*** تعالوا نتهرج بسواليف الأولين ***

[نسيم السروات]

اقتباس: المشاركة الأصلية كتبت بواسطة الراقية      خاله نسيم تعالي بغيتوك في هرجه لاحد يسمعنا اسمعي ياخاله نصيحتيه ولاتعودين لعتيق اشتري نفسك منه والله انك ماتستاهلينه ولا هو بكفو لك انتي ماتستاهلين يكون شيخ خلي عتيق يقعد للمصاكعه ربي يهوله المجرم ونصيحيه منيه لاعاد تفرطين في اي عضو امن اعضائك بكره تاخذين لك واحدن ثاني وتعطينه البنكرياس حقتك وبعدين تاهبين لنا طلبه اهيه اهجدي وقري قره

راقية يارقية تعالي تعالي والله لأنشدك ما أكون خالتك

أعقبي أعقبي يالمجمهر معك وجهين هاه وش تقولين لعمك نازي قاعدة تحرشينه عليه

تعالي والله لأنتف كعشتك كما تيه الضيعيه وأخليلك تروحين بيتكم صلعاء قرعاء مافوق

رأسك ولا طرة من الشعر كنت بدخل البيت وإلا وأسمع الهرجه اللي خيبت ظني فيك .

على زوالك ياراقية هويه هويه تقولين ميد خالتك مجمهرة ومتغيرة وتبغين عتيق يأخذ عتيقه

الله يأخذ عمره من زينه ذاك البده ريحته مصنة وارجوله كما المناشير خشنه إذا قام من النوم وخرج من

غرفة النوم نشبت كل الشراشف جوف خراشيف رجوله تقولين جلد تمساح وإلا ايديه يابسه كما الحجر

يعوه يعوه ياكبديه ماعد أبغيه شفت اللي يبغى يصاهر فيه والله والله يازينن فيه وقامة عليه أني ما شبهته

يكون الملك فيصل الله يرحمه وباقي غمرن في أول شبابه خلي عني عتيق عمرة فوق الستين خذني وأنا

باقي جاهله عمرى 14 سنة ما أعرف كوعيه من بوعيه يوم دخل عليه بغيت أفلج طلعت فوق الدولاب

من الخرعة وجلست فوق الدولاب 3 أيام وهو ماخلا ولا بيت يدور عليه المغزول مادرا أني فوق الدولات

إذا خرج يدورنيه نزلت وأكلت وشربت وإذا شفته رجع للبيت عودت فوق ظهر الدولاب وضحكت عليه

لين شبعت وسويت فيه مقالب ما أحد سواها .

خليه ينكح عتيقه وإذا شافني مع رجالي الجديد فؤاد ومسافرة خارج السعودية بيشق جيبه وبينتحر

بس دخيلكم أنتبهوا ليه أخاف يذبحني ويذبح جوزي الجديد فؤاد . لأنه المغزول يحبنيه ويغار عليه

ويبغى ينكح عليه عشان يثير غيرتيه عليه لأني ما أحبه مايعرف الحنان والرومنصية كما

رجال مستورة جارتنا هني عينها بذاك الرجال ياطيبه طيباه يحن عليها وما قد مد أيده عليها .

أيوه ياعمريه معي نوم كما الجبال بغدي ارقد

وتعالوا بكرة نتهرج .

تبايتون على خير .

[عسله]

أما نشبت كل الشراشف في رجوله هههههههههههههههههههههههههههههههههههههههههههاي

أشوفكم

[الراقية]

