يا لبى قلللبك يالريااااااااض

[برشلوووني كتالوني]

,, ندخل بالموضوع بمقدمة بسيطة عن المبتعثين
مساكين هالمبتعثين مابقى أحد ماحش فيهم ,,







المبتعثين المهايطيين وخصوصا القراوى منهم (الا من رحم ربي ) ,, في أول إجازه لهم بعد الغربة واذا رجعوا السعودية ,,
فجأه بقدرة قادر يصيرون كووول

وطبعا اذا قابلوا أخوياهم وجلسوا يتكلمون ,, حنا في أمريكا ولا في بريطانا ولا في استراليا عندنا وعندنا وعندنا ,,
الي يشوفه يقول بس هذا صار من أهل البلد !!

طبعا يحاولون بشتى الطرق يذكرون كل الأشياء الي مب موجودة عندنا ويتكلمون عنها ,, لقالك اننا بنموت من القهر ,
ولقالهم بيعيشون هناك طول العمر

مايدرون ان مردهم للثمامة ومقهى ابو هيثم



يعني يجيك واحد عايش24 سنه من حياته على القناة الثانية ويوم تطور صار على ام بي سي تو ,,
وفجأه بعد كم شهر في أمريكا يقولك ياخي وشلون عايشين انتم بدون سينما !!! تكككفى يا أوبرا



ولا يجيك ويقول ياااااي ياخي السواقة مره صعبه عندكم!! ماكنه له 10 سنين بالكامري الخايسه حقته الي مافيها زاوية الا محكوكة
من المساقط والتشطيف ,,



المهم ماعلينا ,, من ضمن الأشياء الي يهايطون فيها ,, لعبة عالمية اسمها ( كرة الطلاء ) او (paintball) ,,

طبعا اللعبة ذي جازت لربعنا لان فيها تفقيع وجيه وحرب ,, عاد ربعنا والله من اللعانة ,,




اللعبة هذي وشي,, يلبسونك لبس خاص خوذه وماخوذه ,, وفريقين ,, ويعطونهم مسدسات فيها كور من الطلاء,,
ويطلقونهم بالميدان ,, وفيه حكام

ويالله كل فريق يستخدم التكتيك المناسب علشان يفقع وجه الثاني ,, بالمسدس طبعا ,,
ومتى يطلع الواحد !!! اذا صارله زي كذا






وهذا بعد مفقوع وجهه









وهذي صورة داخل المعركة










وهذي الصورة صراحة أول ماشفتها حسيت إنها في ضرما ولا المزاحمية خخخخ










هذا المسدس وكور الطلاء الي يعطونك إياها















المهم مانبي نطول بالموضوع ,, نجي للأهم ,,
اذا جاك واحد جاي من برا يهايط عليك باللعبة هذي ,, قله بدددددري عليك ,, لأنها الحين صارت موجودة بالثمامة


صراحة اول ماسمعت عنها توقعت انهم يعني مصرفينا باستراحة كذا وحاطين فيها برميلين زبالة وكل واحد يطلق وانتهينا



بس يوم رحت ,, طلع شغل مرررررررررررررتب,, ميادين رهيبة ,, ومبنى رهيب ,, وحكام ,, وتدريب ,, وخدمه ,, باختصار شي رهههههههههههههههههيب



صح ان الوجيه الي هنا مب زي الوجيه الي برا ,, وهذي يقدرون يهايطون علينا فيها المغتربين
بس اهم شي الاخلاق واهم شي اللعب والفله والبسطه والوناسة وتفقيع الوجيه ,, والحين بخلي الصور تتكلم



هذا المبنى حقهم صورة نهاريه وصوره ليليه وقريبا صوره بعد المغرب :P

وهنا طبعا المدخل حقه ,,, لاتسالوني عن ابو شماغ وش جاي يسوي ,,

بس يمكن والله أعلم مار وشاف المبنى الي كله أنوار كنه ملعب ,, حب يشوف وش السالفة ,,

يعجبني حب الاستطلاع عند السعوديين ,, صح أنه على غير سنع بعض الأحيان ,, بس ميخالف











طبعا بعد ماتسجل ,, ويعطونك ابلكيشن تعبيه ,, يودونك لفلبيني ياخذ مقاساتك ويعطيك البدله الي قدك ,, كل المقاسات موجوده حتى اكس اكس اكس اكس لارج


ويعطيك الخوذه ,, ويقولك تفضل ,, طبعا اذا دخلت تلقى سيب طويل .. فيه اربع ميادين,, كل ميدان يمكن كبر نص ملعب استاد الملك فهد <<<<< والله من زين الشرح

هذا السيب وفيه ميدان يمينك ,, وميدان يسارك ,, وبعد شوي بنشوف الميادين والفله ,,, والشعب السعودي الزاحف









