اليوم حاديني على الضيق حادي

[ألمحيط]

اليوم حاديني على الضيق حادي
عزي لمن حده زمانه على الضيق

يزهم ولكن ما يجيبه منادي
وباب الفرج دونه مقفل مغاليق

حتى غشى نور النهار السوادي
كنه بظلمة ليل ما به مشاريق

صابه من المضماه حرق الكبادي
كثر الضما يشكي منه يبسة الريق

والجو حار ولا يحوفه برادي
ما فيه قطرة ماء تبل المعاليق

عزاه ياحظ النكد وين غادي
وديتني يم القفار الحواريق

اشكيك للي مطلع في فؤادي
يبدل الحزن المخيم توافيق

ويحقق الله بعد حزني مرادي
رازق طيور الجو فوق الشواهيق

ارجيه سبحانه عليه اعتمادي
مالي رجا غيره ولا اقدر ولا اطيق

راشد الجمعان

[ابن روزه]

صح لسانك وسلم بنانك

[ألمحيط]

اقتباس: المشاركة الأصلية كتبت بواسطة ابن روزه      صح لسانك وسلم بنانك

صح بدنك الله يسعدك ويبارك فيك
ورحم الله والديك
دام عزك وروحك الطاهرة

[الشغموم]

القصيدة جميلة جدا و قوافيها جميلة ، صح لسانك عليها و بارك الله فيك

[ألمحيط]

اقتباس: المشاركة الأصلية كتبت بواسطة الشغموم      القصيدة جميلة جدا و قوافيها جميلة ، صح لسانك عليها و بارك الله فيك

صح بدنك وشكرا لك على مرورك الذي يسعد الخاطر
الله يسعدك ويرحم والديك
دمت بخير