استفتاء خاص !!

[عالمي زهران]

انطلاقا من موضة الاستفتاءات التي انتشرت بكثره الفتره الاخيره .. تقل موضة فساتين !!
دزينا على كم استراحه حولنا وحوالينا .. فكانت المفاجأه التي صدمنا فيها !!
والى الحين ونا مصدوم .. معقووولا .. قسم !!
طبعا الاستفتاء شمل انواع من الاستراحات .. بما فيها .. استراحات عمال وزوله !!
وليس لي مصلحه من هذا الاستفتاء سوى عمل احصائيه عن احلى لون للاستراحه ليستفيد منها اصحاب الاستثمار في تاجير الاستراحات ويعرفون اللون المفضل لدهن الجدران والاسقف .. اسوة بالمهندس اياه !!
وللمصداقيه فان الاستفتاء تم بشكل عشوائي .. يعني مارحت استراحات بالترتيب .. لا .. خذناها عشوائيا .. يعني حسب المزاج .. مره اللي جنبنا .. بعدين اللي قدامنا .. ثمن اللي جنب اللي ورانا .. وبعدها قدام اللي جنب اللي قدامنا !!
صح اني نصرواي صميم .. لكن المصلحه اهم .. لذلك لم يكن للعاطفه والميول وجود .. بل كان لها .. كل الوجود !!
ماعاد الا هي .. تستفتي للجار .. قم وخر هناك بس > هذا الكلام بيني وبين نفسي .. مالكم فيه !!
المهم .. المهم اول استراحه كانت لشباب سعوديين عددهم 14 شخص .. منهم 3 اتحاد و1 شباب و 8 نصر 2 هلال
يعني بالمئويه >> 57.14 % نصر
21.42 % اتحاد
14.28 % هلال
7.14 % شباب
ثاني استراحه كانت برضه لشباب سعوديين عددهم 8 اشخاص .. منهم 6 نصر و 2 هلال
بالمئويه >> 75 % نصر
25 % هلال
ثالث استراحه كانت لعمال اجانب .. عددهم 44 عامل .. منهم .. 12 مافيه معلوم .. و 14 بعدين فكر .. 18 خيلال .. وبعد الترجمه من احدهم .. عرفت شنو يعني خيلال !!
يعني بالمئويه >> 40.90 % هلال
31.81 % يفكرون
27.27 % مايدرون
رابع استراحه كانت مؤجره لسحور ذيك الليله .. اغلبهم حريم وبزارين .. عددهم 38 شخص .. منهم 4 شباب اتحاديين .. 5 شيبان اهلاويين .. 1 طفل صغير شبابي .. 2 شباب اتفاقيين .. 6 شباب نصراويين .. 7 بزارين هلاليين .. 13 حرمه هلاليات !!
يعني بالمئويه >> 52.63 % هلال
15.78 % نصر
13.15 % اهلي
10.52 % اتحاد
5.26 % اتفاق
2.63 % شباب
وبشكل عام كان النسب كالتالي >>
عد الذين صوتوا 104 اشخاص
42 شخص هلالي بنسبه مئويه 40.38 %
20 شخص نصراوي بنسبة مئويه 19.23 %
7 اشخاص اتحاديين بنسبه مئويه 6.73 %
5 اشخاص اهلاويين بنسبه مئويه 4.80 %
2 شخص شبابيين بنسبه مئويه 1.92 %
2 شخص اتفاقيين بنسبه مئويه 1.92 %
عشان كذا انصدمت .. بس يوم قلبتها وشفت من اللي صوت .. دريت شنو السالفه !!
بعدها حسيت اني مريض .. الا وشو له اسوي استفتاء .. كل شي واضح ومايبي له استفتي .. استغفر الله بس !!
نصهم عمال .. والنص الثاني حريم وبزارين .. العمال يمدحون موبايلي .. والحريم والبزارين مع الخيل ياشقرا !!
والبقيه مايحبون يكونون مع الخيل يا ازرق !!
طبعا .. نسيت اقولكم .. انه تم تسجيل المكالمات .. قصدي المقابلات .. بس في مخي .. يعني لاحد يجي ويقولي .. اثبت !!
اللي يبي اثبات .. يروح للمهندس .. واذا عطاه .. انا اعطيه .. ومافيش حد احسن من حد !!
كل سنه وكل نصرواي فووووق .. فووق وهوه بخير وصحه .. والبقيه كل سنه وانتوا ورانا ورانا .. وهم بخير وعافيه !!
تحياتي

[Al Zahran]

الاستفتاء الاخير مادخل ببالي ياعالم باعقل 6 الالف شخص حسبوها على جماهيرية الاندية جميعها وحتى لو كان صحيح الاهلال اكثر من نص شعبية من الجنس الثاني !