وهذا السيب الي بين الميدان الثالث والرابع







طيب الحين خلونا نلقي نظرة على الميداين من قرب ,
هذا الأول وأهم شي الباص ,, مابقى الا يجيبون فاندام









وهذا ميدان ثاني







وهذا بعد














طبعا اول ماتدخل ,, ويعطونك الخوذة واللبس , وتلبس وتستعد

يعطونك بعدها المسدس ,, ويجي المشرف يشرح اللعبة وكيف تفوز وكيف تنهزم وكيف تستخدم المسدس وهيك أشياء ,, <<<< اهم شي كيف تنهزم خخخ

هذا الفلبيني المسئول عن المسدسات لابس كمامة ,, لانكم تعرفون جو الرياض العليل ,, بس احسن علشان حرب وغبار تحس انه اكشن من جد
يعني اتحدا ام ام امريكا يقدرون يجيبون اكشن طبيعي زي كذا












وهذا الشاب اللطيف من المركز ,, يشرحلهم اللعبة علشان مايجيبون العيد
وواضح من الابتسامات الشريره للمتسابقين أن كل واحد ناوي للثاني نية قشرا











والحين عاد نبي نشوف التفلت

الشعب السعودي ,, شعب متفلت
حركات وتكتيك وفن

لا والله فلحنا
نبدا وحده وحده


هذا جون ترافولتا الثمامة









أما هذا الجاي تحففففة ,, العدو من خلفكم

يسسسسسمع بالاستراتيجيات ,, لقاله متغبي ورا كومة هالشعير
بس الشرهه مب عليه الشرهه على فريقه الي ماعلموه أن فيه عدو وراه









ولا عاد هذولا ,, يعني أنا أبي افهم وش فايدة الحركة هذي ؟؟؟
قسم بالله أم بي سي تو خرجت لنا محاربين على كيف كيفك













وهذا مفقوووووووووووووووووووووووع وجهة













وهذا عاد أشهر محارب في تاريخ لعبة البينت بول ,, مطلوب للاحتراف خارجيا
ويقولون عليه طلبات كثير علشان ينضم للجيش السعودي











إنبطااااااااااااااااااااااااااااااااااح









الإتحاد قووووووووووة









وهذولا فريق شكلهم صراحة محترفين
اققققققققققققعد ياكيلرز













وهذا فريق ثاني ,, صراحة مع احترامي لهم ,, من أشكالهم واضح انهم يسمعون بشي اسمه بينتبول









وأخيرا فريق أبو عرادة










الي في الرياض يجمع عيال حارتهم ويروح يضحك

والله ترا الشعب السعودي موهوب ,,,

بس يبيلهم من يصقل مهاراتهم ,,

ممكن موهبه زي الصوره الجايه هذي تطلع معكم ,,

ويضمونه لجيش درع الجزيره














خخخخخخخخخخخخخخخخخخخخخ

[س+2س=3س]

ههههههههههههههههههههههههههههههههه
يعطيك العافية موضوع مسلي وغريب وروووووعة كاناقلة تسلملي

[* كاتلوني *]

يـ لـبى قـلـبـك يــ الـعـريـجـآء

[آمـيرهـ بآح ــساسي]

ايوه الله يالبى الرياااااااااض بس...

يسلموووو

[أبوعدي]

يعطيك العافية

[جسد بلا قلب]

من جد فللللله ..

باروح الرياض خصيصا عشان افقع وجيه اهل الرياض باطين كبدي كذا ..

أوف سعد وفهد الغبيشي بعد اذا معهم احد من فريقهم خلنا ندمر الثمامه والعرجاء والسليمه


ونبي دليل لنا للمكان واحد من المنتدى يكون ساكن بالرياض لكن يكون حذر بعد ما يودينا

ما ادري وش راح يحصل له

[ع-ق-الزهراني]

هههههههههههههههههه

أنا أقول لبى أهل الرياض وبس

[عبدالرحمن الخزمري]

شكراً اخي الكريم

ههههههههههههههههههههه




تحيتي و تقديري,,,

[منبع الطيب]

هههههههههههههه

والله فللللللله

آآآه يالرياض

بس الصوره هذي مو معقووووووووووووله وربي فطست ضحك




إلا على فكره
مافيه قسم للنساء
لان فيه وحده ببالي تسأل >> تبي احد يفقع وجهها

يسلموو برشلوووني كتالوني

[برشلوووني كتالوني]

بسم الله الرحمن الرحيم
شكرا لمرورك على موضوعي وهذا شرف لي ووسام على صدري
الجميع وبدوووون استثناء واسف ع الاطااله بالموووضوووع