وش الحل مع خط الرياض ؟؟؟

[العندليب]

اقتباس: المشاركة الأصلية كتبت بواسطة ولد سويد من بني هريره      يرجال المورور بالحظوووووووووووظ وربي أخويه دايماً بالكورد في خط الرياض 220 200 نسيييييييييت أسلوووووووووووبك ممتع

220 تهووور .. قل لأخوك يمشي على هونه لا يضرب عليه كفر ..

المهم على قولتك حظوظ ..

أمتعتني بردك ولك جزيل الشكر والإمتنان ,,

[جبل منور]

الحل خفف السرعه ,ألتزم بقوانين المرور

وبعدين الناس بتزكي في رمضان قدم زكاتك للمرور وريح نفسك

وش ذا السرعه كلها خفف والديره ملحوق عليه ورجعت الرياض ولا أستفدت إلا القسايم

الظاهر أنني بتفضى لك الصيف القادم وتفتيش على كيفك في عتام


الله يعين القسيمه ضروري تأخذها إذا وقفك المرور البوك لآزم يخلصه بالوقت المحدد

[العندليب]

اقتباس: المشاركة الأصلية كتبت بواسطة ابو عادل العدواني      الحل عندي سافر طيران تقريباً نفس الخسائر

والله بيني وبينك نفس الخساير ..

بس يبغالك واسطه عشان تحصل حجز ..

مشكور أبو عادل .. على تواجدك ..

[العندليب]

اقتباس: المشاركة الأصلية كتبت بواسطة سعيد بن سالم      [frame="8 80"]حسبي الله عليك يابو صالح 4 قسايم من الرياض للطائف والله لو انك ( مايكل شوماخر ) بصراحه بصراحه لو الموضوع لغيرك ما كان صدقته ، بس المشكله اني اعرفك واعرف انك رجل صادق ومطفوق في نفس الوقت . [align=justify]اما بالنسبة للقسايم فتستاهل اكثر ولو اني في مرور خط الرياض كان عطيتك قسيمه على كفر السياره الي صار له 5 سنوات ما غيرته يابو صالح . [/align] عموماً [align=justify]انا من المؤيدين للمخالفات حتى ولو كانت على اتفه الاسباب لأن الامر يتعلق بحياه الناس وقد ينتهي اما الى ( إعاقه او موت) ولكن اعطاء مخالفة على سرعة 140 كلم في الساعه على طريق سريع وبأربع اسياد ( مثل طريق الرياض) انا اعتبره خطأ ، والا فلماذا لا تمنع الموصفات والمقاييس دخول السيارات التي تزيد سرعتها عن 140 كلم ، ولماذا تحدد السرعة على طريق الجنوب وهو سيدين فقط بـ120 كلم الا يفترض ان تكون السرعة على طريق مثل طريق الرياض وهو بأربعة اسياد 140 او 160 على الاقل ! [/align] والله ودي انهم يسمحون بسرعة 220 لاني بسافر الاسبوع الجاي .. اقوووول :: شكلي باخذها كعابي وارتاح وافتك من القسايم اجمل تحياتي ومودتي[/frame]

هلا فيك أبو ياسر ..

الحمد لله إنك صدقتني وإذا قابلتك حكيت لك السالفه وجهاً لوجه ,,

أشكرك من الأعماق على تواجدك وإضافتك الجميله ,,

[العندليب]

اقتباس: المشاركة الأصلية كتبت بواسطة الســرف      اول مره اعرف نعمة " الخال " بالحياة اطقع ماشوف عسكري المرور استعرض امامهم واخذ مخالفات وكأنهم اعطوني كوبون الدخول بمسابقة الفوز بشبح الله يخليك ياخالي قصم انك احسن خال بالدنيا بس مره صادوني سرعه واول مره ادخل توقيف واجرب السجن بس برضوا طلعت بعد ساعتين الاّ صحيح ليش ياخي ماعندك خال نعود لموضوعك والله ترى شيء يفقع القلب ويرفع الضغط ياخي صعب الواحد يقعد كأنه يسوق " ديّنا " على طريق ممل ...من زين المناظر عاد عشان اقعد اتمشى على مهلي لكن لقنوك درس في معرفة قيمة " العائله " عندي لك حل شف لك اي تكرونيه إيجار اذا كنت لوحدك << مجربه في الدخول في المناطق العائليه من ملاهي واسواق خذها حتى تصل الطائف وبعدين اشحنها على ظهر ناقله عالرياض المشكله يابو صالح أن هذولا العسكر مصدقين واي اشتباك معهم او نرفزتهم مشكله كبيره الله يعين ياخوك اهم شيء وصلت بالسلامه انت واهلك < مايدري وش يقول عشان يواسي كل عام وانت بصحه وسلامه

مسوي واسطه يالسرف بيه ,,

بعدين من قال أني أبغاكم تواسوني

مشكور ياحبيب الكل ..

وإذا تقدر كلملي خالك ..

[العندليب]

اقتباس: المشاركة الأصلية كتبت بواسطة الهيثم 07      العقيد ابوصالح كلامك حقيبقة.. حصل عليه نفس المشكلة وانا مسافر من الطائف الى الرياض وكنت ماشي 130 تقريبآ...أوقفني العسكري واعطاني قسيمه.. قلت له عندي حالة وفاة أخذ مني القسية قال روح بعد فترة وجدتها بالحاسب.. يعوض الله علينا وعليك أشكرك على الطرح...ياليت يكون فيه نظرة خاصة للطرق السريعة/ ودمت

لا تشكي لي وأبكي لك ..

