لا قالوا الفخر قلت الفخر زهران

[غلا الشيخي]

لا قالوا الفخر قلت الفخر زهران
قوم ٍ سبوا من مارد الترك سيفه
قوم ٍ لهم في سالف العصر أزمان
صيت ٍمدوي ما تساقط خريفه
رجال ف الموقف يشبون نيران
أهل الشهامه والقلوب العفيفة
أهل الكرامة والوفا دوم شجعان
تهاب طلتهم جيوش ٍ منيفه
وخل الملامة ما لها أي عنوان
ياللي تقلل بالعلوم النظيفه
أحفاد وأبناء الصحابه .. والأعيان
وش كثرهم .. والطفل يولد خليفه
البيت من كثر الكرم دون بيبان
والكل من زود الوفا قال .. ظيفه
هيبه وطيبه وهل جود وإحسان
ما باعوا الشيمات من شان .. جيفه
ربعي وكل المدح والشعر يزدان
لا جاك يذكر للمعاني الشريفه
والله لفخر وأكتب المدح قيفان
لا صار ولفي ميت ٍ في وليفه
دام إن ربعي لا قسى الوقت زهران
وش حاجتي باهل النفوس الضعيفة

[منبع الطيب]

"دام إن ربعي لا قسى الوقت زهران
وش حاجتي باهل النفوس الضعيفة"
.
.
صح لسانك ولسان ناظمها
قصيدة جزله ،

لنا الفخر والعزة بأننا ننتمي لهذه القبيله العريقة ..
التي انجبت الصحابة والملوك ورموز التاريخ الماضي والحاضر.

مع اطيب الامنيات ،،،

[غلا الشيخي]

اقتباس: المشاركة الأصلية كتبت بواسطة منبع الطيب      "دام إن ربعي لا قسى الوقت زهران وش حاجتي باهل النفوس الضعيفة" . . صح لسانك ولسان ناظمها قصيدة جزله ، لنا الفخر والعزة بأننا ننتمي لهذه القبيله العريقة .. التي انجبت الصحابة والملوك ورموز التاريخ الماضي والحاضر. مع اطيب الامنيات ،،،

منور متصفحي بطلتكك منبع الطيب لاعدمنا تواجدك
غلا الشيخي