تسلم ياعالمي

[نوافوو]

الهلال الأكثر جماهيرية في استفتاء دايهاتسو للأندية الأكثر شعبية

جدة - سليمان

قامت دايهاتسو بإعلان نتائج الاستفتاء الكبير و الأول من نوعه عن الأندية الأكثر جماهيرية بالمملكة في حفل كبير حضره العديد من الشخصيات الرياضية ووسائل الإعلام المختلفة وقام بتقديم النتائج الإعلامي المعروف بتال القوس .


و بهذه المناسبة صرح المدير التنفيذي لدايهاتسو المهندس : عادل عزت أن الهدف من إقامة هذا الاستفتاء هو دعم الحركة الرياضية بشكل احترافي و ذلك بتوفير معلومات احصائية دقيقة للشركات التي ترغب الاستثمار في المجال الرياضي لأنه أصبح من الواضح افتقار الوسط الرياضي لدراسات و أبحاث مفصلة من شأنها توضيح الصورة لأعداد المهتمين بكرة القدم و انتماءاتهم و أحوالهم الاقتصادية وفئاتهم العمرية و مستوى تحصيلهم العلمي وغير ذلك من المعلومات الإحصائية التي من شأنها رسم خارطة الطريق لبيئة استثمارية حقيقية بمعايير عالمية. وقد تمت هذه الدراسة بشكل محايد باستخدام عينة كبيرة تتمثل في 6000 مشجع من جميع المدن بشكل متوافق مع الكثافة السكانية و التوزيع الجغرافي في المملكة و من أجل ضمان الجودة و تأكيداً لمبدأ الحياد قامت الشركة التي عملت الاستفتاء بتسجيل جميع القابلات و المكالمات التلفونية .



وقد جاءت نتائج الاستفتاء على النحو الآتي :

[أحمد اللقطي]

هههههههههههههه
هههههههههههههههه
هههههههههههههههههههههههههههههههههه
ههه ههه ههه ههه ههه ههه
رهييييييييييييييييب والله رهييييييييييب وعالمي
حلو هالإستفتاء ونتائج رهيبة وماهي جديدة جمهورهم كلة حريم وبزران
بس الجديدة خيلال قوية قوية والله قوية
والجديد بعد ماشوف ولا هلالي يوطوط هنا بالعادة يجون يراكضون لما تطرح موضوع والا حسوا الحين انك لامست الواقع والحقائق
تبقى كبير ياعالمي بمواضيعك وابداعاتك وياويلهم من العالمي
ينعاد عليك يارب انت ومن تحب

[ابو يزيد الحريري]

وين راح الاهلي ياربعنا يؤؤؤؤ والله هذا تصنيف غير مرضي بتاتاَ

اتوقع بالغربية الاهلي والاتحاد مناصفة
وبالوسطى النصر والهلال مناصفة

لااحد يقدر يفتي في مثل هذه الامور
لان الجميع ماهم موجودين بالملعب كلهم ..

واذا نظرنا الى زمان سابق وهناك مثلا اب اهلاوي تحصل اولاده بالفطرة اهلاويين
ههههه مثال للاهلي فقط .. عاد البقية الله اعلم .. وسامحونا

[النقيب خالد]

عالمي زهران صراحة استفتاء مميز وانت ماقصرت يكفي انك تبحث عن ايجاد ارض صلبة للاستثمار الرياضي في الاستراحات بحيث تهتم الاستراحات بالوانها مثلا القسم النسائي تقلبة ازرق

وبدل مايجون الهنود عند الاستراحات يبيعون خيزران عشان العرضة يبيعون طواقي ( ملاحظ انك افدت واستفدت )



