بدوي يختبر خطيب بنته ...

[قلب الاسد]

بدوي يختبر خطيب بنته

نزل أحدهم على بدوي ضيفاً يريد الزواج من ابنته فقال له البدوي : أنا عندي لك يا ضيفنا العزيز أسئلة إذا عرفتها زوجتك البنت , أنت مستعد ؟
الضيف / تفضل .
: البدو ي/ وش الشيء اللي يضرك إذا أرتفع وإذا أنخفض ؟
الضيف / هذا الله يجيرني وإياك والعروس ... مرض السكر والضغط .
:البدوي / : ما لك لوا ... هذا سعر البترول .
********************


طـيـب ... من هو اللي يصلي النافلة ويترك الفرض ؟
"الضيف / المجنون :

: البدوي / صدقت ... هذي الموظفة اللي تخدم الناس
وتضيع زوجها وأولادها وبيتها طيب ...
*******************

من هو الملك اللي نزل من عرشه وضيع شعبه وأشتغل سوّاق ؟
الضيف / هذا سؤال صعب "
: البدوي / أبداً هذا بسيط للي يعرف الواقع ...
هذي الحرمة اللي تشرد من بيتها وتطالب بسواقة السيارات
******************
وش الدولة اللي فيها رئيسين ؟

الضيف / ما فيه يا عمي حتى الملعب وهو ملعب
ما فيه إلا حكم واحد وعنده مساعدين
: البدوي / شفت إنك ما أنت داري بشي ...
هذي بيوت اللي ينادون بمساواة المرأة بالرجل.
******************
طيب ... إذا بغيت معنى كلمة عربية وين تدور عليها ؟
الضيف / في لسان العرب أو القاموس المحيط .

: البدوي / ما عندك سالفة ... بوش على الذمة
ما تشوف كيف فسر لنا كلمة " إرهاب " وكل العالم وافقوه عليها

الضيف / أجل , الله يستر لا يجي اليوم اللي يفسر لنا فيه
معنى التوحيد والإسلام
******************
: البدوي / طيب ... وش الوردة اللي ما تستخدمها إلا إذا ذبلت ؟
الضيف / أصلاً إذا ذبلت , ما عاد يصير لها قيمة

! : البدوي / صحيح ... هذول بنات هالأيام ,
البنت ما تتزوج فيهن إلا بعد ما تكبر
ويروح شبابها وهي تطرد ورى هالسراب
اللي يسمونه المستقبل!!
******************
طيب ... منهم الأبرياء اللي يجوز قتلهم ؟

الضيف / ما فيه .
: البدوي / هذول ... المسلمين ،
ما تشوف لما قتلتهم أمريكا في أفغانستان ،
والعراق قالت حنا ما يمكن نقضي على الإرهاب إلا بقتلهم ،
وافقهم العالم كلّه حتى المسلمين ، .
*******************

إييييه ... الظاهر يا ضيفنا العزيز إن ما لك نصيب
في البنت لأن ما عندك سالفه

راحت عليه العروس

[حفيد الصحابه والملوك]

رائع كلها حكم والله

يعطيك العافيه

[ابراهيم السعدي]

ابداً هذا عالم كبير ماهو بدوي

قلب الأسد
الله يعطيك العافية

[عاشق القري]

بدوى مصرقع

[السيف السعودي]

هههههههههههههههههههههههه

منهم الأبرياء اللي يجوز قتلهم ؟

الضيف / ما فيه .
: البدوي / هذول ... المسلمين ،
ما تشوف لما قتلتهم أمريكا في أفغانستان ،
والعراق قالت حنا ما يمكن نقضي على الإرهاب إلا بقتلهم ،
وافقهم العالم كلّه حتى المسلمين ، .

هذه قويه ماااره

[أديب]

عرض رائع لحال المسلمين بشكل غير مباشر ...
الله يصلح حال المسلمين

أشكرك " قلب الأسد "

تحياتي ،،،

[أحمد العدواني]

في الصميم

شكراً قلب الأسد

تحياتي

[قلب الاسد]

ألف شكر لك على مروركم الجميل



دمتم بكل خير