كرسي الطفوله

[منبع الطيب]

اقتباس: المشاركة الأصلية كتبت بواسطة شذى الريحان      ياااومي شكلوا فيلم كرتون يخوف فيلم قتال الجماعة

بسم الله عليك شذو ..
وكلاً بسلاحه ( فاروع او مسحاة او فاس او عجره او مشعاب .. الخ الخ )

ايه فلم كرتون حقيقي فوق الرصعه
يعني تقدري تقولي زي سلاحف النينجا خخخخ
الله يرحم اللي ماتوا ويعف عن الحيين

[زهور زهران]

هوا من المفروض يقعد ع الكرسي
فيا كسل سوداني مافياا ارجع للصفحه اللي قبلها

[محمد الساهر]

السلام عليكم ورحمة الله وبركاته
نتمنى منكم المزيد من ذكر مغامراتكم لأيام الطفوله وحقيقة هنالك قصص وطرائف مشوقه..

[جمعان مفرح (ابو طلال)]

اقتباس: المشاركة الأصلية كتبت بواسطة حلاوة لدو      بسم الله الرحمن الرحيم والصلاة والسلام على رسولنا محمد صلى الله عليه وسلم وعلى آله وصحابته أجمعين الإجابــــــــــــــــــــــــــــــــــــــــــــ ــــة هل كنت مشآآآآكس أوكنت على نياتك وهادئ؟؟ مشاكس من الدرجة الأولى * كنت بزر قصدي طفل مميّز عند شخص ما؟؟ يعني كنت أغلا البزراآآن وإلا مصفوق على الرصيف؟ مصفووووووق على الرصييييف *موقف حصلّك وأنت صغير وللحين مأثر فيك؟؟ أرسلني والدي أنا وأخي وابن عمي نتفقد المزرعه ونحرسها في الليل وكنا صغار والمزرعه بعيده عن البيت وكنا نمشي في الطريق ومرينا من عند مقبرة فأنهالت علينا الحجارة في ظهورنا وكان الجو في الليل صافي وكأننا في النهار من شدة ضوء القمر وكان الجو صافي وكنا نشاهد الحجارة تضربنا في ظهورنا وأرجلنا ولا نشاهد أحد وأعتقد أنها جن والعياذ بالله وإلى الآن وأناأخشى الوقوف أو المرور من عند المقابر في الليل ماشيا المهم بغينا ننجن وجلست الوالدة شافاها الله وأحسن خاتمتها تضمنا على صدرها وتُهدِّي من روعنا وأذكر إنا نمنا في حضنها الى الصبح من شدة الخوف * كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟ الله يغفر لنا ويتوب علينا كنا نفطر من دون علمهم وفي المغرب نتظاهر بالجوع ونسابقهم على الفطور ويحنُّون علينا كثير * أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟ ما أذكر بالضبط .. * من أقرب طفلـ/ـة من الجماعة كانـ/ـت أقربلك؟؟ يعني مايضربك آو تضربك ولا تهاآوشك ولآ يهآوشك؟؟ كان رحيمي مختار الدار محسن عازب عشنا طفولة جميلة مانتفارق الا في الليل طول النهار ونحن مانفترق * كم فلقة او صقعه او ضربه >>اخذت على رآسك؟؟ ولا شي رغم شقاوتي لأن والدي كان شديد جدا ويهابونه الجماعة وكانوا أبناء القرية ما يتجرأون يضربونني خوفا من والدي لأنه كان مرهب أولاد الجماعة رحمه الله وواحد يطيح بين أيديه يأكل علقة يموت ماينساها * وش كانت عيارتك << سؤال محرج خخخ العيرة كانت موجودة ولا أستطيع ذكرها حتى لايستلمونني الشعار بها في قسم الموروثات الشعبية ههههه ويشهرون بي *وش ترتيبك بين اخوانك ؟ وهل هذآ الشئ اثر في مسيرتك الطفوليه ؟؟ أنا ترتيبي الخامس ولم يؤثر الترتيب في طفولتي فوالدي رحمه الله كان شديد علينا جدا جدا جدا ولا نعرف حاجة اسمها الدلع *وش اكثر مكان كنت تحب تروح له ؟؟ " ملاهي . حديقه ... الخ *وش اكثر لعبه كنت تحب تلعب فيهاا ؟؟ أكثر ماكنت ألعب مع صديقي سابقا ورحيمي حاليا مختار الدار محسن بن عازب ابو عازب وكنا نلعب ألعاب مختلفة منها الكورة . القطرة . ونعمل سيارات بأيدينا من جوالين كانت مخصصة للزيت نعمل لها كفرات من بقايا الأحذية نقصها على شكل داثرة ونخرق البرميل من الطرفين ونحط عودين واحد في أوله والثاني في نهايته ونركب الكفرات في العودين من الجهتين ونربط في مقدمته حبل ونسحبه ويمشي وكأنه سيارة كذلك لعبة الزقطة والكيرم والضومنة . والباصرة وهي أشبه بلعبة البلوت *هل كنت تضرب والا تنضرب أو لاتهش ولاتنش ؟؟ لاتخلو حياتنا من المضاربات أيام زمان وكنت دائما المنتصر ماعدا مرتين أذكرها أندبغت فيها مزبوووووط * وش اكثر فيلم كرتوون كنت تحب تشووفه ؟؟ زمان ماكان عندنا تلفزيون والمرحلة المتوسطة درستها في جدة عند عمي وكان يمنعنا رحمه الله من مشاهدة التلفزيون ماعدا الأخبار فقط أوالبرامج الثقافية أو الدينية *موقف صار لك ولحد الحين اذا ذكرته تضحك ؟؟ كان معنا زميل قرني في المتوسطة خشمه طويل جدا وكنا في المتوسطة الحديثة بجدة في حي البغدادية وكنت أوقف عنده وأمسك خشمه وأدق بوري أقول بيب بيب والطلاب يضحكون وكان معي أخي في نفس المدرسة والمهم القرني أشتكى على أخي قال انحن عيال قبايل وأخوك امتحني ماهلا يمسك في خشمي ويدق بوري والحضران يضحكون وأنا استحي منك لأن أخي كان عاقل جدا وهالحين وش رايك قال أخي أنا باكلمه وإذا زاد سواها أضربه والقرني كان جثة وأنا نحيف وصغير المهم يوم من ا لأيام في الحصة الأخيرة سويتها وفي نهاية الدوام عند باب المدرسة مسكني القرني وضربني ضرب وطحت وبرك فوقي وضربني ضرب مبرح وأخي واقف ماسك شنطتي يتفرج ما ساعدني ويوم فكوا بيننا الطلاب وركبنا الأتبيس ورجعنا البيت أول مانزلنا من الأتبيس قلت لأخي ليش ماساعدتني قال خلك تتأدب وتترك اللقافة وطمرت عليه ودرناها مضاربة في الشارع أنا وأخي هههههه *كنت شاطر بالمدرسة ولا ؟؟ في الابتدائية والمتوسطة والثانوية جيد وفي البكالوريوس ممتاز مع مرتبة الشرف الأولى والثاني على الكلية حيث حصل على المركز الأول طالب هو الآن الدكتور فريد علي يحي الغامدي عميد كلية بجامعة أم القرى حاليا ألتقيت به قبل شهر في المسجد وسلمنا على بعض قال كيفك يارجل قلت باقي حاقد عليك يادكتور إلى الآن لكنه في الحقيقة يستاهل ماشاء الله عليه كان وقته أفضل من بعض الدكاترة مطلَّع ومثقف *استايلك وانت صغير.. كيف كآن؟ والله كان عبارة عن ثوب واحد مرقوع من المؤخرة ومن كثر الغسيل واللبس صار الى الركبة اللي يشوفني يحسبني مطوع وكمان صار زي الشاش خفيف من كثر الغسيل وعمامه حمراء واحدة طيلة العام أحد طرفيها أكله ثور كان عندنا نستخدمه في الحرث ولا افتكيتها الا من بين أسنانه بعدما التهم طرفها *هل هناك شخص كنت دايم تتبلى عليه يعني تسوي المصيبة وهو ينضرب ؟؟ نعم أخي الذي أكبر مني بسنتين أطال الله في عمره وللمعلومية لم نفترق أنا وهو من أولى ابتدائي إلى الآن ويمتاز برجاحة العقل والتدين ونحن نسكن في بيت واحد بالباحة وفي جدة أملاكنا مع بعض ونسكن في عمارة واحدة ودرسنا الابتدائية والمتوسطة والثانوية والجامعة مع بعض وتخرجنا وعملنا مع بعض معلمين في تربة البقوم ثم نقلنا الباحة وعملنا مع بعض طيلة حياتنا وتقعدنا والآن مع بعض في مدينة جدة وأذكر كنا صغار ودايم أتبلى عليه ووالدي يصدقتي ويضربه في أحد الأيام كان عندنا في المزرعه تفاح وكنا الوحيدين اللي في مزرعتنا تفاح أرسله عمي رحمه الله من جده وزرعه الوالد وكان يبيع منه في سوق الثلاثاء ويتركني أنا وأخي نحرسه من الصبح الى الليل وفي يوم مر رجل من أهل القرية قال لأخي أعطني حبه أذوق تفاحكم هذا فأعطاه أخي حبة واحدة فرحت البيت وقلت لوالدي ترى فلان جانا وطلب أخي تفاح وأعطاه مايقارب زنبيل بلاش والوالد شديد وراح للمزرعه ودعا أخي وأخي ماعنده علم إني علمت الوالد وضربه ضرب مبرح يموت ما ينساه وغيرها كثير ياما حرضت الوالد عليه وياما اندبغ بدون ذنب اقترفه *جريمة او مصيبة لـ هذا اليوم تذكرها و مستحيل تنساهاا ؟؟ ياكثرها وما أقدر أذكرها هنا والله لايمكن أنساها مدى الحياة . وبعضها يعتبر مصيبة بل كارثة عفى الله عنا وغفر لنا *كيف كان اول يوم مدرسه لك بكيت ولا لا ..؟ أذكر بكيت بكاءً شديدا وكان يدرسنا شخص اسمه سعيد المثيلي رحمه الله ماكان عنده الا مؤهل سادسة والآن طلابه قضاه وأطباء ومعلمين وأذكر جاني قال ليش تبكي قلت ما أعرف أكتب قال ماتعرف تقول هكذا وجلس يشخبط في الورقه بخطوط دائرية قلت الا أعرف قال يالله سو زي ما سويت وجلست أشخبط بحركة دائرية وكتب بالقلم الأحمر صح وقال ممتاز صفقوا له أنت عريف الفصل وبغيت أنجن من الفرحه وراحت رهبة المدرسة وقال خلاص انت صاحبي من اليوم وانت زميلي ساعدني أضبط الصف اللي يهمج علمني عليه ههههه رحمه الله وأسكنه فسيح جناته *ضعت في مكان؟ .. سوق او حديقه او كورنيش .. اذا ايه قول لنا السالفه ..؟... لا ما قد ضعت في المراحل الأولى كنا في قرية وفي المتوسطة كان عمي رحمه الله ميايخلينا نخرج بعد الدوام من البيت يقول ترون جده ماهي كما الديرة إذا خرجتوا بيسرقونكم ويخطفونكم *وش هي اجمل هديهـ خذيتها في طفولتك...ومانسيتها ابد...؟! خمسة ريالات ارسلتها الوالدة لي وأنا أدرس في جدة وهي في الديرة أرسلتها مع واحد من الجماعة وكانت تعادل خمسمائة ريال الآن لآن السندوتش كان وقتها بأربعة قروش والبيبسي بقرشين والقرشين عشر هللات . كنت اعتبرها بمثابة هدية والثانية . غترة أرسلها لي عمي من جدة رحمه الله وأنا في الابتدائي عوضاً عن الغترة التي التهمها الثور *متى هي المرة من المرات اللي حقدت فيها على اهلك وانت صغير أذكر في الصف السادس الابتدائي حقدت على والدي رحمه الله رحنا من بني عدوان الى الباحة مشيا على الأقدام والمسافة حوالي 60 كم لكي نطلع لي شهادة ميلاد من الجوازات من الباحة طبعا لاتضحكون علي كان اسمها الجوازات والجنسية ماكان فيه مسمى أحوال مدنية وقتها وكانت السيارات قليلة والخط من شمرخ الى الباحة ترابي ماهو مزفلت وتعبت وجلست ابكي اتعبتني ارجولي والوالد كل ما وقفت وقلت تعبت صيَّح علي قال امش ولو ما اسرعت صقعني كف *موقف سويته ..والى الحين مااحد يدري عنه ؟ قمت بالتبليغ عن دكتور في الكلية وتم الغاء عقده ولا يدري من بلغ عنه الى الآن سامحني الله بس كان يستحق العقوبة *مين اعز صديق طفولة و الى الان متواصل معه؟؟ أصدقاء الطفولة كثيرين ولله الحمد ولا زلت أتواصل مع الكثير منهم إلى الآن وتربطني بهم صداقة قوية وعلى سبيل المثال اللواء معتوق المدين مدير شرطة منطقة تبوك اللواء غرم الله الجبيري مدير شرطة المنطقة الشرقية فضيلة الشيخ علي عبدالرحمن البركي قاضي تميز بمجكمة الاستئناف بمكة المكرمة عريفة القرية الآستاذ محمد عبدالله الأستاذ عبدالله بن عائض مديرإدارة التقنيات التربوية بالإدارة العامة بالباحة سابقا الأستاذ غرم الله المرشد مدير مركز التدريب التربوي بالقرى ابن عمي جابر الزريبي بوزارة الداخلية بالرياض وغيرهم كثييييير حفظهم الله جميعا وأطال الله في أعمارهم جاوب واختار شخص بعدك يجلس ع الكرسي