مشكوور ياحبيب البي على تواجدك وإضافتك الجميله ,,

[العندليب]

اقتباس: المشاركة الأصلية كتبت بواسطة العرنين      الحمد لله على السلامه وكل عام وانت بالف خير .... ترى الدعوه مزاج وانا اخوك السنه اللي راحت وقفوني بعد ظلم واحد يفتش والثاني في الجيب قال لي اللي يفتش انت مسرع قلت اي مسرع الله يرحم والديك توي طالع من المحطه حتى ما امدى السياره تاخذ الرابع قال ايه اجل انت من انت رابط الحزام قلت يا اخي فكيت الحزام عشان اعطيك الاستماره من الدرج قال خويه اللي في الجيب لا لا هذا عليه مخالفة اللوحة الاماميه ما تنشاف قلت اقول عطني قسيمه على اللي تبي ، اصلا انت ناويها وفعلا عطاني قسيمه على اللوحه لان التغبيره غطت الارقام السنه هذي والحمد لله لوحدي ماشي 180 ولا قسيمه ..... برايفت للسرف تراك بتصير احسن صديق عندي في العالم . دمتم جميعا في خير

لا تشكي لي وأبكي لك ..

بعدين لاتغلط على السرف تراااه صديقي من زماان ..

مشكوور أبو وتين والحال من بعضهـ ..

[العندليب]

اقتباس: المشاركة الأصلية كتبت بواسطة فهد سعود الزهراني      عندي لك خبر ..غير سار خلال شهر اذا ماسددت تتدبل كل هذه القسايم ... المصدر: مرور الرياض وكان الله في عونك..علما ان السرعة مهي زينة الحمد لله معي ونيت عزمه مايوصل 140 ههههههههههه

فال الله ولا فالك ..
هويه كذيه ياولد العم ..

على كذا يبغالي أبيع السيارهـ أو أطلع قرض عشان أسدد ..

إن شاء الله المصدر غلطان قل خير تكفى ..

بس عجبني الونيت بس ياليت تجربه في خط الرياض والله لتبيعه في الطايف ..

مشكوور حبيبي ,,

[العندليب]

اقتباس: المشاركة الأصلية كتبت بواسطة القـــــناص      العقيد ابو صالح احسن شي انك تبيع الفكرة هذي اللي حصلت لك على احد الممثلين عشان يعرضها في رمضان الجاي وبكذا تسدد مخالفاتك والله ان الحال من بعضة ونحتاج الى دورة (( تحسين اخلاق لرجال امن الطرق والمرور )) انا مره وانا بالطع من الرياض على الديرة ويوم وصلت تفتيش ظلم تعديت بعده بحوالي 25ك وقفني واحد من رجال امن الطرق ويوم شفته وقفني قلت بانزل احترام له ويمكن يتساهل في الموضوع وبعد اخذ ورد قال عندك سرعة طبيت في عينه وقلت ماني مسرع قال عليك بلاغ قلت اللي بلغ يجي بسرعة والا يطلع على الجهاز ويكلمك يوم شافني صامل وحاول يكتب القسيمة قلت له سجل اسمك ورتبتك ورقمك العسكري ويوم سمع الكلام خاف الرجال وقال وين تشتغل قلت شي مايخصك اهم شي تسجل البينات اللي قلت لك عليها ويوم شافني جاد اعطاني الرخصة والاستمارة وقال دربك خضر بس احلف انك ما تجاوزت السرعة المحددة ضحكت له وقلت ماني في محكمة احلف لك باااااااااااااااي لابد ان تجد العجب العجاب والاشكال التلقائية من رجال امن الطرق واحذر ان يفتش سيارتك وانت بعيد عنه والله انهم يحطون حبوب من جيوبهم ويقولون حصلوها بسيارتك 000000000000 الله لا يوريكم مكروه ودمتم بود

والله ودي أبيعها لطاش ماطاش بس يقولون عزلوا ..

بعدين شكل عندك اسلوب يخوف .. المره الجايه وأنا مسافر بتخاويني قل تم ..

مشكوور يالقناص ,,

[العندليب]

اقتباس: المشاركة الأصلية كتبت بواسطة الفقار      العقيد أبو صالح من طاول الغيبات جاب الغنايم (( أشوفك جبت القسايم )) حدث لي مرة أن حصلت على قسيمتين في يوم واحد على خط الرياض وعندما جاء وقت السداد وجدت تاريخ القسيمتين مختلف ؟؟ في يوم ما تعرضت لحادث سيارة على خط الرياض حاول رجل أمن الطرق تعويضي من الطرف الثاني بمبلغ ألف ريال في الوقت الذي قاربت قيمة الاصلاح خمسين ألف ريال سعودي علما بأن المتكفل بالتلفيات شركة تأمين سبب محاولة رجل الأمن حتى لا يكتب تقرير مفصل للشركة بينما رجل المرور باشر الحادث بعد مرور خمس ساعات من الحادث قلبت المواجع الله يهديك (( كل عام وأنت بخير ))

والله إنك صادق من طول الغيبات جاب القسايم ..

لا تشكي لي وأبكي لك الحال من بعضه وأنا أخوك ..

مشكوور ياصاحب القلم المميز ,,