اقتباس: المشاركة الأصلية كتبت بواسطة نسيم السروات      راقية يارقية تعالي تعالي والله لأنشدك ما أكون خالتك أعقبي أعقبي يالمجمهر معك وجهين هاه وش تقولين لعمك نازي قاعدة تحرشينه عليه تعالي والله لأنتف كعشتك كما تيه الضيعيه وأخليلك تروحين بيتكم صلعاء قرعاء مافوق رأسك ولا طرة من الشعر كنت بدخل البيت وإلا وأسمع الهرجه اللي خيبت ظني فيك . على زوالك ياراقية هويه هويه تقولين ميد خالتك مجمهرة ومتغيرة وتبغين عتيق يأخذ عتيقه الله يأخذ عمره من زينه ذاك البده ريحته مصنة وارجوله كما المناشير خشنه إذا قام من النوم وخرج من غرفة النوم نشبت كل الشراشف جوف خراشيف رجوله تقولين جلد تمساح وإلا ايديه يابسه كما الحجر يعوه يعوه ياكبديه ماعد أبغيه شفت اللي يبغى يصاهر فيه والله والله يازينن فيه وقامة عليه أني ما شبهته يكون الملك فيصل الله يرحمه وباقي غمرن في أول شبابه خلي عني عتيق عمرة فوق الستين خذني وأنا باقي جاهله عمرى 14 سنة ما أعرف كوعيه من بوعيه يوم دخل عليه بغيت أفلج طلعت فوق الدولاب من الخرعة وجلست فوق الدولاب 3 أيام وهو ماخلا ولا بيت يدور عليه المغزول مادرا أني فوق الدولات إذا خرج يدورنيه نزلت وأكلت وشربت وإذا شفته رجع للبيت عودت فوق ظهر الدولاب وضحكت عليه لين شبعت وسويت فيه مقالب ما أحد سواها . خليه ينكح عتيقه وإذا شافني مع رجالي الجديد فؤاد ومسافرة خارج السعودية بيشق جيبه وبينتحر بس دخيلكم أنتبهوا ليه أخاف يذبحني ويذبح جوزي الجديد فؤاد . لأنه المغزول يحبنيه ويغار عليه ويبغى ينكح عليه عشان يثير غيرتيه عليه لأني ما أحبه مايعرف الحنان والرومنصية كما رجال مستورة جارتنا هني عينها بذاك الرجال ياطيبه طيباه يحن عليها وما قد مد أيده عليها . أيوه ياعمريه معي نوم كما الجبال بغدي ارقد وتعالوا بكرة نتهرج . تبايتون على خير .

ههههههههههههه

السمووووووووووووووحه ياخاله السموحه والله ماعودها

بس انتي اسمعينيه يامخلوقة افهمي قصدي
انا قلت لعمي نازي علشان يقول لعتيق انك ماعاد تبغينه وعقوف مايجون يردونك
لاني يوم مريت اليوم الظهر من عند بيتكم سمعتك وانتي تغنين مع صباح الشحروره من الراديو
اغنية يانا يانا يانا يانا
يانا يانا ياتاعبني
يانا يانا ياسايبني
للعذاب يسهر عليا
والسهر يتسلى بيا
لو صحيح مش داري بيا
ليه بتتلفت عليا
وعرفت ان قلبك متعلق بفؤؤؤؤاد ولد صدقه
علشان كذا خلاص ابغيهم ييئسون من رجعتك ويخلونك تشوفين حياتك الجديده
الله يوفقك ياخاله نسيم مع خالي فؤاد
ويافرحتي انا والصبايا هو صدقن ربي فكك من ذاك المغير ربي يستر عليك ياخاله

[نسيم السروات]

اشوى لاعاد هذا قصدك الله شفع فيك بغيت أتوي جرعومك مع ذا الليل

وأعشيك عشن يعقل تطاوعين عمك أبو نازي راعي المشاكل ما خلا واحدن ماساعدة ينكح فوق مرته .

الله يجهر صداه فنه سميع بصير .

أسمعي وأنا خالتك روحي عند عتيقه اللي بتاخذ قحميه عتيق وقولي ميدها

أن عتيق عاقرن مايجيله ذرية وأنه ماعنده إلا كلوة واحدة تبرعت له مرته الأوله أللي هي أنا

بكلوتها ويوم سمعت أنه بينكح فوقها أخترجت كلوتها من جوف جنبه . وعلميها

أنه قحمن قلحن مايحب النظافة ورجوله كما لحاء الخشب تسحب الشراشف من غرفة النوم


في احد المرات سحب واحد من الشراشف وخرج به الشارع ماحس فيه ماهلا ولده قال

وشمعك يايبه تسحبت الهمول برجولك فضحتنا وفشلتنا من الناس .

وقولي لها بعد أن سنونه تركيبه مامعه ولا حكه يلجغ الما صاخ بريح الله

وشبعد نقول وشبعد ياربيه أيواه قولي ميدها أنه بخيل مايخرج الريال لو تخرج عينها

عشان نكرهها فيه وعشان ماتتورط المسكينه وتأخذه خذو عقلها سمعت أنها موافقه تأخذه

هيا أفلحي سعية علميها وعودي عليه قوام وعلمينيه وش قالت لك .

أنا وراك ياعتيق المقرون والله ماخليك تتهنى بعتيقه وأنا حية >>>>>>>>تكلم نفسها .

أبشر بسعدك وأنا بنت بيه هب الله يهبهب عليه

بعد كل تيه العشرة ينكح فوقيه بعتيقه ماتجي كما ظفريه .

