر
ما اتكلم الا اذا وجدت من يستحق ان اتكلم معه وارتاح معاه ويرتاح لي

اما داخل المنتدى فاني اعوض الصمت الذي يخالجني طوال حياتي



وشرايك بس في الجمله

مشكور على وجودك هنا اخي ياسر لانك الوحيد الذي كشف شخصيتي الحقيقيه

انت رائع تصلح محلل شخصي

[الراس الصغير]

اقتباس: المشاركة الأصلية كتبت بواسطة رفيعة الشان      حيّا الله الرآس الصغير , شخصية طيبة وخفيفة ظل ورسمت الإبتسآمة على أكثر وجوهـ أعضآءهـ الله يعطيه الصحة والعآفية .. سؤآلي كـ التآلي / (أ) آكمل الفرآغآت التآليه بمآ ينآسبهآ : الرآس الصغير يُحب ..... ويكرهـ ....... ويتمنى ........ يؤيد ........ ويعآرض ........ يتآبع قنآة ......... ويقرأ جريدة .......... (ب) مَ رأيك بـ من يؤيد سوآقة المرأة / ويشتط غضبآ من إختلاط النسآء في مؤتمرآت علمية أو مآ شآبه ؟ إحترآمي وتقديري ,

اسعدك الله

وجودي ووجود غير من الاعضاء في المنتدى يساهم في زرع الابتسامه لكم ونحن نسعى جاهدين لارضاءكم ويهمنا سعادتكم


نجي للفراغات

الراس الصغير يحب الفقراء ويكره البخلاء ويتمنى مال وفير عشان يصرفه على كل فقير

يؤيد انشاء صناديق للفقراء في كل مدينه وخصم من كل موظف 50 ريال شهريا يعود ريعها لصندوق الفقراء

ويعارض تهريب المخدرات

يتابع قنات


مالي قناة معينه اتابع الكل

ويقراء جريدة اليوم لانها من الشرقيه وانا في الجبيل خخخ






جواب سوالك الاخير
اللي يؤيد سواقة المراه بكيفه هذي حريه شخصيه

اللي يغضب من اختلاط النساء في مؤتمرات او غيره اجدهم حريصين على النساء من الفتن

هذا مالدي والله اعلم

شكر للوجودك هنا اختي رفيعة الشان

[الراس الصغير]

انتهينا والحمد لله

ارجوا منكم قفل الموضوع هههههههههههه

لانهو ماعاد فيني اجاوب

واللي بدوا جواب يسال قبل القفل خخخخخخخخخ

سلملم

[ابن روزه]

بيض الله وجهك يا ابو خالد على تلبية الدعوه وعلى حضورك الرائع

اتمنى من الاخ المشرف غلق الموضوع ‏

مع كل التقدير والاحترام لكل من شاركنا في موضوعنا هذا

[ابو نواف العدواني]

أعزائي نصل إلى نهايةً هذا اللقاء الرائع مع ضيف الاستراحه الكبير الراس الصغير
كل الشــكر لك ابو خالد على تألقك في ضيف الأستراحة
كل الشكر لكم انتم نجوم الاستراحه
كل الشكر لاخينا ومشرفنا السابق ابن روزه على كل ماقدمه

تحيتي وتقديري
وكل عام وانتم بخير