والله في الحقيقة ودي بإحساس العالم أبو سعد إذا تقدرون تجيبونه لنا

[زهور زهران]

حيالله عمو جمعان
وربي يسعد المصفوق ع الرصيف
اوما قصة المقبره يمه تخوف الله يرعبهم خوفوكم بقوة
كم فلقة او صقعه او ضربه >>اخذت على رآسك؟؟

ولا شي رغم شقاوتي لأن والدي كان شديد جدا ويهابونه الجماعة وكانوا أبناء القرية ما يتجرأون يضربونني خوفا من والدي لأنه كان مرهب أولاد الجماعة رحمه الله وواحد يطيح بين أيديه يأكل علقة يموت ماينساها

اجل اللي رماك بالحجره اكيد الجن
الله يسعدك استمتعنا بطفولتك الشقيه وحنجيب احساس العالم عشانك

[محمد الساهر]

تكفوووووووووووووون دوروا أحسااااااااااااااااااس العالم وخلوه يعطينا مغامرات الطفوله في القامه وضواحيها.

[زهور زهران]

والله عاد ياعمو حمزه اول مره يمر علياا اسموو دورت عليه بالشمعه
هو يقعد في اي قسم
اذا احد يقدر يوصل لصفحتو الشخصيه يعطيه الرابط
وهذا عصيرووو جاهزز

[زهور زهران]

بالله من جدكم
وين افلح احساس العالم
خلاص حنختار ضيف اوضيفه جديده ان شاءالله
بكره انتظرونا
^ـــــــــ^

[السلطانة]

لحظهـ لحظهـ لحظهـ ..

حلآوة لـدوو << لاآتغيرونـ الضيفـ <

هذآ أنآ جبتـ ملفهـ

http://www.zahran.org/vb/member.php?u=10260

كملي البآقي

[الفقير الي ربه]

موضوع رائع ياحلاوة لدو
مررة لسلام والقراءة
بارك الله في الجميع