قم يا رسولي (من قديمي)

[عبدالمجيد العدواني]

.
.
.

قم يا رسولي

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
قم يا رسولي وخذ علمي ومرسالي=وده لخلي وجب علمه ومرساله
وش فيه ما عاد يسألني عن احوالي=وانا اسأل الليل والقمرى عن احواله
انا لي العام وانا اجر موالي=والوقت غير تصاريفه ومواله
يا صاحبي ذكره قدري ومنزالي=يوم الشرايين معنازه ومنزاله
أيام لا ضقت كنت القاه مرسى لي=واليوم قلبي غرق ما شفت مرسى له
والله ما عاد نوم الليل يهنى لي=وقلبي لذيذ الهوى ما عاد يهنى له
الحب وش جابني له ماله ومالي=انا تلقفت والا مالي وماله
يا صاحبي لا تواخذني على اقوالي=مفروض من حب ما يوخذ على اقواله
ما شفتني يا رفيقي جالس لحالي=رح قله اللي يحبك جالس لحاله
وان قال لك صاحبك ما جا على بالي=قل صاحبي دايم ٍ تطري على باله
واعطه نصيحه قبل لا اجن بهبالي=واعلمه حبي المجنون وهباله
مادام للحين ما مرمرة فنجالي=لا يقطع الوصل ثم يمر فنجاله
وخله يمسج برقمه رقم جوالي=والا بجيتك جب لي رقم جواله
يا صاحبي عجل الخطوه بمرسالي=وبجيتك عجل الخطوه بمرساله[/poem]

.
.
.

عبدالمجيد العدواني

.
.
.

[الشاعره شمايل]

وش فيه ما عاد يسألنـي عـن احوالـي ...وانا اسأل الليـل والقمـرى عـن احوالـه
ابياتك عذاب مشكوووووووووووور

[عبدالمحسن بن عطية]

صح لسااااااااانك
لاتحرمنا من جديدك

[احمد صعمود]

تحية اعجاب وتقدير
اكررها في كل قصيده لك ياعبد المجيد
لك اوفر التحيا وصح لسانك

.

[العقربه]

اسلوب شيق وجميل وقصيده مختلفه

[جمعان مفرح (ابو طلال)]

وش فيه ما عاد يسألنـي عـن احوالـي ...وانا اسأل الليـل والقمـرى عـن احوالـه
ابياتك عذاب مشكوووووووووووور
قصيدة رائعة من شاعر متمكن لاعدمناك ياعبدالمجيد
دمت في حفظ الله

[عبدالمجيد العدواني]

اقتباس: المشاركة الأصلية كتبت بواسطة الشاعره شمايل      وش فيه ما عاد يسألنـي عـن احوالـي ...وانا اسأل الليـل والقمـرى عـن احوالـه ابياتك عذاب مشكوووووووووووور

الف شكر على مرورك العذب

[عبدالمجيد العدواني]

اقتباس: المشاركة الأصلية كتبت بواسطة عبدالمحسن بن عطية      صح لسااااااااانك لاتحرمنا من جديدك

صح بدنك والف شكر على مرورك العذب

[عبدالمجيد العدواني]

اقتباس: المشاركة الأصلية كتبت بواسطة احمد صعمود      تحية اعجاب وتقدير اكررها في كل قصيده لك ياعبد المجيد لك اوفر التحيا وصح لسانك .

صح بدنك وعلا شانك شاعرنا ومشرفنا احمد شرفتني بتواجدك يا غالي
الف شكر على مرورك العطر

[عبدالمجيد العدواني]

اقتباس: المشاركة الأصلية كتبت بواسطة العقربه      اسلوب شيق وجميل وقصيده مختلفه

شهاده اعتز فيها شكراً على مرورك العذب