[روعه]

عليه عنك والله ان خاطري معك

[ابو نازي]

صلينا العشاء يا راقيه وعلى اولنا على بيت القحم عيدان انا وعتيق عطيناه العلوم وقلنا بغينا عتيقه حليله لعتيق

القحم ضعيف الله ما قال شي قال باشاورها وعود علينا بعدما نشدها

قال عتيقه موافقه لكن عندها شرط واحد تقول اما تجي الكهله نسيم تصاهر فيه واشوف هي مريضه صدقن والا يطلقها

وقلت ميده خلها تفلح معك تصاهر لك والا طلقها

قال والله اني ما اصخها اطلقها لا يغرك اني اناتر بها والله انها حشاشة جوفيه وانها قلبيه وشوفيه

ودنا بك يا راقيه تغدين تقنعينها تفلح تصاهر له

عتيق شاف عتيقه واهو غرررز عندها ماعد يرقد الليل ما هلا يفلهم فيها

واني اخاف انه يزيد يغزل والا يصير في عقله خله

[أفق]

متآآآآآآآآآآآآبعه بصمت لحينـ أصل ديرتنا بعيد رمضان


وهناك اجمع قاموس ومعاجم من الالفاظ اللغويه الــ (صعبه مرررررررره )


حاولت اجاري وماقدرت


بس بجد الله يعطيكم العافيه ممتعييييين

[الراقية]

4اسمعي ياخالتي الحبيبة وانا فداك

قلت لعتيقه كل اللي قلتي عليه وبغت تاكلنيه

تقول اعقبي انا اعرف ان ماحرشك الا مقطوعة الرجا الخايبه زوجته الاولى
لكن والله ماعذر في عتيق يانافدا ذيك البدية وذيك الخلقة العجيبه هو صدقن جا خطبنيه وانا متعلقه فيه من محوين من قبل ياخذ نسيم المخوره
تخيلي ياخاله تقول عنك مخوره >>>> هيه ياويلك ان سكتي عنها
و تقول يبشر عتيق اعطيه كلاويه ومصرانيه وكبديه واذا يبغي قفصيه الصدري يفداه
وما خلتني اكمل كلامي ياخاله كعوشتي بي من يوف بيتهم الله لايسامحها تقول لي ياويلك ان شفتوك عندي مره ثانيه يالفتانه ياقطاعة النصيب
ان ماخاب ظني فهي متعلقه به الشر جهدا جهدا
وتسلل حب عتيق الى قلبها
برشا برشا يامدلل برشا برشا
حبك على قلبي تسلل برشا برشا

[الراقية]

اقتباس: المشاركة الأصلية كتبت بواسطة ابو نازي      صلينا العشاء يا راقيه وعلى اولنا على بيت القحم عيدان انا وعتيق عطيناه العلوم وقلنا بغينا عتيقه حليله لعتيق القحم ضعيف الله ما قال شي قال باشاورها وعود علينا بعدما نشدها قال عتيقه موافقه لكن عندها شرط واحد تقول اما تجي الكهله نسيم تصاهر فيه واشوف هي مريضه صدقن والا يطلقها وقلت ميده خلها تفلح معك تصاهر لك والا طلقها قال والله اني ما اصخها اطلقها لا يغرك اني اناتر بها والله انها حشاشة جوفيه وانها قلبيه وشوفيه ودنا بك يا راقيه تغدين تقنعينها تفلح تصاهر له عتيق شاف عتيقه واهو غرررز عندها ماعد يرقد الليل ما هلا يفلهم فيها واني اخاف انه يزيد يغزل والا يصير في عقله خله

يوووووووووووو ياعم نازي والله ماظنتي تفعل
اخترجت كلاوي عتيق من جوف جنبه ضعيف الله وباقي تبغاها تروح تصاهر له ماعينها ماعينها
ولا غدا في خاطرها
تقول الله لاغويتانيه افلح اصاهر لعتيق ماعد الاهيه
والله اني ماقدر فيها اقنعها انت ماتعرفها
لكن خله يطلقها ويرتاح منها ومن شرها
انا من يوم شفتوها تطارد ورى فؤاد ولد صدقة وهو مثيل واحدن من سفانها عرفت ان عقلها انكفح
صدقت انه يحبها مادرت انه ماهلا طمعان في فلوسها وفي سنون الذهب الي ركبتها
الله لااخذلتانا ياعم نازي الله يمتعنا بعقولنا
لكن الصدمه كانت قويه عليها وهذا التأثير

دخيلتك ياعم نازي لاتدري نسيم باللي قلتوه والله ماتخليني اعدي قسم التراث مره ثانيه ذي الهرج بيني وبينك ماهلا

[العندليب]

الراقيه قسم بالله إنك عُجبه
وهروجك ما كماها حلاه
تقول أني جالسن مع كهله في الديره

واصلوا واصلوا

ولي عوده مع حصد الركيب

يوم أنهد عليه العُراق وبغيت أغدي ماغير ربكم ستر