قصيده عجبتني

[ال يتيم العلي الدوسي]

قالت وش أنت ؟ وقلت من روس زهران شـيـخ ولــد شـيـخ وأســاوي قبـايـل

زهــران ربـعـي فيـهـم تضـيـع قيـفـان أهـل الكـرم والـجـود وأهــل الجمـايـل

الضيـف يلقـى عندنـا طيـب وإحـسـان وإلا الـعــدو بـالـعـون مـاهــوب نــايــل

نسقـيـه مــن كــاس المنـايـا بمـيـزان وروسـنــا وقـــت الـلـقـا مـــا تـمـايـل

قالـت ديارك ؟ قـلـت أنــا عــز الأوطــان ديــار اخــو نـــوره سقـتـهـا الهـمـايـل

مـن شرقهـا ليـا غربـهـا لـحـد نـجـران والـيــا اتـجـهـت لـديــرة الـعــز حـايــل

نحـمـي وطـنـا دام حـنـا بـــه أخـــوان ســلايــل بـالـخـيـر تـتـبــع ســلايـــل

حـب الوطـن يكبـر علـى مـر الأزمــان حــب غـــدا لقلـوبـنـا الـيــوم شـايــل

قـالــت بـدو ؟ وقـلـت يـابـنــت بــــدوان أقـولـهــا يـابـنــت والــــراس طــايـــل

أيـــه ابـــدوي وأقـولـهـا بـكــل الأوزان إيـه ابـدوي وارفـع بهـا الـصـوت قـايـل

حـنـا بــدو نـطــرد ورا ريـــح الامـــزان لا مـانـهـانـا حـــــر ذيـــــك الـقــوايــل

حـنـا بــدو يشـهـد لـنــا كـــل مـيــدان بالـطـيـب طـيــب وبالفـعـايـل فـعـايـل

قالت وبأمر الحب وش قلـت يـا فـلان ؟ قلـت الهـوى يابـنـت ســوى الهـوايـل

الـحـب جـمــر وبـــرد واثـنـيـن خـــلان الحـب فـرحـه ودمــع عـيـن يتسـايـل

الحـب قلـب وقلـب بالحيـل عطـشـان قلبـيـن عـاشـوا مـيـر مـاهـم قـلايــل

الـحـب لاهــل الـحـب يابـنـت عـنــوان الـحـب مـاهـو مـسـح كــف وجـدايــل

وهـزت هدبهـا وانكشـف بحـر الأحـزان والدمـع أشوفـه خلـف ذيـك الظـلايـل

وقالت مضى لـي عـام والحـال مـازان والهـم فــي جـوفـي حمـولـه ثقـايـل

مـن صاحـب قـفـا لــه القـلـب ولـهـان لا جـــا اتـصــال ولا لفـتـنـي رسـايــل

ماهـان قــدره داخــل القـلـب مـاهـان وان طـــول غـيـابـه فـلاهــوب زايــــل

ذي حالتـي والحـب قـد قيـل سلطـان وفي حالتي ياشيخ ويش أنـت قايـل؟

جاوبتـهـا والـقـلـب بالـحـيـل شـفـقـان قلـت احمـدِ الله ذيـك اقــل الحصـايـل

ولولا الكرامه لاكشـف همـوم وأحـزان لـكــن نـفـسـي ماتـطـيـق الــرذايــل

وإلا اجـل وشلـون مــن روس زهــران قبـيـلـة بـالـعـون تـســوى قـبـااااايــل

[Mansour Al-zahrani]

مشكوووووووووووور و الله يعطيك العافيه على النقل الجميل

[ال يتيم العلي الدوسي]

العفو و شكرا لمرورك على موضوعي

وهذا شرف لي ووسام على صدري

[ال يتيم العلي الدوسي]

قصيده عن بنت تطالع شاب

وهو مع اصحابه في صالة المطار

ومانزّلت عينها منه وطلع الشاب شاعر

رووووعـــه بأمانه اقرؤوها للأخير

يقوووووول :

كل شبر بهآ الوسيعه ملك ربي تعلميــــــــن

واعلمي ان اللّي خلقني هو خلق لك هالعيــــــــون

لكن انتي من جلستي وانتي فيني تنآظريــــــــن

كن مآ به ناس غيري بهالكراسي يجلســــــــون!!

لو سمحتي عاد اسمعي وحتى لو ماتسمحيــــــــن

المهم اللّي باقوله تسمعينه ويسمعــــــــون

عالأقل ليآ ناظرتك سوي روحك تستحيــــــــن

غظي طرفك مثل غيرك خوف ربعي يلمحــــــــون

الركاده عاده زينه والحيا في البنت زيــــــــن

وفيك !! جازم لا ركاده ولا حياء يذكــــــــرون

تعرفيني؟!! أعرفك؟! ماأذكر إنّا ملتقيــــــــن

لا أعرفك من تكوني ولا تعرفي من أكــــــــون

واطمئني كان قصدك بـس فيني تشبّهيــــــــن

ماهو انا اللّي تعرفينه والبشر يتشابهــــــــون

مادريتي من التشابه يخلق الله أربعيــــــــن

واعرف أربع يشبهنّك بس، والله يستحــــــــون

وكان قصدك شي ثاني؟عاد قولي وش تبيــــــــن

خايف انّا نصير فرجه والّلي مااشتروا يتفرجــــــــون

واذا ببالك عاجبتني لا يوحشك ! تحلميــــــــن

صحّ ربعي من جمالك فيك صاروا يمدحــــــــون

بس وش الّلي في حلاتك دآم فيها ترخصيــــــــن

حشمة البنت بحياها والكرامه يلفتــــــــون

ولو توفر فيك هذا مع حلاتك تبشريــــــــن

ماهو آنا 'ألف غيري باب بيتك يطقّــــــــون

وش علامك رغم كل اللّي أقوله تسكتيــــــــن

مو طبيعي هالسكوت وهالبرود وهالسكــــــــون

انتي خرسا ؟!!!! أسألك" والاّ منتي تسمعيــــــــن

وجاءت الصدمه للجميع عندما جاءت بنتان لها ليمسكن بيدها للصعود للطائره بعد الإعلان

فأكمل شعره بهذه الأبيات

"""""""""""""

قالو ربعي ذي كفيفه قلت لا لا !!!تمزحــــــــون

لين شفتك يوم رحتي يمسكونك باليديــــــــن

مادريت إلا عيوني أربع أربع يذرفــــــــون

آآآه ياآآآآنه مشهد يوم شفتك ترحليــــــــن

جيت اشوف عيون ربعي لقيت الكل يدمعــــــــون

يالكفيفه يالعفيفه إن قلت آسف تقبليــــــــن ؟؟

يغفر الله ذنوب عبده ليآ خطا! وهل تغفريـــــــن ؟؟

ااااااااااااااااااااااااااااااااااااااااااااااااا

فيااااااليتنا

نترك إساءة الظـــــــن بالناس على كل حركة

أو نظرة أو كلمة أو تقصير غير مقصود