الله يوفقك يارب ويجعلك ذخر لنا بارائك الجميلة

[عالمي زهران]

اقتباس: المشاركة الأصلية كتبت بواسطة Al Zahran      الاستفتاء الاخير مادخل ببالي ياعالم باعقل 6 الالف شخص حسبوها على جماهيرية الاندية جميعها وحتى لو كان صحيح الاهلال اكثر من نص شعبية من الجنس الثاني ! تسلم ياعالمي

ولا رح يدخل عقل اي عاقل !!
وهذا الاستفتاء اتحداهم ينكرونه .. لانه الواقع .. والواقع مرير !!
بزراين وشلة حريم مايعرفون اصلا شنو هلال .. الا اول الشهر !!
والبقيه شلة عمال .. ماهمهم الا التخفيضات والعروض .. ويسمعون بشي اسمه خيلال !!
منور

[عالمي زهران]

الاخ > خمسميه متقطعه
هذا استفتاء ذكي من شركه غبيه !!
تريد ان تسحب الهلاليين اليها سحبا بس بدون حبل !!
الا هيه عارفه منو الاكثر .. وعارفه منو اللي ينفعها .. ومنو اللي مامنه خير .. فقالت ياولد ليش مانصكهم باستفتاء !!
عاملنا عنده ديهاتسو مسوي لها دعايه من قبل .. لكن الحين .. سيده عالتشليح .. بلا ديهاتسو بلا خبال !!
الا ليش ماتصرف عمرك .. هلل !!

[عالمي زهران]

اقتباس: المشاركة الأصلية كتبت بواسطة أحمد اللقطي      هههههههههههههه هههههههههههههههه هههههههههههههههههههههههههههههههههه ههه ههه ههه ههه ههه ههه رهييييييييييييييييب والله رهييييييييييب وعالمي حلو هالإستفتاء ونتائج رهيبة وماهي جديدة جمهورهم كلة حريم وبزران بس الجديدة خيلال قوية قوية والله قوية والجديد بعد ماشوف ولا هلالي يوطوط هنا بالعادة يجون يراكضون لما تطرح موضوع والا حسوا الحين انك لامست الواقع والحقائق تبقى كبير ياعالمي بمواضيعك وابداعاتك وياويلهم من العالمي ينعاد عليك يارب انت ومن تحب

هههههههههههههههه .. الله يرجك ياشيخ .. قسم بالله انك دقيق .. بس مو كويتي
تصدق عاد .. اني قاعد اضحك وانا اسوي هالاستفتاء .. جالس في ذيك الزاويه .. وخذلك .. خيلال .. قصدي خيال .. وربي كلها من راسي
مارح يقدرون يجون .. على بالهم صدقن .. مايدرون اني العب سوني وطلعت .. وعلى بال مايجي دوري .. سويت استفتاء
هههههههههههههههههههههههههههه .. كله منك .. فضحتنا
مشكور ابو تركي .. وناسه انت

كل عام وانت والاهل والاخوان وكل من يعز عليك بخير وعافيه

[عالمي زهران]

اقتباس: المشاركة الأصلية كتبت بواسطة العناء001      وين راح الاهلي ياربعنا يؤؤؤؤ والله هذا تصنيف غير مرضي بتاتاَ اتوقع بالغربية الاهلي والاتحاد مناصفة وبالوسطى النصر والهلال مناصفة لااحد يقدر يفتي في مثل هذه الامور لان الجميع ماهم موجودين بالملعب كلهم .. واذا نظرنا الى زمان سابق وهناك مثلا اب اهلاوي تحصل اولاده بالفطرة اهلاويين ههههه مثال للاهلي فقط .. عاد البقية الله اعلم .. وسامحونا

يابو محمد .. كل عام وانت بخير .. لاتصدق .. هذا استفتاء خيلالي .. قصدي خيالي .. كما هو الحال لبقية الاستفتاءات !!
ماعندنا شك .. الاتحاد والاهلي الاكثر جماهيريه .. في الغربيه والجنوبيه .. والنصر الاكثر جماهيريه على مستوى المملكه بل خليجيا .. الا بل عربيا !!
اما الهلال فالاكثر جماهيريه على مستوى .. الحريم والبزارين .. وهذي مانقدر نعترض عليها !!
منور ياعمده