(¯`•¸·´¯) لاتجرحين العـود بعيونك السـود (¯`·¸•´¯)

[مح العدواني مد]

[align=center]بدايه القصه عن شايب هواوي ( قلبه خضر ) ما يشوف بنت الا ينفتن ومشهور بانه حبيب
وفيه بنت ملكعه وصاحبة مقالب قالت في نفسها انا ليه ما اروح للشايب وامزح معه واضحكه شوي واشوف ردة فعله كيف تكون
راحت له وردت عليه السلام كيف حالك يا شايب رد السلام والله بخير
وفجأه عطته ظهرها ومشت ولا استإذان ولا شي
ولع الشايب من حركتها قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت باخوي الي في قبره ويذكر التاريخ واليوم اللي قابلها فيه

يقول الشايب :

[poem=font="Times New Roman,5,#0F0F00,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
يا بنت خوذي خاطري وارحميني=لا تجرحين العود بعيونك السـود
غضي نظرك وغطي الوجنتينـي=لعل يومٍ جدد الجرح مـا يعـود
يوم انتهى مع مرمسات السنينـي=جتني صواديفه على غير مقصود
باول شهر عشره نهـار الثنينـي=حمدان مروا به على جنازة حمود[/poem]


البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره وعلى باله ما خذ راحته في التغزل
ردت عليه تقول :

[poem=font="Times New Roman,5,#0F0F01,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
يا شايب الرحمن وينـك ووينـي=عزي لحالك قدمك الباب مسـدود
قلبك عطوف وجاه قلـبٍ متينـي=والبنت ما تشفق على مغازل العود
حبل الرجا مقطوع بينـك وبينـي=مثل الغليث اللي رعا قلبه الـدود
اقفى شبابـك والعـرب مقبلينـي=يا عود ما يرجع من العمر مفقود[/poem]

حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه

يقول حمدان :

[poem=font="Times New Roman,5,#0E0E01,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
يا بنت صـدي بالعيـون الظليلـه=لا صد عنـك الله نهـار القيامـه
مالي ومالك يالفـروع الطويلـه=لو فيك من رسم البـداوه علامـه
يابنت مـا لـي بالثمانيـن حيلـه=اهدف كما تهدف على البير قامـه
اقفى شبابي والدهر شفـت ميلـه=يالله حسـن الخاتمـه والسلامـه
اعطيك موجز والبضاعـه قليلـه=واخذت لك من صافي الماء سنامه[/poem]

راحت الايام والشايب مسكين سنه خذله معها شايب وهي بنت وتقول له كيف اعطي شايب وجه
بعد فتره مرته مره ثانيه وردت عليه السلام واستفزته وراحت وخلته ولع الشايب وقال ليه ما ابين لها في كم بيت انها بتشيب مثلي واني رجال طيب وان الناس تنصاني ومعروف بالكرم واني ما ابي منها غير التحيه والترحيب
يقول حمدان :

[poem=font="Times New Roman,5,#0E0E01,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
يــا بـنـت مــا جــاك الـكـبـر والخـشـونـه=وعــادت شـبـاب الـيـوم يجـفـل مــن الشـيـب
ياسرع ما وبلك تمزع مزونه =يالفاتنه يا ام الثمان الرعابيـب
يا بنت ما بيني وبينك مهونه= كلمة شرف نبي تحيه وترحيب
الله من عودٍ ثقيله طنونه =ينصاه راع المشكلـه والمواجيـب
على الكرم والدين نفسه حنونه= تلقاه بالاجواد شرق وتغاريب[/poem]

جهز الابيات وارسلها مع عجوز ووعد العجوز بهديه اذا وصلت الرساله لها
راحت العجوز وعطت البنت الابيات شافتها البنت وقفلت على العجوز في غرفه وقالت مثل ما جيتي بابياته ترجعني بابياتي
العجوز مسكينه قالت طلعيني ولا ابي منكم شي الله لا يعودكم انتم واوراقكم
ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف
تقول البنت :

[poem=font="Times New Roman,5,#0E0E01,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
العود عود وطايحـاتٍ سنونـه=من كثر ما يرقد على جرة الذيب
عودٍ مهرقل والعرب ما يبونـه=ياعود ما لك في طويل المراقيب
اقفى شباب العود راحت حتونه=مثل اليتيم اللي بكا ما له مجيب
جداه ينثر دمعـة ٍ مـن عيونـه=غريق موجٍ ما لقا له مقاضيـب[/poem][/align]


[align=center]من اختياري اتمنى ان تنال اعجابكم [/align]

[أبو ريلام]

موضوع رائع واختيار موفق
شكرا لك أخي محمد

[البرنسيسة]

مبدع الشــعر والنثــر ** مح العدواني مد **
جميــل ماانتقــاهـ قلمكــ
من روائع القصة والقصيدهـ
طــرح رااقــي مميــز وممتع**

دمت قلماً ينبض بالعطاء الآمحدود و المعهود.......
بإنتظــار المزيد من روائعكــ***
تقبل أرق تحيــــة,,,

[سعد الحبيطه]

أختيار رائع
اشكرك بعنف على الطرح الجميل
تقبل تحياتي

[ابو عادل العدواني]

[مح العدواني مد]

[align=center]

اقتباس: المشاركة الأصلية كتبت بواسطة أبو ريلام      موضوع رائع واختيار موفق شكرا لك أخي محمد

ابو ريلام
نورت يا غالي تشرفت بمرورك
دمت بود[/align]

[مح العدواني مد]

[align=center]

اقتباس: المشاركة الأصلية كتبت بواسطة البرنسيسة      مبدع الشــعر والنثــر ** مح العدواني مد ** جميــل ماانتقــاهـ قلمكــ من روائع القصة والقصيدهـ طــرح رااقــي مميــز وممتع** دمت قلماً ينبض بالعطاء الآمحدود و المعهود....... بإنتظــار المزيد من روائعكــ*** تقبل أرق تحيــــة,,,

البرنسيسه
كل الشكر على حضورك الرائع
دمتي بود[/align]

[مح العدواني مد]

[align=center]

اقتباس: المشاركة الأصلية كتبت بواسطة @ســـعـ الفقار ـــد@      أختيار رائع اشكرك بعنف على الطرح الجميل تقبل تحياتي

سعد الفقار
حياك ياغالي حضور جميل
كل الشكر على التواجد الدائم
دمت بود[/align]

[مح العدواني مد]

[align=center]

اقتباس: المشاركة الأصلية كتبت بواسطة ابو عادل العدواني

ابو عادل
مشكور على مرورك الكريم
دمت بود[/align]

[الشــــــــوق]

راااااااااااااائع كعادتك

تقبل مروري