المنحوس ............. منحوس

[البرادعي]

[align=justify]السلام عليكم ورحمة الله وبركاته

تجيك أيام تحس فيها أن مشاكلك واجد .. وانك نحس!!
استغفر الله العظيم .. انا ماني متشائم .. والتفاؤل زين ... ولكن بعضهم واضحه فيه النحاسه
والقصص واجد .. أذكر منها طرفه ( القرد المنحوس )
هذا سلمكم الله فيه قردين واحد حظه حلو والثاني حظه تعبان ومنحوس طول عمره.
المهم كانوا قاعدين يسولفون قال اللي حظه حلو للمنحوس: اشرايك نروح المزرعه الفلانيه وناخذ موز؟
رد عليه المنحوس: اوكي مشينا.
المهم راحوا،
قام اللي حظه حلو طلع فوق ينزّل الموز والمنحوس ينتظر تحت عشان ياخذ الموز ...
وأشوي جاهم راعي المزرعه ومسك اللي تحت وجلده لين قال للعنز ياخاله.
جلسوا على هالحالة ثلاث أيام والقرد المنحوس ماغير كل ماراحوا يسرقون طب عليهم راعي المزرعه ولعب في حسبته ..
آخر شي قرر القرد المنحوس يعتزل السرقه خلاص ان شاءالله لو يموت من الجوع احسن مايموت من الطق0
المهم جلس القرد الثاني يحاول فيه ويقنعه انهم يرحون يسرقون وان شاءالله راح تعدي على خير هالمره
بعد محاولات قال القرد المنحوس اوكي بس بشرط
انت دايما فوق وأنا دايم تحت وأنا اللي انضرب .. هالمره أنا بطلع فوق وانت خلك تحت قال إللي حظه حلو: أوكي مافيه مشكلة!
المهم اتفقوا .. ويوم راحوا شافهم راعي المزرعه ومعاه اثنين من أخوياه .. ويوم وصل عندهم
قال لربعه جيبوا اللي فوق اللي تحت `ذا دايم اضربه!

مافي فكه رااااااااااااااااااااااااااااااح فيها المنحووووووووووووووووووووووس[/align]

[[ WEB22 ]]

تفائل بالخير تجده

[أديب]

وفيه " مناحيس " أكثر من كذا .... الله يجعل حظنا وحظك قوي

أشكرك على الموضوع الرائع ... اعطنا المزيد

إلا على فكرة : رحت إيران والا باقي ... ههههههههههههه

تحياتي يا " البرادعي " ،،،

[ابـــوزهـــره]

ذيه منحووس وبس الله المستعان


مشكور على الموضوع

تحيتي لك

[شمسuae]

ذكرتني بالي يصير عندي

مره كنت مريضه تعبانه ودوني المستشفى وكان الدكتور يبا يركب لي المغذي(المحلول الوريدي)

المهم ركبه تعطل الجهاز جاب ثاني راح يشغله تعطل جاب ثالث وتعطل قال انا توني مشغلنهم من شوي ليش ما اشتغل

المهم بعد محاولات ومحاولات اشتغل

بنفس الفترة رحت اسجل بالجامعه ايام كنا نسجل مع الارشاد قبل اختراع بالنت
المهم كنت بالطابور كل شوي تاخذ ورق البانات وتسجل عادي يوم وصل دوري سجلت رقم الا وانطفت كل الكهربا

انتظرت نص ياعه ما جت
قالت رجعي بكرة

ورجعت وصفيت ويوم جا دوري انطفت الكهربا مرة ثانيه


حسيت اني نحس



يحليلك يا القرد والله حاسه فيك

[mshaz1000]

[align=center]

اقتباس: المشاركة الأصلية كتبت بواسطة الشامسيه      ذكرتني بالي يصير عندي مره كنت مريضه تعبانه ودوني المستشفى وكان الدكتور يبا يركب لي المغذي(المحلول الوريدي) المهم ركبه تعطل الجهاز جاب ثاني راح يشغله تعطل جاب ثالث وتعطل قال انا توني مشغلنهم من شوي ليش ما اشتغل المهم بعد محاولات ومحاولات اشتغل بنفس الفترة رحت اسجل بالجامعه ايام كنا نسجل مع الارشاد قبل اختراع بالنت المهم كنت بالطابور كل شوي تاخذ ورق البانات وتسجل عادي يوم وصل دوري سجلت رقم الا وانطفت كل الكهربا انتظرت نص ياعه ما جت قالت رجعي بكرة ورجعت وصفيت ويوم جا دوري انطفت الكهربا مرة ثانيه حسيت اني نحس يحليلك يا القرد والله حاسه فيك

الله يهديك كل هذى نحاسه والا صدف

ياخوفى ان الشركه المستضيفه المنتدى تقفل


بس دامك مسجله من زمان الحمدلله عدت

تحياتي لك على المشاركه

يعطيك العافيه اخى البرداعي على الموضوع [/align]

[سهم]

هههههههههههههههههههههههههههههه
المنحوس منحوس ولوعلقو فوق راسه فانوس

يعطيك العافيه اخى البرداعي

[شمسuae]

اقتباس: المشاركة الأصلية كتبت بواسطة mshaz1000      [align=center] الله يهديك كل هذى نحاسه والا صدف ياخوفى ان الشركه المستضيفه المنتدى تقفل بس دامك مسجله من زمان الحمدلله عدت تحياتي لك على المشاركه يعطيك العافيه اخى البرداعي على الموضوع [/align]

ههههههههههههههههههههههههههههههههههههههههههههه
اقول للوالد انا منحوسه يقولي انتي من جيتي جبتي الخير

واقول للوالده انا منحوسه تقولي في دوا اذا حابه تتعالجين اقولها شو هو تقولي الوسم(الكي)

اقولها لا خليني بالنحس


اما بالنسبه للمنتدى اصبر يمكن تجي قريب

هههههههههههههههههههههههههههههههههههههه

[عدواني والعز عنواني]

هههههههههههههههههههههههههههههههههههههههههه
اووووووووووووه ياكثر المنحوسين......

[الشــــــــوق]

يعطيك العااااافيه