بين الامس والحاضر

[عاشق الاحزان]

بسم الله الرحمن الرحيم




اخواني ودي اطرح عليكم موضوع سمعت عنه كثيروانتوا يمكن سمعتوا كثير عنه وهو موضوع الاولين الله يرحمهم ويغفر لهم لكن في ناس كثير جلست معهم يقولون ان الاولين طيبين على نياتهم وانهم دينين ويازين ايامهم وانهم وانهم وانهم ويقولن عن هذا الجيل بانه جيل ضياع حسد كراهيه وووووووقل ماشئت

يااخوان بالله عليكم عشنا معهم عشان نمدحهم هذا شي الشي الثاني الناس اللي كانوا يقتلون بعضهم عشان الثار مره وعشان الحلال مرة اخرى وحتى يمكن مزاج وتسليه بالله هولاء على نياتهم زد على ذلك الشركيات اللي كانت عندهم
الان تغير الوضع ولله الحمد ستين مليون مره ماعاد في شي اسمه الثار والفضل لله ثم لحكومتنا الرشيده انتشر العلم والدين والمساجد وعرف الناس الصح من الغلط صار الناس يتزاورون تكونت صداقات بل وحتى روابط اسريه بين الكثير من القبائل ولله الحمد نبذت العصبيه القبليه
صرنا في نعمه الله يديمها علينا انشاء الله قولوا يارب واعطوني رايكم



اللهم صل على محمد وعلى آله وصحبه أجمعين سبحانك اللهم وبحمدك ، أشهد أن لا إله إلا أنت أستغفرك وأتوب إليك

[نادر الجنوب]

اولا احب اشكرك اخي عاشق الاحزان على الطرح الرائع والجميل

ثانيا والمقصود على نياتهم والله اعلم بأنهم كانو لا يخونون بعضهم بعض كما في حالنا هذا
وانهم كرماء وامناء ولا يغدرون ببعضهم بعض
صحيح كانت عندهم قلة في وعي الاسلام لنقص العلم وعادات قديمه لاتصح في العقيده الاسلاميه ولكن قلوبهم نضاف من الحسد والغيبه والنميمه

[عاشق الاحزان]

الله يرحمهم ويغفر لهم لكن مع احترامي لك اخ ابو نافع انا سمعت قصص عن الاولين زمان فيها انهم يقتلون بعض عشان الارض واللي عنده خير كثير يكرهونه

[ابو عماد]

يا بو سعد الارض زمان كانت خضرة وامطار ..................
والحين اذا امطرنا اليوم الثاني ماله أثر ...........

[اللباة]

سبحان الله

على ايام زمان ونتمنى ان تعود

ليعود الخير والسلام

[جسد بلا قلب]

نعم اللهم لك الحمد على هذه النعمة التي وصلنا لها

وهذا العلم الذي يسره الله لنا لنعبد الله على بصيرة ..

والخضرة والماء ، والجفاف والقحط ، نعم ونقم من الله يبتلي بها عباده ..

ليتذكر من كان له قلب ومن وفقه الله للتفكر والتذكر ..

وكل إنسان له عقل وحدود يدرك بها ما تيسر له من العلم ، وهناك أناس لايريدون إزاحة غمامة الجهل عن أعينهم

فيعبدون الله ويرتكبون الأخطأ في عبادته واذا وجهت إنسان قال الأيمان هاهنا وأشار إلى قلبه ..

والأيمان بدون عمل لا ينفع فقد أمن كفار قريش ولكنهم اشركوا ..

والعمل الذي لايوافق الشرع لا ينفع حيث ان النصارى واليهود يعبدون الله ويتصدقون ولكنها كلها يوم القيامة تكون

هباءً منثورا لأن عملهم لا يوفق الشرع ..

فنحن نحمدالله على نعمة الدين والعلم ونطلب الله أن يغفر لنا ويتقبل منا ..

ونسعى للبحث عن الحق وإتباعه .

شكرا لك سيدي الفاضل .

[سعيد بن سالم]

اقتباس: المشاركة الأصلية كتبت بواسطة ابو عماد      يا بو سعد الارض زمان كانت خضرة وامطار .................. والحين اذا امطرنا اليوم الثاني ماله أثر ...........

صحيح

الاوليين كانوا يربون الحيوانات والطيور وكانت سبب في رزقهم .. الان لا ترى من يهتم بتربية الحيوانات .. حتى الحمير - اعزكم الله - بعد ان اتت السيارات قاموا بقتلها ومنهم من قام بجمعها ورميها من الشفاء الى تهامة . بل اني سمعت بأن احدهم قد قام بحرق حمار .
لهذا ولاسباب كثيرة نزعت البركة من الارض والله اعلم .

[السلطانة]

الأولين ماعشنا وياهم بس سمعنا عنهم من ناس شافوهم وعاصروا ذاكـ الجيلـ...
كيف بالضبط عاشوا الله أعلم بس كانوا يثقونـ في بعض ويتشاورونـ في أي قضيهـ تحصلـ عندهم...
والحرمهـ تكشف على كلـ عيالـ القبيلهـ شايبـ شبابـ عادي عندها...يعني ماكانـ فيهـ فتنـ ظاهرهـ...
بس كانـ فيهم طبع شينـ ماعندهم صلة رحم ... الله يكفينا
الوحدهـ تتزوج أختها بنفس الديرهـ ماتحضر وإلا يكونـ عزاء في بيتـ أهلها ماتروح...
وسبحانـ الله كانـ الخير كثير يعني الواحد من تعبهـ وشقاهـ يأكلـ...
ألحينـ الحمد لله تغيرتـ الحياة للأحسنـ وتعلمنا وأستفدنا...بس فيهـ قلوبـ ماتحبـ الخير للبشر...
الدينـ واحد ولكلـ زمنـ إيجابياتـ وسلبياتـ تختلفـ بإختلاف نوايا الناس.....
نسألـ الله الهدايهـ للجميع..

[ALRAGI]

اشكرك على الموضوعِِ