يا صاحبــــــــــي بدع ورد

[سعيد بن سالم]

هذه القصيده بدعها مني والرد من الشاعر / مبارك بن محمد المشعلي
1423 هـ


يــــــــــــا صــــاحــــبــــي

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
يابـو محمـد عزوتـي لا تعزويـت=وش لـي بقرمً لا نخيتـه نصانـي
ياخوك انا من ضيقة الصـدر مليـت=وإن جيت بأسلى صاح هم ودعانـي
يضيق صدري لا خرجت وتمشيـت=وكني على جمر الغضى فـي مكانـي
من سبة الـي حبهـم يـوم حبيـت=يا لعن ابو حبً مضـى لـه زمانـي
حبً لك الله كم جرحنـي وعانيـت=حبً عطش صافـي غرامـه سقانـي
للي خذاه الوقـت منـي وعانيـت=عشرة سنيـن بعـد فرقـاه اعانـي
أنساه وأسلى وأذكـره مـا تخليـت=عن حب سيد البيض صافي الثمانـي
ياخوك أنا في حب خلـي تماديـت=والظاهـر ان الله بحـبـه بـلانـي
ياليتني مـن شفتـه أقبـل تعديـت=كان استرحت وطاب وقتي وزانـي
ويا صاحبي يالي لك المدح والصيـت=هذا قصيدي وانـت راعـي معانـي[/poem]

خــــــــــــطً قــــريــــتــــه

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
خطً قريته شتـت الفكـر تشتيـت=حيـه وحـي الـي بخطـه نصانـي
حييت يالي تشكـي الهـم حييـت=وأبشر بسعدك يـا عريـب المجانـي
قرمً بنى في قمـة المجـد لـه بيـت=سعد الخوي سعد الربـع والعوانـي
واليوم أشوفك في هوى البيض قاست=تشكي غرام الزيـن سيـد الغوانـي
ثبت هواه بداخـل القلـب تثبيـت=وما شفت منـه الا الغـلا والحنانـي
هذي سواة الناس لا شك ما اخطيت=وكم لي وانا من سبة البيـض أعانـي
الصاحب الي عـن غيابـه تسليـت=غليـه وبجمـرة غيابـه كـوانـي
ياليت يرجع يا فتى الجود يـا ليـت=الـي حصلـي فـي غيابـه كفانـي
احبها وعـن حبهـا مـا تناسيـت=ما أنسى غرام الزين لو هـو نسانـي
فلا صرت في درب المحبـة تعنيـت=هذا القدر وأصبـر لحكـم الزمانـي [/poem]

[ابو نضال الدوسي]

الله يعطيكم العافية
ماقصرتم قصائد جميلة

[العتمه]

رااائعه


الله يعطيكم العاااافيه

دمت في خيررر

[العرنين]

صح لسانكم جميع
يعطيك العافيه يا سعيد

[سعيد بن سالم]

اقتباس: المشاركة الأصلية كتبت بواسطة العتمه      رااائعه الله يعطيكم العاااافيه دمت في خيررر

..............................


العتمـــــــــــــــه


مرحبا مليووووووون

اسعدتني بحظورك

ويا هلا وغلاء


دمت بألف خيررر

[سعيد بن سالم]

اقتباس: المشاركة الأصلية كتبت بواسطة ابو نضال الدوسي      الله يعطيكم العافية ماقصرتم قصائد جميلة

...........................


هلا يابو نضال


اسعدتني بحظورك وقراءة تعليقك المميز


لا خلاء ولا عدم


تحياتي ومودتي

[سعيد بن سالم]

اقتباس: المشاركة الأصلية كتبت بواسطة ابو نضال الدوسي      الله يعطيكم العافية ماقصرتم قصائد جميلة

......................


هلا ابو نضال


الجمال كل الجمال في حظورك


شكراً على المرور بمتصفح القصيده

لا خلاء ولا عدم



تحياتي ومودتي

[صالح بن فارس]

جعلكم عالقوة ..

صوت وصدى

وافين ولا هنتم

فلا صرت في درب المحبـة تعنيـت *** هذا القدر وأصبـر لحكـم الزمانـي

دمت بود

؛؛؛

[سعيد بن سالم]

اقتباس: المشاركة الأصلية كتبت بواسطة بن فارس      جعلكم عالقوة .. صوت وصدى وافين ولا هنتم فلا صرت في درب المحبـة تعنيـت *** هذا القدر وأصبـر لحكـم الزمانـي دمت بود ؛؛؛

............................


هلا بالشاعر الرائع والمشرف المميز

بن فارس


شكراً على المرور


لا خلاء ولا عدم


تقبل تحياتي

[ذيب زهران]

ما قصرت



تقبلوا تحياتي