o0O مندي .. مندي .. مندي .. انما ايه ههه O0o

[@عيشة@]

السلام عليكم ورحمة الله وبركاتة







امس شفت في النت طريقة المندي وعجبتني الحركة وسويتها اليوم على الغدى والله لذيذ تقولون مندي السوق
وبعدين انتي تسوينة احسن من تشتري من برا ما ندري وش يحطون فية الله يستر علينا




نص دجاجة حطيت عليها كركم وبهارات وملح وندهن وجهاها وقفاها خخخخ ونحطها على القصدير








وبعدين نقلبها على قفها ونسكر عليها بالقصدير







وبعدين نحط ثلاثة ارباع كاس زيت في قدر الضغط ونولع النارعلية







ونحط الدجاج علية بس تكون على قفها








ونقفل القدرمع وضع الصمام ونرخي النار علية ونتركها لمدة نص ساعة
بتسمعين طقطقة الزيت كانك تقلي شي بس عادي لا تخافون عادي اتركيه زي ماقلت نص ساعة
وبعدين طفي الناروخلي الصمام لا تشيلينة لمدة 5 دقايق







وبعدين انا نقعت رز وحطيته على النار مع كمون وفلفل وهيل كلها مو مطحونة وكم عود قرفة وملح وزيت ونخلية لمن يستوي







وهاذا شكل الدجاج بعد ما استوى







ونحط الدجاجة في قدر الرز وانا هنا بعد ما استوى ضفت لة ملون طعام اصفر ونحط فنجان فية زيت ونكون مولعين على فحمة ونحطها علية ونسكر القدر بسرعة ونخليه 10 دقايق او ربع ساعة








وهذا شكلة النهائي

.
.
.
.
.
.
.














حتى حبيب مررررررررة عجبة يقول ما يحتاج نشتري من برا احم احم احم





هيا وروني تطبيقاتكم يانافدى بلا كسل




وداعت الله

[جمرة غضى]

ماشاء الله تبارك الرحمن

طباخة ماهرة ياعيشة الله يحفظك

عن نفسي مااحب أطبق بمثل هالطبخات أخلي التطبيق على خواتي هههههههههههه

أنا أحب شيء فيه شغلات الحلويات أتفنن فيها

أي أكلة يبيلها حوسة أحب أسويها أو مالها علاقة بالأرز أو الأكلات الشعبيةأبدع فيها هههههههههههههه >>> غريبة مو صح
بكل أمانة طريقتك عجبتني وإن شاء الله أطبقها وأجيب لك صورة التطبيق ياعسل

ننتظر طبخاتك الرائعة كروعة إطلالتك علينا سلمت أناملك

[@عيشة@]

ههههههه خلاص بعدين بنزل حلويات ونشوف ابداعك

مشكورررة على تواجدك الدائم معي

[آمـيرهـ بآح ــساسي]

[ALIGN=CENTER][TABLETEXT="width:70%;"][CELL="filter:;"][ALIGN=center]بس الزيت مايخوف تقفلي عليه قدر الضغط..؟؟
ولو سويتها تضمنين لي اني ماانحرق هههههههههههه
الا اقول وين ساكنه انتي بجي اسكن جنبك ههههههههههه

الله يسلم يديك ياااااعسل
مبدعه دووووم...[/ALIGN][/CELL][/TABLETEXT][/ALIGN]

[الماسه وحساسه]

طريقه مرررررره حلوه تسلم يدينك ياعيشه والله يرزقك كل ماتتمنين ....

اميره لاتخافين انا اسوي البروست بقدر الضغط بس اهم شي اذا طفيتي النار تخلين الصمام حق 5 دقايق عشان يهداء الزيت عن الغليان شوي وبعدها تاكلي اصابعك وراها ...بعدين اسويه وانزل صوره ,,,

[شذى الريحان]

تسلم الايادي
وربي يحفظ لك حبيب قلبك

[شيهانة القرشي]

اعشق المندي بكل انواعة ولكن مستحيل اسوية بالالمنيوم

لازم تنتبهون للناحية الصحية في الطبخ

حبيت انبة لموضوع مهم </B>

خطر استخدام ورق الالمنيوم في الطبخ ( اللي نسمية قصدير )

لقد شاع استخدام الألمنيوم في هذه الأيام لأغراض عده منها الطبخ والتغليف ولكن هل تعلم كيفية استخدامه ..؟

تحذر الدراسات بعدم استخدام ورق القصدير لغير أغراض التغليف وخرجت هذه الدراسات بعدة نتائج منها:

‌1. صمم ورق الألومنيوم للتغليف فقط وليس لأغراض الطبخ بأنواعه .

2. يتكون هذا الورق من طبقتين ( الطبقة اللامعة ) و( الطبقة الغيرلامعة ) حيث أن لكل طبقة إستخدام خاص للتغليف، وتستخدم كالتالي :
أ. تستخدم الطبقة اللامعة لتغليف الوجبات الساخنه أي توضع الطبقة اللامعة ملاصقة للوجبات الساخنة.
ب. تستخدم الطبقة العادية ( الغير لامعة ) لتغليف الوجبات الباردة.

3. يمنع استخدام هذا الورق ( القصدير) أثناء الطبخ أو لتغليف الوجبات وإدخالها بالفرن حيث يؤدي ذلك إلى خروج مادة الألومنيوم إلى الأغذية وخاصة مع إرتفاع درجة الحرارة ، ووجود التوابل وخاصة الخل والليمون الذي يساعد على خروج مادة الألومنيوم إلى اللحوم


نرجو للجميع الحذر والتأكد من الاستخدام السليم للمنتجات

شكرا على الطبق وبإذن الله جاري التطبيق بالفرن بدون المونيوم

[السلطانة]

تسلم يدينكـ طباختنا..وبالهناء والعافيهـ
أي طبخهـ تسوينها أستاعدي بناتـ المنتدى..لا تقولينـ محد قالـ لي...

[عبدالرحمن الخزمري]

[رفيعة الشان]

المندي ما أقدر أقاومه , عيوني تصير تسذا
ماشاء الله تبارك الله
الله يعطيك ألف عافيه , ولا تحرمينا جديدك