تغريب الافكار

[عبدالمحسن بن عطية]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الجو ظلم والهواجيس زوار=والحال كمل والصدر حيل مكتوم
الشعر دله تطبخ بن وبهار=دارت فناجيله على سائر القوم
وانا ادري ان الليل محفوف باخطار=لكن لولا الليل مابانت نجوم
والله ماسعى خلف درهم ودينار=دام الاجل مكتوب والرزق مقسوم
يالله ترسيني على حسن الاشوار=يالواحد القهار حي(ن) وقيوم
نستغفرك ونتوب لك سر وجهار=نثنثي عليك ونشكرك يالولي دوم
وياهاجسي من بعد طولت الاسفار=رجعت متكدر وضايق ومغموم
خلف الحزن في وجهك الشاحب اسرار=للدمع في خدك علامات ورسوم
ترجم معاناتك قصايد واشعار=في ذمتي مايلحقك يالكفو لوم
لان السكوت احيان عن بعض الاخبار=يحرم عزيز النفس من لذة النوم
كنت اسمع بتعبير تغريب الافكار=ولا فهمته بس هالحين مفهوم
يعني احتفال العرب باعياد كفار=والشام من عامين ماشافت غيوم
يلعب بهم ملعون الاسلاف بشار=واحنا ورا هابي فلنتاين اليوم
تسفك دماء وتهتك اعراض الاحرار=والدمع يحكي سالفت غبن وهموم
يا أمة الاسلام بالله وش صار=ضهرك طعن بالرمح والرمح مسموم
امجادنا صارت على الرف تذكار=وافعالنا صارت سواليف وحلوم
وردودنا ياللاسف شجب وانكار=ضميرنا نايم ولا يمكن يقوم
من بعد كان السيف صارم وبتار=ردوه في غمده مصدي ومثلوم
ياللخزي تعدادنا فوق مليار=لكن مابه واحد(ن) يقضي لزوم
مافيه واحد يقدح ويشعل النار=انا اشهد انا ياعرب زمرة رخوم
[/poem]

وسلامتكم
عبدالمحسن بن عطية

[سامي بن محمد]

صح لساانك

ياابن عطيه ابياات فالقمه

[بن حكمان]

صح لسانك مبدع والله يوفقك

[رفيعة الشان]

ابيات معبرة وجزله
صح لسانك

[عبدالمحسن بن عطية]

صحت ابدانكم جميعا
أشكركم على مروركم

[الشاعره شمايل]

معبره وجزله

.

[عبدالمحسن بن عطية]

الشاعرة شمايل
اشكر مرورك